श्रीवेदव्याससुप्रभातम्
श्रीमत्पराशरतपःफलवासवीसु
व्यक्त प्रभूत सुखचिद्बलवीर्य मूर्ते ।
प्राज्यप्रबोधपरिपूज्यपदारविन्द
श्रीबादरायण हरे तव सुप्रभातम् ॥ १॥
विज्ञानरोचिरभिपूरितपद्मजाण्ड
बाह्यान्तरामरगुरो हरितोपलाभ ।
तर्काभयोज्ज्वलकराम्बुज योगिवर्य
श्रीबादरायण हरे तव सुप्रभातम् ॥ २॥
श्रीभारत द्विनवचारुपुराणकर्तः
क्ष्माभार दुर्मति कुवादसमाजहर्तः ।
श्रीभारतीशमुखकीर्तित भव्यवार्तः
श्रीबादरायण हरे तव सुप्रभातम् ॥ ३॥
सज्जाल हृत्तिमिर सन्तति पद्ममित्र
वेदार्थनिर्णयकृते रचितोरु सूत्र ।
दैपायन श्रुतिततीरित सच्चरित्र
श्रीबादरायण हरे तव सुप्रभातम् ॥ ४॥
भूदानवारि हृदयाम्बुज तिग्मभानो
पादारविन्दनत कामित कामधेनो ।
शीदाप्त कीटपतये मुनिवर्यसूनो
श्रीबादरायण हरे तव सुप्रभातम् ॥ ५॥
विद्यारत्नाकरोक्तं श्रुतिपति सुप्रभात पञ्चकं प्रातः ।
भक्त्यापठत्यतन्द्रं नामगिरीण्नृहरिः प्रसीदति क्षिप्रम् ॥
इति श्रीविद्यारत्नाकरतीर्थविरचितं श्रीवेदव्याससुप्रभातं सम्पूर्णम् ।
Encoded and proofread by Krishnananda Achar