श्रीरामकृष्णप्रातःस्मरणस्तोत्रम् 
 श्रीरामकृष्णप्रातःस्मरणस्तोत्रम् 

प्रातः स्मरामि जगतो भव-भाव-हेतु
      हेतुं लयस्य च भवाम्बुधि-पार-सेतुम् ।
लीला-विलास-विलसद्-वपुषं सुधीशं
      श्रीरामकृष्णमवतारवरं तमीशम् ॥ १॥

प्रातर्नमामि कलिदोष-विदाह-दक्षं
      चानन्द-कन्दमरविन्द-दलायताक्षम् ।
यः कामकाञ्चनमहोतनु-वाङ्मनोभि
      रेजे विहाय भुवि संयत-वाक् सदाभीः ॥ २॥

प्रातर्भजामि भजतां भव-भार-हारं
      पापौघहं करुणया धृत-देह-भारम् ।
योगीश्वरं परमहंस वरं प्रशान्त-
      म्मूर्द्धारविन्द-मकरन्द-मधुव्रतं तम् ॥ ३॥

इति स्वामी प्रशान्तानन्दविरचितं
           ``श्रीरामकृष्णप्रातःस्मरणस्तोत्रम्'' सम्पूर्णम् ।

Proofread by Aruna Narayanan


% Text title            : Shri Ramakrishna Pratahsmarana Stotram
% File name             : rAmakRRiShNaprAtaHsmaraNastotram.itx
% itxtitle              : rAmakRiShNaprAtaHsmaraNastotram
% engtitle              : rAmakRiShNaprAtaHsmaraNastotram
% Category              : deities_misc, gurudev, rAmakRiShNa, suprabhAta, stotra
% Location              : doc_deities_misc
% Sublocation           : deities_misc
% SubDeity              : gurudev
% Language              : Sanskrit
% Subject               : philosophy/hinduism/religion
% Proofread by          : Aruna Narayanan
% Description-comments  : rAmakRiShNastotramAlA, stavanAnjali
% Indexextra            : (stotramAlA, stavanjaliH, Info 1, 2)
% Acknowledge-Permission: Ramakrishna Shivananda Mission, Varasat
% Latest update         : June 12, 2023
% Send corrections to   : Sanskrit@cheerful.com
% Site access           : http://sanskritdocuments.org

This text is prepared by volunteers and is to be used for personal study and research. The file is not to be copied or reposted for promotion of any website or individuals or for commercial purpose without permission. Please help to maintain respect for volunteer spirit.

BACK TO TOP
sanskritdocuments.org