श्रीदत्तात्रेयस्तोत्रम् ११
%१२३
निर्व्यसनि प्रियो विजयते ।
निर् मलं निश्चलं शान्तं निशान्तं यस्य सन्ततम् ।
व्य तीतरज उत्कृष्टमेकान्तं दयितं मतम् ॥ १॥
स सर्वात्मापि सर्वेशः सर्वभूतगुहाशयः ।
नि यन्ता सर्वभूतानां सर्वशक्तिसमन्वितः ॥ २॥
प्रि यश्चात्मवतां नित्यं दत्तात्रेयो जगद्गुरुः ।
यो गेश्वरो योगिपूज्यो भक्तानां कल्पपादपः ॥ ३॥
वि श्वरूपधरो विश्वविहारी विजिताहितः ।
ज न्ममृत्युजराव्याधिभयदोषनिवारणः ॥ ४॥
य तिसन्न्यासिसुगतिः सर्वारिष्टनिवारणः ।
ते जसां तेज आत्मायं सदा ध्येयो मुमुक्षिभिः ॥ ५॥
इति श्रीवासुदेवानन्दसरस्वतीविरचितं दत्तात्रेयस्तोत्रं सम्पूर्णम् ।