॥ श्रीरामकृष्णस्तोत्र २ ॥

आचण्डालाप्रतिहतरयो यस्य प्रेमप्रवाहः लोकातीतोऽप्यहह न जहौ लोककल्याणमार्गम् । त्रैलोक्येऽप्यप्रतिममहिमा जानकीप्राणबन्धो भक्त्या ज्ञानं वृतवरवपुः सीतया यो हि रामः ॥ १॥ नरदेव देव, जय जय नरदेव स्तब्धीकृत्य प्रलयकलितं वाहवोत्थं महांतम् हित्वा रात्रिं प्रकृतिसहजामन्धतामिस्रमिश्राम् गीतं शांतं मधुरमपि यः सिंहनादं जगर्ज सोऽयं जातः प्रथितपुरुषो रामकृष्णस्त्विदानीम् ॥ २॥ नरदेव देव, जय जय नरदेव शक्तिसमुद्रसमुत्थतरङ्गं दर्शितप्रेमविजृम्भितरङ्गम् । संशयराक्षसनाशमहास्त्रं यामि गुरुं शरणं भववैद्यम् ॥ ३॥ नरदेव देव, जय जय नरदेव अद्वयतत्त्वसमाहितचित्तं प्रोज्ज्वलभक्तिपटावृतवृत्तम् । कर्मकलेवरमद्भुतचेष्टं यामि गुरुं शरणं भववैद्यम् ॥ ४॥ नरदेव देव, जय जय नरदेव -- स्वामी विवेकानन्द Encoded and proofread by Sunder Hattangadi (sunderh@hotmail.com) Corrections by Swami Mahayogananda.
% Text title            : Hymn to Shri Ramakrishna (2)
% File name             : rk_hymn_2.itx
% itxtitle              : rAmakRiShNastotram 2
% engtitle              : Hymn to Shri Ramakrishna (2)
% Category              : deities_misc, svara, vivekAnanda
% Location              : doc_deities_misc
% Sublocation           : deities_misc
% Texttype              : svara
% Author                : Swami Vivekanand
% Language              : Sanskrit
% Subject               : Religious hymn
% Transliterated by     : Sunder Hattangadi 
% Proofread by          : Sunder Hattangadi , Swami Mahayogananda
% Latest update         : Dec. 28,1997, December 7, 2008
% Send corrections to   : Sanskrit@cheerful.com
% Site access           : https://sanskritdocuments.org

This text is prepared by volunteers and is to be used for personal study and research. The file is not to be copied or reposted for promotion of any website or individuals or for commercial purpose without permission. Please help to maintain respect for volunteer spirit.

BACK TO TOP