Shri Ramakrishna Stutih

 श्रीरामकृष्णस्तुतिः 
त्रेतायां रामभद्राय जगद्रमणकारिणे
द्वापरे कृष्णरूपाय पापतापादिकर्षिणे ॥ १॥

कलौ श्री रामकृष्णाय युग्मरूपप्रधारिणे ।
नमः कोटियुगव्यापीतपःफलस्वरूपिणे ॥ २॥

अवतीर्ण परेशाय यतीन्द्रस्य नमोऽस्तु ते ।
युगयुगावताराणां समष्टये नमोऽस्तु ते ॥ ३॥

रामो दूर्वादलश्यामः कृष्णोऽपि कृष्णवर्णकः ।
माता ते कालिका घोरा गौरस्त्वं शिवरूपकः ॥ ४॥

निष्कलुषं जगत्सर्वं निष्पापं चिरशुभ्रकम् ।
कृतं त्वया स्थिरज्योतिः प्रमूर्तब्रह्मवर्चसम् ॥ ५॥

विश्वदीप स्वरूपाय भक्तिमुक्तिप्रदायिने ।
नमस्ते रामकृष्णाय नरेन्द्रध्यानरूपिणे ॥ ६॥

वामनस्य स्थिरा प्रज्ञा रामस्य सत्यनिष्ठता ।
वीर्यं नीतिश्च कृष्णस्य त्वय्येव पूर्णतां गता ॥ ७॥

गौरस्य प्रीतिभक्ति च ज्ञानकर्म समन्विते ।
त्वयि रूपं परं प्राप्ते रामकृष्ण नमोऽस्तु ते ॥ ८॥

सर्वधर्मप्रपालिने तत्समन्वय कारिणे ।
नमस्ते रामकृष्णाय सच्चिदानन्दरूपिणे ॥ ९॥

``तावान् पन्था मतं यावन्'' -महावाणीप्रचारिणे ।
परशिवस्वरूपाय ``जीवशिव'' -विघोषिणे ॥ १०॥

माध्यमेन महादेव्या जननीशारदामणेः ।
नारीशक्तेः प्रबोधाय संसारारण्यवासिने ॥ ११॥

ईशप्रत्यक्षतायाश्च साक्षात्प्रमाणकारिणे ।
नमो भगवते तुभ्यं षडैश्वर्य प्रकाशिने ॥ १२॥

पुत्राधमयतीन्द्राय पादरेणु प्रदायिने ।
नमस्ते रामकृष्णाय शारदासाररूपिणे ॥ १३॥

इति डाॅटर श्रीयतीन्द्रविमलचौधरिणाविरचिता 
            ``श्रीश्रीरामकृष्णस्तुतिः'' समाप्ता ।

Proofread by Aruna Narayanan