एकश्लोकी विभक्तिदर्शक श्लोकाः
अकारान्त पुल्लिङ्ग
रामो राजमणिः सदा विजयते रामं रमेशं भजे
रामेणाभिहता निशाचरचमू रामाय तस्मै नमः ।
रामान्नास्ति परायणं परतरं रामस्य दासोऽस्म्यहं
रामे चित्तलयः सदा भवतु मे भो राम मामुद्धर ॥ (३७ रामरक्शा)
कृष्णो रक्षतु मां चराचरगुरुः कृष्णं नमस्याम्यहं
कृष्णेनामरशत्रवो विनिहताः कृष्णाय तस्मै नमः ।
कृष्णादेव समुत्थितं जगदिदं कृष्णस्य दासोऽस्म्यहं
कृष्णे भक्तिरचञ्चलाऽस्तु भगवन् हे कृष्ण! तुभ्यं नमः ॥
श्रीरामः शरणं समस्तजगतां रामं विना का गतिः
रामेण प्रतिहन्यते कलिमलं रामाय कार्यं नमः ।
रामात् त्रस्यति कालभीमभुजगो रामस्य सर्वं वशे
रामे भक्तिरखण्डिता भवतु हे राम! त्वमेवाश्रयः ॥
देवो जयति सर्वत्र देवं नमन्ति सज्जनाः ।
देवेन रक्षितं विश्वं देवाय दीयते हविः ॥
देवाद्भवति सृष्टिश्च देवस्य महिमा परा ।
देवे तिष्ठति विज्ञानं हे देव रक्ष मां सदा ॥
मित्रं भाति सदा गेहे मित्रं पश्यति बालकः ।
मित्रेण सह गच्छामि मित्राय दीयते धनम् ॥
मित्रात् प्राप्नोति सन्देशं मित्रस्य भवनं शुभम् ।
मित्रे विश्वासो मे अस्ति हे मित्र त्वं सुखी भव ॥
नृपः पालयति पृथ्वीं नृपं शंसन्ति मानवाः ।
नृपेण जीयते शत्रुः नृपाय दीयते करः ॥
नृपात् त्रस्यति दुष्टो हि नृपस्य विपुलं बलम् ।
नृपे तिष्ठति नीतिः च हे नृप त्वं जयी भव ॥
सूर्यः भाति नभस्तले सूर्यम् अर्चति मानवः ।
सूर्येण नश्यते ध्वान्तं सूर्याय दीयते हविः ॥
सूर्यात् प्राप्नोति लोकोऽजः सूर्यस्य महती द्युतिः ।
सूर्ये तिष्ठति तेजश्च हे सूर्य त्वं प्रसीद मे ॥
अकारान्त नपुंसकलिङ्ग
फलं पतति वृक्षाच्च फलं खादति बालकः ।
फलेन लभते तृप्तिं फलाय स्पृहयत्ययम् ॥
फलाद् रसः प्रस्त्रवति फलस्य मधुरा रसाः ।
फले सन्ति हि बीजानि हे फल त्वं वरं भव ॥
आकारान्त स्त्रीलिङ्ग
लता वर्धति वाटे च लतां पश्यति बालकः ।
लतया भूषिता शाखी लतायै दीयते जलम् ॥
लतायाः पतति पुष्पं लतायाः सुन्दरं दलम् ।
लतायां कूंजते भृंगो हे लते त्वं प्रफुल्ल भव ॥
रमा नारायणी देवी रमां परतरां भजे ।
रमया सर्वसमृद्धिः रमायै क्रियते नमः ॥
रमायाः प्रकृतिर्जाता रमायाः कीर्तिरद्भुता ।
रमायां सम्श्रितो लोको हे रमे सुखदा भव ॥
ईकारान्त स्त्रीलिङ्ग
नदी वहति वेगेन नदीं पश्यति बालकः ।
नद्या च सिच्यते क्षेत्रं नद्यै दीयते हविः ॥
नद्याः प्रवहति वारि नद्याः कूलं मनोहरम् ।
नद्यां तरन्ति नौकाः च हे नदि त्वं प्रसीद मे ॥
इकारान्त पुल्लिङ्ग
हरिः सर्वजगद्वन्द्यो हरिं श्रीरमणं भजे ।
हरिणा पालितं विश्वं हरये गुरवे नमः ॥
हरेः परतरो नास्ति हरेः स्तवनमुत्तमम् ।
हरौ भकिर्दृढा मेस्तु हे हरे मुक्तिदो भव ॥
उकारान्त पुल्लिङ्ग
गुरुरेव गतिर्गुरुमेव भजे गुरुणैव सहास्मि नमो गुरवे ।
न गुरोः परमं शिशुरस्मि गुरोः मतिरस्ति गुरौ मम पाहि गुरो ॥ शब्दमञ्जरि
A compilation of shlokas that include all
declensions of a words.
Send meaningful additions to sanskrit at cheerful.com