कार्तवीर्यमहामन्त्रः
(ब्रह्मकृतः)
श्री गणेशाय नमः ।
ब्रह्मोवाच ।
शृणु नारद सर्वज्ञ गुह्यात् गुह्यतरं महत् ।
कार्तवीर्यश्चायं विष्णुः चक्रवर्त्ती च देवता ॥ १॥
कार्तवीर्य महामन्त्रः त्रिलोकेषु सुदुर्लभः ।
तस्य मन्त्रमयं कृत्वा लिखित्वा बीजमक्षरम् ॥ २॥
स्वर्णपात्रे तदारोप्येताभ्रङ्कथिलमेव च ।
सुदिने यन्त्रं कुर्यान्मर्त्यलोके च मानवाः ॥ ३॥
यन्त्रारम्भे तु ब्राह्मणाय हिरण्यं गोधुमं गुडम् ।
आज्यं च दापयेत् प्रातः सर्वकार्येषु सिद्धये ॥ ४॥
दशबीजाक्षरेणैव प्रतिष्टां प्राण कारयेत् ।
कार्तवीर्यः प्रसन्नोऽस्मिन्वरं दत्वा यथेसितम् ॥ ५॥
तन्नामस्मरणादेव लोको भवतु निर्भयः ।
त्वं विद्युत् त्वं परञ्ज्योतिस्त्वं वेदपुरुषोत्तमश्च
(षोडशोपरिपूजयेत्)।
करिष्येऽहं च मध्याह्मे यथेष्टं सुखमिच्छति
यन्त्रं च पूजयेन्नित्यम् ॥ ६॥
दैन्यात्तानास्तितद्गेहे सदा कालं च सिद्धिस्याद्
शत्रुनाशाय निश्चितम् ।
अलक्ष्मीनाशमायाति वस लक्ष्मीर्निरन्तरम् ॥ ७॥
अधम धर्मं जानाति इष्टप्राप्त्यै न संशयः ।
महावश्यकरी युक्तो राजसम्मानमेव च
महाकण्टकनाशे च नित्योत्साहेति मङ्गलम् ॥ ८॥
सङ्ग्रामे दारुणे वश्ये शस्त्रबाधा न जायते ।
राजद्वारे महाद्वारे विजयं प्राप्नुवन्ति च ॥ ९॥
सान्तज्वरविनाशी च चातुर्थिकनिवारणम् ।
अपमृत्युहरे तस्माद्दीर्घमायुः सुखी भवेत् ॥ १०॥
व्याघ्रचोरभयं चैव अग्निबाधा तथैव च ।
सर्पबाधां न जानाति सर्वबाधाविनाशनम् ॥ ११॥
क्षयं च दुर्दरं रोगं सदा रोगेण पीडितम् ।
यन्त्रोदकं पिबेन्नित्यं अष्टमासे तु जायते ॥ १२॥
गुदव्याधि विनाशी च मूत्रव्याधि विनाशनम् ।
यन्त्रोदकं पिबेन्नित्यं वर्षमेकं तु जायते ॥ १३॥
द्विकाले पूजयेद्यन्त्रं शुचिर्भूत्वा च मानवः ।
कुर्याज्जपं शतदिनं लभेद्राज्यादिकं भवेत् ॥ १४॥
दशप्रदक्षिणं नित्यं मौनं कुर्यात्सुतं दृढम् ।
पुत्राभावे त्वया नारी लभेत् कृतसुतानि च ॥ १५॥
अर्कश्चन्द्रश्च भौमश्च गुरुः काश्यश्शनैश्चरः ।
बुधो राहुश्च केतुश्च तस्य पीडा न जायते ॥ १६॥
पश्यन्ती मददृष्टीनां निर्बाधा च भविष्यति ।
यन्त्रोदकं पिबेन्नित्यं पुष्टिमान् नवमासिके ॥ १७॥
कण्ठे बध्वा च बाहूनां बालग्रहनिवारणम् ।
पूजयेत्कृषिमध्याह्ने उत्कृष्टं च फलं लभेत् ॥ १८॥
प्राणीयान्मरणादन्ये स्वर्गलोके महीयते ।
स्वस्य पापविनिर्मुक्तो पदं सायुज्यमाप्नुयात् ॥ १९॥
इति डामकेश्वतन्त्रे उमामहेश्वरसंवादे कार्तवीर्ययन्त्रम् ।
प्रसन्ना तात्कालिको भवति षट्कोणोपरि तण्डुलं निधाय ॥ २०॥
आवाहनपूर्वकं दीपं प्रज्वाल्य पश्चात् जपं कुर्यात् ।
