॥ श्रीदत्तात्रेय अष्टचक्रबीजस्तोत्रम् ॥

दिगंबरं भस्मसुगन्धलेपनं चक्रं त्रिशूलं डमरुं गदां च । पद्मासनस्थं ऋषिदेववन्दितं दत्तात्रेयध्यानमभीष्टसिद्धिदम् ॥ १॥ मूलाधारे वारिजपद्मे सचतुष्के वंशंषंसं वर्णविशालैः सुविशालैः । रक्तं वर्णं श्रीभगवतं गणनाथं दत्तात्रेयं श्रीगुरूमूर्तिं प्रणतोऽस्मि ॥ २॥ स्वाधिष्ठाने षट्दलपद्मे तनुलिंगे बालान्तैस्तद्वर्णविशालैः सुविशालैः । पीतं वर्णं वाक्पतिरूपं द्रुहिणं तं दत्तात्रेयं श्रीगुरूमूर्तिं प्रणतोऽस्मि ॥ ३॥ नाभौ पद्मे पत्रदशांके डफवर्णे लक्ष्मीकान्तं गरूढारूढं मणिपूरे । नीलवर्णं निर्गुणरूपं निगमाक्षं दत्तात्रेयं श्रीगुरूमूर्तिं प्रणतोऽस्मि ॥ ४॥ हृत्पद्मांते द्वादशपत्रे कठवर्णे अनाहतांते वृषभारूढं शिवरूपम् । सर्गस्थित्यंतां कुर्वाणं धवलांगं दत्तात्रेयं श्रीगुरूमूर्तिं प्रणतोऽस्मि ५ ॥ कंठस्थाने चक्रविशुद्धे कमलान्ते चंद्राकारे षोडशपत्रे स्वरवर्णे मायाधीशं जीवशिवं तं भगवंतं दत्तात्रेयं श्रीगुरूमूर्तिं प्रणतोऽस्मि ॥ ६॥ आज्ञाचक्रे भृकुटिस्थाने द्विदलान्ते हं क्षं बीजं ज्ञानसमुद्रं गुरूमूर्तिं विद्युत्वर्णं ज्ञानमयं तं निटिलाक्षं दत्तात्रेयं श्रीगुरूमूर्तिं प्रणतोऽस्मि ॥ ७॥ मूर्ध्निस्थाने वारिजपद्मे शशिबीजं शुभ्रं वर्णं पत्रसहस्रे ललनाख्ये हं बीजाख्यं वर्णसहस्रं तूर्यांतं दत्तात्रेयं श्रीगुरूमूर्तिं प्रणतोऽस्मि ॥ ८॥ ब्रह्मानन्दं ब्रह्ममुकुन्दं भगवन्तं ब्रह्मज्ञानं ज्ञानमयं तं स्वयमेव परमात्मानं ब्रह्ममुनीद्रं भसिताङ्गं दत्तात्रेयं श्रीगुरूमूर्तिं प्रणतोऽस्मि ॥ ९॥ Encoded and proofread by Dinkar Deshpande dinkar.deshpande@gmail.com Sunder Hattangadi sunderh@hotmail.com
% Text title            : dattaaShTachakrabIja
% File name             : dattAShTachakrabIja.itx
% itxtitle              : dattAtreya aShTachakrabIjastotram
% engtitle              : Dattatreya aShTachakrabIjastotram
% Category              : deities_misc, dattatreya, stotra
% Location              : doc_deities_misc
% Sublocation           : deities_misc
% SubDeity              : dattatreya
% Texttype              : stotra
% Language              : Sanskrit
% Subject               : philosophy/hinduism/religion
% Transliterated by     : Dinkar Deshpande , sunderh at hotmail.com
% Proofread by          : Dinkar Deshpande , sunderh at hotmail.com
% Latest update         : April 25, 2010
% Send corrections to   : Sanskrit@cheerful.com
% Site access           : https://sanskritdocuments.org

This text is prepared by volunteers and is to be used for personal study and research. The file is not to be copied or reposted for promotion of any website or individuals or for commercial purpose without permission. Please help to maintain respect for volunteer spirit.


BACK TO TOP