Shri Sarveshvara PrataH Stavam

श्रीसर्वेश्वर प्रातः स्तवम्

ब्रह्मेन्द्रवृन्दारकवन्दिताय वृन्दाटवीधामविराजिताय । सर्वेश्वराय श्रुतिगोचराय प्रातर्नमस्ते प्रणतप्रियाय ॥ १॥ सनत्कुमारादिकसेविताय देवर्षि-निम्बार्कसमर्चिताय । सर्वेश्वराय श्रुतिगोचराय प्रातर्नमस्ते प्रणतप्रियाय ॥ २॥ श्रीराधिकावल्लभ माधवाय चित्राऽऽदिसख्यावलिरञ्जिताय । सर्वेश्वराय श्रुतिगोचराय प्रातर्नमस्ते प्रणतप्रियाय ॥ ३॥ अनन्तचिन्मङ्गलविग्रहाय सर्वार्थविद्यावरसम्प्रदाय । सर्वेश्वराय श्रुतिगोचराय प्रातर्नमस्ते प्रणतप्रियाय ॥ ४॥ प्रातः स्तोत्रं सुधापूर्ण सर्वेश्वरप्रभोरिदम् । राधासर्वेश्वराद्येन शरणान्तेन निर्मितम् ॥ ५॥ इति निखिल महीमण्डलाचार्य चक्रचूड़ामणि सर्वतन्त्रस्वतन्त्रान्तानन्त श्रीविभूषित जगद्गुरु श्रीनिम्बार्काचार्यपीठाधिपति श्री ``श्रीजी'' श्री श्रीराधासर्वेश्वरशरणदेवाचार्यजी महाराज द्वारा विनिर्मित ॐ श्रीसर्वेश्वर प्रातः स्तवं सम्पूर्णम् । Encoded and proofread by Saritha Sangameswaran