गुरुस्तुतिः
ॐ
श्रीगुरवे शिवाय नमः ।
अस्त्यस्मिन्महसां महानिधिरसौ देवो विवस्वान् महान्
यस्मिञ्जाग्रति जाग्रतीव रजनीसुप्ता इमे जन्मिनः ।
किन्त्वेका महती ततो विजयते श्रीदैशिकाङ्घ्रिद्युति-
र्यद्भासाच्छुरितं चिरन्तनतमो हित्वैव जागर्ति सत् ॥ १॥
ऊर्जस्य शुक्ले च तिथौ चतुर्थ्यां
जगज्जिगीषून् स्वत ऊर्जयन्तः ।
आविर्बभूवुर्महताबकाकाः
काश्मीरकण्डाभिधजन्मभूमौ ॥ २॥
येऽस्माननेकानभिधाय दिव्यं
ज्ञानञ्च जग्मुर्निजधाममध्ये ।
तपस्य शुक्लस्य तिथौ द्वितीये
सूर्याब्जयोः सन्धिमयेऽप्यनेहसि ॥ ३॥
अद्यापि येऽस्मानभिबोधयन्ति प्रयाणरूपेण निजेन कर्मणा ।
प्रकाशरूपप्रथितैकधाम्नि रवीन्दुमध्ये जहतः शरीरम् ॥ ४॥
यज्जमना शर्मणगोष्यवात्स्यगोत्रं तथागोत्रमवापि लोके ।
अभ्युन्नतिं लोकहितैकहेतुं सर्वासु दिक्षु प्रसरत्प्रभावाम् ॥ ५॥
तानद्य सर्वे वयमाविशन्तो गुरून्स्मरन्तो मनसाथ वाचा ।
विशुद्धभक्त्या प्रणता नमामः स्थिताञ्च ज्ञानप्रभयागतानपि ॥ ६॥
तज्ज्ञानगोत्रे गुरवश्चकासति ज्ञानप्रभाभिः प्रसृताभिरद्य ।
श्रीलक्ष्मणाख्या नमतां जनानां दृष्ट्यैव दृष्टेस्तमसां विघातकाः ॥ ७॥
गुरुशिष्यस्वरूपेण दृश्यते यद्यपि द्विधा ।
तथापि श्रीगुरुः साक्षादेक एव विराजते ॥ ८॥
इति श्रीरामेश्वराचार्यवर्यनिर्मितानि गुरुस्तुतिः पद्यानीति शिवम् ।
Encoded and proofread by Swathi R Venkat