॥ श्रीहरिहरात्मजाष्टकम् ॥

हरिवरासनं विश्वमोहनम् हरिदधीश्वरमाराध्यपादुकम् । अरिविमर्दनं नित्यनर्तनम् हरिहरात्मजं देवमाश्रये ॥ १॥ चरणकीर्तनं भक्तमानसम् भरणलोलुपं नर्तनालसम् । अरुणभासुरं भूतनायकम् हरिहरात्मजं देवमाश्रये ॥ २॥ प्रणयसत्यकं प्राणनायकम् प्रणतकल्पकं सुप्रभञ्चितम् । प्रणवमन्दिरं कीर्तनप्रियम् हरिहरात्मजं देवमाश्रये ॥ ३॥ तुरगवाहनं सुन्दराननम् वरगदायुधं वेदवर्णितम् । गुरुकृपाकरं कीर्तनप्रियम् हरिहरात्मजं देवमाश्रये ॥ ४॥ त्रिभुवनार्चितं देवतात्मकम् त्रिनयनप्रभुं दिव्यदेशिकम् । त्रिदशपूजितं चिन्तितप्रदम् हरिहरात्मजं देवमाश्रये ॥ ५॥ भवभयापहं भावुकावकम् भुवनमोहनं भूतिभूषणम् । धवलवाहनं दिव्यवारणम् हरिहरात्मजं देवमाश्रये ॥ ६॥ कलमृदुस्मितं सुन्दराननम् कलभकोमलं गात्रमोहनम् । कलभकेसरीमाजिवाहनम् हरिहरात्मजं देवमाश्रये ॥ ७॥ श्रितजनप्रियं चिन्तितप्रदम् श्रुतिविभूषणं साधुजीवनम् । श्रुतिमनोहरं गीतलालसम् हरिहरात्मजं देवमाश्रये ॥ ८॥ ॥ इति श्री हरिहरात्मजाष्टकं सम्पूर्णम् ॥ शरणं अय्यप्पा स्वामी शरणं अय्यप्पा । Encoded and proofread by Karthik Raman at gmail Antaratma antaratma at Safe-mail.net
% Text title            : hariharaatmajaashhtakam
% File name             : hariharaatmajaashhtakam.itx
% itxtitle              : hariharAtmajAShTakam
% engtitle              : hariharAtmajAShTakam
% Category              : aShTaka, deities_misc, ayyappa, stotra
% Location              : doc_deities_misc
% Sublocation           : deities_misc
% SubDeity              : ayyappa
% Texttype              : stotra
% Author                : Kumbakudi Kulathur Iyer
% Language              : Sanskrit
% Subject               : Hinduism/religion/traditional
% Transliterated by     : Karthik Raman at gmail, Antaratma antaratma at Safe-mail.net
% Proofread by          : Karthik Raman at gmail, Antaratma antaratma
% Indexextra            : (Popularly known as Harivarasanam, janmabhUmI)
% Latest update         : September 5, 2007, December 23, 2015
% Send corrections to   : Sanskrit@cheerful.com
% Site access           : https://sanskritdocuments.org

This text is prepared by volunteers and is to be used for personal study and research. The file is not to be copied or reposted for promotion of any website or individuals or for commercial purpose without permission. Please help to maintain respect for volunteer spirit.


BACK TO TOP