Shri Ramakrishna Avatara Stotram

श्रीरामकृष्णावतारस्तोत्रम्

सल्लोका विषयविरागिणो यदर्थं सन्त्यक्तः सुखनिबहो बुधैश्च बाल्यात् । यल्लब्धुं कठिनतपो हि चर्यते ज्ञै- र्लिप्स्यन्ते त्रिदशगणाः सदा पदं यत् ॥ १॥ यस्मान्नास्ति भगवतो हि किञ्चिदूर्ध- सुप्राप्यश्च न खलु कस्यचित् यतोऽन्यः । सो सावेव परमहंस रामकृष्णः सर्वज्ञः सकलमनोमतः प्रशान्तः ॥ २॥ रक्षार्थं निजवचनं त्रितापहर्ता गौराङ्गेन भगवता प्रतिश्रुतं यत् । भक्तार्थं परमदयालु गतस्त्वं मह्यां ते पुरुष समर्पयामि सर्वम् ॥ ३॥ छद्म प्रसाधन धरोऽसि विवेत्ति कस्ते कृष्णाधुनावतरणस्य निगूढ़ तत्त्वम् । स्वेनैव चेन्न कथितं शिव त्वत्प्रियेभ्यो गुप्तावतार भगवन् भवतः कृपैवम् ॥ ४॥ इति स्वामित्रिगुणातीतविरचितं ``श्रीमद्रामकृष्णावतार स्तोत्रम्'' सम्पूर्णम् । Proofread by Aruna Narayanan