स्वामिविवेकानन्दस्तुतिः 
 स्वामिविवेकानन्दस्तुतिः 

प्राची तु विस्मृतनिजात्ममयस्वरूपो
      रूपादिबाह्यविषयैकपराप्रतीची ।
इत्थं विलोक्य तमसावृतशुद्धभावान्
      भावप्रभावमलिनां कलिना धरित्रीम् ॥ १॥

वेदान्ततत्त्वमुपदिश्य नवप्रकाशं
      विश्वं तमः प्रसरसङ्गतमूद्दिधीर्षुः ।
यः सप्रभं सुकृतवान् कृतवांश्चिदात्म-
      स्नेहान्वितो विजयतां स विवेकदीपः ॥ २॥

संस्थाप्य निर्मलमतिं नवभिक्षुसङ्घं
      निःस्वार्थ भावमिहधर्मसमन्वयार्थम् ।
सेवा नरस्य परमा परमेश्वरस्य
      सेवेति सिद्धमकरोन्निजकर्मयोगैः ॥ ३॥

श्रीरामकृष्णमयधीरपरोक्षबोधः
      संस्थापयन्सदयमुज्ज्वलतामयासीत् ।
लोके तदाश्रमकदम्बकमुन्नतं स्याद्
      यावत्क्षपाकरविभाकरभासिता भूः ॥ ४॥

इति साहित्याचार्य भण्डारकरत्र्यम्बकशर्मणाविरचिता 
            ``श्रीस्वामिविवेकानन्दस्तुतिः'' समाप्ता ।

Proofread by Aruna Narayanan


% Text title            : Svami Vivekananda Stuti
% File name             : svAmivivekAnandastutiH.itx
% itxtitle              : vivekAnandastutiH (bhaNDArakaratryambakasharmaNAvirachitam)
% engtitle              : svAmivivekAnandastutiH
% Category              : deities_misc, gurudev, rAmakRiShNa, stuti
% Location              : doc_deities_misc
% Sublocation           : deities_misc
% SubDeity              : gurudev
% Author                : Bhandarakara Tryambakasharmana
% Language              : Sanskrit
% Subject               : philosophy/hinduism/religion
% Proofread by          : Aruna Narayanan
% Description-comments  : rAmakRiShNastotramAlA, stavanAnjali
% Indexextra            : (stotramAlA, stavanjaliH, Info 1, 2)
% Acknowledge-Permission: Ramakrishna Shivananda Mission, Varasat
% Latest update         : June 12, 2023
% Send corrections to   : Sanskrit@cheerful.com
% Site access           : http://sanskritdocuments.org

This text is prepared by volunteers and is to be used for personal study and research. The file is not to be copied or reposted for promotion of any website or individuals or for commercial purpose without permission. Please help to maintain respect for volunteer spirit.

BACK TO TOP
sanskritdocuments.org