श्रीहरदत्ताचार्यवर्यमहिम्नस्तवः
॥ अथ महामन्त्र ध्यान श्लोकाः ॥
॥ औं नमो भगवते हरदत्ताय ॥
ओंकारवेद्यविभवस्य महेश्वरस्य
सञ्चोदनेन शिवतत्वनिरूपणाय ।
भूमिं गतं मधुहरं भुवि यं वदन्ति
तस्मै नमो भगवते हरदत्तभूम्ने ॥ १॥
नन्तव्यमेकपुरुषं शिवमेव नान्यं
मन्तव्यमेकमनुमीश षडक्षरी यः ।
गन्तव्यमाह शरणं च पति पशूनां
तस्मै नमो भगवते हरदत्तभूम्ने ॥ २॥
मोक्षं ददाति भगवान्परमेश्वरोऽन्ये
मोहात् भ्रमन्ति दिविजाः भवपाशबद्धाः ।
इत्यं प्रमाण सहितं य उपादिदेश
तस्मै नमो भगवते हरदत्त भूम्ने ॥ ३॥
भस्मत्रिपुण्ड्रविलसद्रमणीय गात्रः
रुद्राक्षरत्नमणिमिर्विलसत्सुकण्ठः ।
श्रौताग्निसेवनपरश्शिवपूजको यः
तस्मै नमो भगवते हरदत्तभूने ॥ ४॥
गम्भीरसूक्तिनिचयैः श्रुतियुक्तियुक्तः
पारम्यमैशममलं पुरतो इरेयः ।
पीठेस्थितोऽनलमये प्रकटी चकार
तस्मै नमो भगवते हरदत्तभूने ॥ ५॥
वन्द्यशिशवोह्यमिनयो भरतोक्तया यत्
मौलिस्थहस्तयुगळाञ्जलिमुद्रयाऽस्य ।
इत्यादि युक्तिजटिलं य उदाजहार
तस्मै नमो भगवते हरदत्तभूम्ने ॥ ६॥
तेने हि यो निरुपमां श्रुतिसूक्तिमालां
यां वीक्ष्य जिमतयः सहसा पतन्ति ।
निष्पक्षपातहृदयाः सततं रमन्ते
तस्मै नमो भगवते हरदत्तभूम्ने ॥ ७॥
हंसोपसेव्यघठनप्रभवाम्बुपूर्ण
कंसाभिषे पुरवरेत्वनलेशपूते ।
आविर्बभूव शिवभक्त सुदर्शनो यः
तस्मै नमो भगवते हरदत्तभूम्ने ॥ ८॥
रम्योरसच्युतवती कमलां हरेर्यः
श्री सुप्रतीकतनयां पतिमाप्तुकामाम् ।
ज्ञावा सुधीः स्वगृहणीं विघिनोपयेमे
तस्मै नमो भगवते हरदत्तभूम्ने ॥ ९॥
दर्प जहार कुधियां शिववैरिणां यः
हमें पुपोष सुहृदां शिवमाश्रितानाम् ।
शैवं चकार समयं प्रतिबन्धमुक्तं
तस्मै नमो भगवते हरदत्तभूम्ने ॥ १०॥
तापत्रयाग्नि शमनैक सुधाकराय
मोहान्धकार हरणैक दिवाकराय ।
माहेशबोध जनकाय महामहिम्ने
तस्मै नमोस्तु भवते हरदत्तभूम्ने ॥ ११॥
यस्यापदानमतुलं विततं भविष्ये
भक्तोपमन्युमुनिना द्विजवर्यमध्ये ।
गीतं पुनः शिवरहस्यनवांशके च
तस्मै नमोस्तु भवते हरदत्तभूचे ॥ १२॥
भूमा शिवस्सुकृपया वटमूलवासी
ह्यारादुपेत्यपदमाश्रितबालकाय ।
नैजं प्रबोधममृतं प्रददौ च यस्मै
तस्मै नमोस्तु भवते हरदत्तभूम्ने ॥ १३॥
श्रीकण्ठ दिव्यमहिमावळिबोधिनी या
बर्थरनभरिता श्रुतिसूक्तिमाला ।
येनैव सा सुघटिता विदुषाऽसमेन
तस्मै नमो भगवते हरदत्तभूम्ने ॥ १४॥
श्री कामकोटिपीठेशकरुणालेशलेशतः ।
अकार्षीदक्षिणामूर्तिः हरदत्तगुरुस्तवम् ॥ १५॥
इति श्रीमल्लादिदक्षिणामूर्तिविरचितः श्रीहरदत्ताचार्यवर्यमहिम्नस्तवः सम्पूर्णः ॥
Proofread by Brahatha Mohan