Shri Vivekanandapanchakam

श्रीविवेकानन्दपञ्चकम्

अनित्यदृश्येषु विविच्य नित्यं तस्मिन् समाधत्ते इह स्म लीलया । विवेकवैराग्यविशुद्धचित्तं योऽसौ विवेकी तमहं नमामि ॥ १॥ विवेकजानन्दनिमग्नचित्तं विवेकदानैकविनोदशीलम् । विवेकभासा कमनीयकान्तिं विवेकिनं तं सततं नमामि ॥ २॥ ऋतं च विज्ञानमधिश्रयद् यत् निरन्तरं चादिमध्यान्तहीनम् । सुखं सुरूपं प्रकरोति यस्य आनन्दमूर्तिं तमहं नमामि ॥ ३॥ सूर्यो यथान्धं हि तमो निहन्ति विष्णुर्यथा दुष्टजनाञ्छिनत्ति । तथैव यस्याखिलनेत्रलोभं रूपं त्रितापं विमुखी करोति ॥ ४॥ तं देशिकेन्द्रं परमं पवित्रं विश्वस्य पालं मधुरं यतीन्द्रम् । हिताय नृणां नरमूर्तिमन्तं विवेक-आनन्दमहं नमामि ॥ ५॥ प्रणाममन्त्रः - नमः श्रीयतिराजाय विवेकानन्दसूरये । सच्चित्सुखस्वरूपाय स्वामिने तापहारिणे ॥ इति प्रणाममन्त्रसमेतस्वामिरामकृष्णानन्दविरचितं ``श्रीमद्विवेकानन्दपञ्चकम्'' सम्पूर्णम् । Proofread by Aruna Narayanan