श्रीसमर्थरामदासारात्रिका
जय जय रामदास महारुद्रावतार ।
महामङ्गळारात्रिकां कुर्वे सच्चिदानन्द ॥ ध्रुवपदम् ॥
रामसूर्यशक्तियुक्त जम्बूनाममाङ्गल्य ।
भूसुरकुलदीप नारायणनामन् ॥ १॥
आदर्शब्रह्मचर्य ज्ञानवैराग्यदेह ।
विवेकबुद्धिसूर्य भक्तिभावशान्तिचन्द्र ॥ २॥
विवाहपटपवन सावधानशब्दवेध ।
संसारमोहदाव मायाविघ्नविनाश ॥ ३॥
नासिकक्षेत्ररत्न गोदातीरतपोमूर्ते ।
दीनसतीपतिदानमहाकारुण्यसिन्धो ॥ ४॥
गायत्रीमन्त्रभूष राममन्त्रालङ्कार ।
द्वादशाब्दतपःपूर्तिमहातपःप्रभाव ॥ ५॥
भारततीर्थपद्म द्वादशाब्दप्रदीप ।
शुष्कजनपरितोषनवपल्लववसन्त ॥ ६॥
शिवचातकमेघ शिवस्वराज्यमूल ।
देवद्विजगोपाल वेदधर्ममहिमन् ॥ ७॥
सत्यज्ञानानन्दकन्द परब्रह्मस्वरूप ।
आनन्दघनरूप जीवमोक्षकर्णधार ॥ ८॥
इति श्रीमत् परमहंसपरिव्राजकाचार्य सद्गुरु भगवान्
श्रीधरस्वामीमहाराजविरचिता श्रीसमर्थ रामदासारात्रिका सम्पूर्णा ।
दासनवमी, श्रीक्षेत्रवरदपुरं, संवत्सरः - १९७०
Proofread by Manish Gavkar