दीपमध्ये सार्थपलानि घृतं निधाय तन्मध्ये
एकादश तन्तुवर्तिकां कृत्वा निधाय दीपं प्रज्वाल्य ।
मध्यमपक्षे सार्धद्वितीयटङ्कघृतं निधाय तन्मध्ये च ।
चतुःसूत्रवर्तिकां कृत्वा निधाय दीपं प्रज्वाल्य
उत्तम पक्षे अष्टोत्तरसहस्रजपः
कनिष्टपक्षे अष्टोत्तरशतं जपः
ॐ फ्रीं च्रीं क्लीं भ्रूं आं ह्रीं क्रीं श्रीं हुं फट् स्वाहा ।
श्री कार्त्तवीर्यार्जुनाय नमः ।
अस्य श्री कार्तवीर्य महामन्त्रस्य
दत्तात्रेयो भगवान् ऋषिः ।
कार्त्तवीर्यार्जुनो विद्युच्चक्रवर्ती देवता ।
कां बीजम् । कीं शक्तिः कृं कीलकम् ।
मम सकल कामना सिध्यर्थे जपे विनियोगः
कार्तवीर्यमन्त्रः । (पाठभेदः ।)
कार्तवीर्यार्जुनो विद्युच्चक्रवर्ती देवता ।
फ्रों बीजम् ।
च्रीं शक्तिः क्रों कीलकम् ।
मम चतुर्विधफलपुरुषार्थंसिद्धये जपे विनियोगः ।
दत्तात्रेयप्रियाय अङ्गुष्टाभ्यां नमः ।
माहिमतीनाथाय तर्जनीभ्यां नमः ।
रेवाजलक्रीडातृप्ताय मध्यमाश्यां नमः ।
हैहयाधिपतये अनामिकाभ्यां नमः ।
सहस्रबाहवे कनिष्टिकाभ्यां नमः ।
कार्त्तवीर्यार्जुनाय करतलकरपृष्टाभ्यां नमः ।
एवं हृदयादिन्या सः ।
दत्तात्रेयप्रियाय हृदयाय नमः ।
माहिषमतीनाथाय शिरसेस्वाहा ।
रेवाजलक्रीडात्तप्राप्ताय शिखायै वषट् ॥
हैहयाधिपतये कवचाय हुम् ।
सहस्रबाहवे नेत्रत्रयाय वौषट् ।
कार्तवीर्यार्जुनाय अस्त्राय फट् ।
भूर्भुवस्सुवरोमिति दिग्बन्धः ।
अथ ध्यानम् ।
अव्यात्सर्वभयात्प्रभाकरनिभः खद्योतनोद्योतितः ।
स्वर्णस्रक् परिवीतकन्धरधरो रक्तांशुकोष्णीषवान् ।
नानाकल्पविभूषितकरसहस्रात्थाबाणासनः ।
बाणासक्तसहस्रबाहुरनिशं भूवल्लभो नः प्रभुः ॥ १॥
सहस्रबाहुं सशरं सचापं रक्ताम्बरं रत्नकिरीटकुण्डलम् ।
चोरारिदुष्टभयनाशनमिष्टदं तं ध्यायेन्महाविजृम्भितकार्त्तवीर्यम् ॥ २॥
दोर्दण्डेषुसहस्रसम्मितकरेष्वेतेष्वजस्रं लसत्
कोदण्डेषुशरैरुदग्रविशिखैरुद्यत्विकस्वत्प्रभुः ।
ब्रह्माण्डं परिपूरयंस्तदखिलं गण्डस्थलालोडितं
द्योतत्कुण्डलमण्डितो विजयते श्रीकातवीर्यप्रभुः ॥ ३॥
सप्तद्वीपैकनाथः सवितृसमरुचिः सर्वदुष्टान्तको नः
पायादज्ञायताक्षो रथवरनिलयः स्थूलकायो निशीथः
चापान्तेषुत्रिलोकधृतधनुषानिरस्वनैः सेव्यमान
श्रीमान् श्रीकार्तवीर्योऽखिलनृपतिनताङ्गभुजक्षिप्रकारी ॥ ४॥
(पञ्चबीजैः पञ्चपूजां कृत्वा मूलं जपेत् ।)
ॐ फ्रों च्रीं क्लीं भ्रं आं ह्रीं क्रों श्रीं हुं फट् स्वाहा ।
कार्तवीर्यार्जुनाय नमः ।
(जपं कृत्वा पुनर्न्यासं कुर्यात् )॥
इति ब्रह्मकृतः कार्तवीर्यमहामन्त्रः सम्पूर्णः ।
Proofread by Manish Gavkar