॥ परमेश्वरस्तोत्रम् ॥

जगदीश सुधीश भवेश विभो परमेश परात्पर पूत पितः । प्रणतं पतितं हतबुद्धिबलं जनतारण तारय तापितकम् ॥ १॥ गुणहीनसुदीनमलीनमतिं त्वयि पातरि दातरि चापरतिम् । तमसा रजसावृतवृत्तिमिमं जनतारण तारय तापितकम् ॥ २॥ मम जीवनमीनमिमं पतितं मरुघोरभुवीह सुवीहमहो । करुणाब्धिचलोमिर्जलानयनं जनतारण तारय तापितकम् ॥ ३॥ भववारण कारण कर्मततौ भवसिन्धुजले शिव मग्नमतः । करुणाञ्च समर्प्य तरिं त्वरितं जनतारण तारय तापितकम् ॥ ४॥ अतिनाश्य जनुर्मम पुण्यरुचे दुरितौघभरैः परिपूर्णभुवः । सुजघण्यमगण्यमपुण्यरुचिं जनतारण तारय तापितकम् ॥ ५॥ भवकारक नारकहारक हे भवतारक पातकदारक हे । हर शङ्कर किङ्करकर्मचयं जनतारण तारय तापितकम् । ६ तृषितञ्चरमस्मि सुधां हित मे ऽच्युत चिन्मय देहि वदान्यवर । अतिमोहवशेन विनष्टकृतं जनतारण तारय तापितकम् ॥ ७॥ प्रणमामि नमामि नमामि भवं भवजन्मकृतिप्रणिषूदनकम् । गुणहीनमनन्तमितं शरणं जनतारण तारय तापितकम् ॥ ८॥ इति परमेश्वरस्तोत्रं सम्पूर्णम् । Proofread by Jonathan Wiener wiener78 at sbcglobal.net, NA
% Text title            : parameshvarastotram
% File name             : parameshvarastotram.itx
% itxtitle              : parameshvarastotram
% engtitle              : parameshvarastotram
% Category              : stotra, shiva, vishhnu, deities_misc
% Location              : doc_deities_misc
% Sublocation           : deities_misc
% Language              : Sanskrit
% Subject               : philosophy/hinduism/religion
% Proofread by          : Jonathan Wiener wiener78 at sbcglobal.net, NA
% Description/comments  : In some stanzas it addresses Shiva and in others Vishnu but what it aims is to address God who is beyond such limited descriptions. 
% Indexextra            : (Translation)
% Latest update         : August 2, 2017
% Send corrections to   : sanskrit@cheerful.com
% Site access           : https://sanskritdocuments.org

This text is prepared by volunteers and is to be used for personal study and research. The file is not to be copied or reposted for promotion of any website or individuals or for commercial purpose without permission. Please help to maintain respect for volunteer spirit.


Sanskrit Documents Home Home Sitemap Sanskrit Links Blog Contributors Support GuestBook FAQ Search

BACK TO TOP