श्रीहरदत्तगुरुराजदशकम्
श्रीमत्कंसपुरे सुधीविलसिते श्री वैष्णवानां कुले
श्रीमत्काश्यपगोत्र आविरभवत् श्री वासुदेवात्मजः ।
शैवं स्थापयितुं श्रुतिस्मृतिपुराणन्याय सञ्चारणैः
यः सोऽयं हरदत्त शैवगुरुराट् देयादभीष्टानि नः ॥ १॥
भस्मोद्धलन ईशनेत्रवहने पञ्चाक्षरीसञ्जपे
लिङ्गाराधन एव बुद्धिमभजत् पित्रानुशिष्टोऽपि यः ।
भुक्तं शैषशिशोर्न देयमिति पित्राज्ञापरो निर्गतः
यः सोऽयं हरदत्तशैवगुरुराट् देयादभीष्टानि नः ॥ २॥
विष्णुब्रह्मविमृग्यमाणपदशीर्षाशेषभूताधिप
पित्रा त्यक्तमिमं बालं करुणया प्रेक्षस्व सोमेश्वर ।
इत्यार्तं शिवपूजने कृतधियं स्वेनैव नाम्नाङ्कितं
चक्रे यं हरदत्तशैवगुरुराट् देयादमीष्टानि नः ॥ ३॥
तप्तायस्त्रिपदे महोपनिषदुक्तोपासनोपास्यतां
गायत्रीप्रतिपाद्यतां क्रतुनमश्शेषित्वमुच्चैर्जगौ ।
पाङ्गुण्यं परशैवलक्षणमित्ति श्री वैष्णवानां पुरः
यः सोऽयं हरदत्तशवगुरुराष्ट्र देयादभीष्टानि नः ॥ ४॥
पाण्ड्यराटूशिवलिङ्गभूपतिगुरुर्ब्राह्मण मार्गेण सद्
वाधूलान्वयसुप्रतीकतनया मुद्रा मेजे रतिम् ।
पुत्रानष्ट सुशीलकन्यकारी प्राप्यार्थवान् गृह्यभूत्
यः सोऽयं हरदत्तशैवगुरुराट् देयादभीष्टानि नः ॥ ५॥
तृष्णापीडितकुक्कुराय महते शङ्खस्थनीरन्ददौ
भूपालप्रहित हुतं हतवहे क्षौमं ददर्शश्वरे ।
गोहत्या विनिमोचकं शिवमनुं दूर्वाद नन्दीमुखात्
यः प्रत्याययदेष शैवगुरुराट् देयादभीष्टानि नः ॥ ६॥
भूपप्रेषितशालिभूतविलयो ब्रीह्यादगोवारणात्
पत्नीखगहतश्वदेवभवनप्राप्तिर्विभूतेर्बलात् ।
ईशादिष्टजपः श्वगोहननयोरेकान्त निरकः
एवं यः समदर्शयद्भुवि नृणां देयादभीष्टानि नः ॥ ७॥
कावेरीसिकतासु लिङ्गमतिकृञ्चण्डालपादाश्रितः
सप्तक्षेत्रपदातिचोलनृपतेः कैलाससम्प्रायकः ।
अनीशस्य रथोत्सवे सुतगणो यस्यानुभावादलं
कारन्प्राप सुगोष्पदात् शिवगुरुर्देयादभीष्टानि नः ॥ ८॥
पुष्ये लिङ्गसमीक्षणं ह्यघहरं पश्चाक्षरो मन्त्रराट्
मार्गेबन्धुरुमापतिः ऋणहरो जन्मान्तरे ह्यात्मभूः ।
पङ्गुं प्रापयते सदाशिवपदं गङ्गाधरं भक्तिरित्याद्यं
यः प्रकटीचकार गुरुराट् देयादभीष्टानि नः ॥ ९॥
सप्तस्थानसुयात्रिकः प्रतिदिनं चाग्नीशसंसेवकः
सर्वैग्रम जनैर्विमानवरमारुह्याप कैलासकम् ।
झुण्डादण्डसमुद्धृतां प्रतिदिनं सम्मोदकाराधिकां
प्राप्तां पूर्वमपश्यदेष गुरुराष्ट्र देयादभीष्टानि नः ॥ १०॥
कै बा शि रचितमेतत् दशकं गुरुराजवर्यस्य ।
दशमीन्दशां व्यपोछेत् सौख्यं दद्यात् प्रवक्तृणाम् ॥ ११॥
दशक्तिकुसुममाला श्रुति सूक्तिमालाविवरणावसरे ।
अर्पिता गुरुचरणयोः जीयादम्लान गन्धपत्राड्या ॥ १२॥
इति ब्रह्मश्री के. बालसुब्रह्मण्य शास्त्रिणा विरचितं
श्री हरदत्तगुरुराज दशकं सम्पूर्णम् ॥
॥ शुभम् ॥
ॐ
Proofread by Brahatha Mohan