श्रीशारदामातृसप्तकम्
ध्यायेत्सदाहृदय पद्मसुखासनस्थां
सच्चिन्मयीं सकलधर्मसमन्वयां ताम् ।
श्रीरामकृष्णचरितामृत पुण्यपूरां
श्रीशारदां त्रिजगतां जननीं शरण्याम् ॥ १॥
शुभ्रज्योतिर्मयीं देवीमात्मबुद्धि-प्रकाशिनीम् ।
शिवां शिवकरीं सत्यज्ञानानन्दातिलक्षणाम् ॥ २॥
रामकृष्णमहाभावां विवेकानन्ददायिनीम् ।
प्रसन्नवदनां देवीं शारदां प्रणतोऽस्म्यहम् ॥ ३॥
नित्यशुद्धा च या देवी पराभक्तिस्वरूपिणी ।
अप्रमेयप्रभावात् या संसारार्णवतारिणी ॥ ४॥
ज्ञानविज्ञान सम्पूर्णा प्रत्यक्चैतन्य रूपिणी ।
अभया वरदा वीर्यश्रद्धाभक्तिवरप्रदा ॥ ५॥
अमृता परमानन्दानित्यमुक्तिप्रदायिनी ।
अपारकरुणापूर्णा मातृदेवी जगन्मयी ॥ ६॥
रामकृष्णपराशक्तिः पराविद्या महेश्वरी ।
माता वसतु नश्चित्ते शारदा सर्वमङ्गला ॥ ७॥
इति शम् ॥
इति श्रीशारदामातृसप्तकं सम्पूर्णम् ।
Proofread by Aruna Narayanan