Brahmana Kritam Krishnanarayama Stotram

 ब्रह्मणा कृतं कृष्णनारायणस्तोत्रम् 

नीलाचलेन महता पर्वतेन विराजितम् ।
सृष्ट्वा चराचरं ब्रह्मा चिन्तयामास वै पुरा ॥ १०॥

देहिनां मोक्षणार्थं वै विष्णुं स्तोष्ये परेश्वरम् ।
अहं तु मम मोक्षार्थं भजिष्ये पुरुषोत्तमम् ॥ ११॥

विचार्येत्थं प्रतुष्टावाऽनादिश्रीकृष्णमच्युतम् ।
ॐ नमः श्रीकृष्णनारायणाय स्वामिने नमः ॥ १२॥

अक्षरेशाय मुक्तानामधिपाय नमो नमः ।
राधालक्ष्मीप्रभाहंसामाणिकीशाय ते नमः ॥ १३॥

पार्वतीशाय सगुणामञ्जुलेशाय ते नमः ।
श्रीकृष्णस्त्वं परब्रह्म नारायणस्त्वमेव च ॥ १४॥

भूमा विष्णुर्महाविष्णुर्वैराजस्त्वं प्रवर्तसे ।
अन्तर्यामी प्रकाशश्च गोचरोऽगोचरस्तथा ॥ १५॥

तत्त्वात्मकश्च प्रकृतिविकृतिज्ञस्त्वमेव च ।
कोशसंस्यश्चाणुसूक्ष्मो महीयान्महतां भवान् ॥ १६॥

द्रव्यं गुणश्च कर्म त्वं भावोऽभावस्त्वमेव च ।
माया च कारणं कार्यं त्वमेवाऽसि नमोऽस्तु ते ॥ १७॥

संसारे त्वात्मलुब्धानां सारमात्मा त्वमेव च ।
असारश्चापि ते दृष्ट्या साररूपः प्रजायते ॥ १८॥

सोऽहं रागं परित्यज्य भविष्ये त्वां परेश्वरम् ।
किमसारस्वरूपाणां तुषाणामयघातनात् ॥ १९॥

यत्र चान्ते भवेच्छून्यं तन्नारभेत बुद्धिमान् ।
मया सृष्टिः शून्यकान्ता कर्तव्या नैव केशव ॥ २०॥

प्रसीदाऽद्य प्रमोक्षं च प्रदेहि मम चेच्छतः ।

इति श्रीलक्ष्मीनारायणीयसंहितायां प्रथमे कृतयुगसन्ताने ५८१-अध्यायान्तर्गतं
ब्रह्मणा कृतं कृष्णनारायमस्तोत्रं सम्पूर्णम् ।

लक्ष्मीनारायणीयसंहिता । खण्ड १। अध्याय ५८१/१०-२०॥


lakShmInArAyaNIyasaMhitA . khaNDa 1. adhyAya 581/10-20..

Proofread by PSA Easwaran