Shri Ramakrishna ratrikam

 श्रीरामकृष्णारात्रिकम् 
भव-बन्धन-भय-खण्डन ! शुभ-वन्दन ! वन्दे ।
गत-रञ्जन ! भव-भञ्जन ! निहितनयन ! मन्दे ॥ १॥

गुणमयवर ! निर्गुणनर ! नवमानव रूपिन् ।
अघदूषण-गणमोचन ! जगभूषण-रूपिन् ॥ २॥

ज्ञानाञ्जन विमलनयन ! वीक्ष्यमोहनाशिन् ।
भास्वर-सुभाव-सागर ! शशि-सुविशदहासिन् ॥ ३॥

भक्तार्चित चरण युगल ! भवसागर तारक ।
जृम्भितयुग-ईश्वर ! जगदीश्वर ! न्यायकारक ॥ ४॥

तव कृपया प्राप्त - समाधानमनाः पश्यन् ।
अस्मि कर्मकाठिन्यं करुणाघन ! हृष्यन् ॥ ५॥

भवतारण-प्राणार्पण ! भयहर ! कलिकृन्तन ।
अतिनिन्दित-करणराग ! वञ्चन कामकाञ्चन ॥ ६॥

त्यागीश्वर ! हे नरवर ! देहपदामोह ।
निर्भय ! गत-संशय ! दृढ़निश्चय ! गतलोह ॥ ७॥

निष्कारण ! भक्तशरण ! त्यक्तजातिमान ।
सम्पन्मम तव चरणं भवगोष्पदमान ॥ ८॥

प्रेमार्पण समदर्शन ! दुःखमेतु विलयम् ।
तव गानं गतमानं विलसत्वविलयम् ॥ ९॥

नमो नमोऽवाङ्मानसगोचर !
      मतिवचनैकाधार ।
ज्योतिर्ज्योतिषोऽपि हृत्कन्दर-
      तमसो वर -संहार ॥ १०॥

धिक्तान् धिक्तान् वदति मृदङ्गो
      ये न पदे ते प्रणताः ।
गायन्त्येते भक्तजनास्ते
      ह्यारात्रिकं प्रविनताः ॥ ११॥

जयतु जयत्वारात्रिकमेतत्
तव शम्भो ! शिव ! हर ! हर !
आनन्देनानुदितमभवत्
गानमिदं ते शङ्कर! ॥ १२॥

इति न्यायाचार्य पं. श्रीआनन्द झा-अनुवादितं श्रीरामकृष्णारात्रिकं सम्पूर्णम् ।
मूलं स्वामिविवेकानन्दविरचितं
यह स्वामी विवेकानन्द जी द्वारा रचित ``श्री श्री रामकृष्ण-आरात्रिक''
भजन का संस्कृत अनुवाद है ।

Proofread by Aruna Narayanan