वास्तुपुरुषनामावलिः
ॐ वास्तु पुरुषाय नमः । महाकायाय । कृष्णाङ्गाय । अरुणाक्षाय ।
वस्त्रैकधारणाय । द्विबाहवे । वज्रदेहाय । सुरासुराकाराय । एकवक्त्राय ।
बर्बराङ्गाय नमः ॥ १०॥
ॐ दुर्धराय । विभ्रच्छ्मश्रुशिशिरोरुहाय । ऐषाण्यस्थितमस्तकाय ।
क्रुद्धाय । कूर्परिकृतजानुद्वयाय । कृताञ्जलिपुटाय । कल्याणाय ।
अधोवक्त्राय । शिवनेत्रोद्भवाय । घोररूपाय नमः ॥ २०॥
ॐ वास्तुशास्त्राधिपतये नमः । चतुःषष्ठिमण्डलाध्यक्षाय ।
धरणीसुताय । बलिप्रियाय । रक्तकेशाय । वास्तुमण्डलमध्यगाय ।
वास्तुदेवाय । त्रैलोक्यरक्षकाय । त्रात्रे । वरदाय नमः ॥ ३०॥
ॐ वाञ्छितार्थप्रदाय । भक्तानामभयङ्कराय । भक्तवत्सलाय ।
शुभाय । होमार्चनप्रीताय । प्रभवे । औदुम्बरसमित्प्रियाय ।
मरीच्यान्नप्रियमानसाय । दिक्पालकपरिभूषिताय ।
गृहनिर्माणसहायकाय नमः ॥ ४०॥
ॐ गृहदोषनिवर्तकाय नमः । कुलिशायुधभूषणाय ।
कृष्णवस्त्रधराय । आयुर्बलयशोदाय । माषबलिप्रियाय ।
दीर्घनेत्राय । निद्राप्रियाय । दारिद्र्यहरणाय । सुखशयनदाय ।
सौभाग्यदाय नमः ॥ ५०॥
ॐ वास्तोष्पतये नमः । सर्वागमस्तुताय । सर्वमङ्गलाय ।
वास्तुपुरुषाय नमः ॥ ५४
इति वास्तुपुरुषनामावलिः समाप्ता ।
Proofread by PSA Easwaran psaeaswaran at gmail.com