Vivekapanchakam

विवेकपञ्चकम्

वीरेश्वरांशं विबुधावतंसं ``वेदान्तविज्ञानसुनिश्चितार्थम्'' । कारुण्यमूर्तिं कमनीयरूपं तं देशिकेन्द्रं सततं नमामि ॥ १॥ विवेकसंज्ञं निहतारिषट्कमद्वैतसिद्धान्तविमर्शदक्षम् । सर्वाश्रयं सर्वजनैः प्रपूज्यं तं देशिकेन्द्रं सततं स्मरामि ॥ २॥ ``न्यग्रोधवत् सर्वजनाश्रयस्त्वं भवे''रिति प्रीतगुरुप्रशंस्यम् । दीनैकबन्धुं दीननाथदीप्तिं तं देशिकेन्द्रं सततं भजामि ॥ ३॥ ज्ञानासिना छेदितमोहग्रन्थिं निरञ्जनं निःसृत सर्वभ्रान्तिम् । अज्ञानमातङ्ग-समूहसिंहं तं देशिकेन्द्रं सततं नमामि ॥ ४॥ ``अष्टादशैः शिष्टगुणै'' रूपेतं भवाब्धि मग्नस्य जनस्यपोतम् । तृणीकृता येन तदष्टसिद्धिस्तं देशिकेन्द्रं सततं स्मरामि ॥ ५॥ विश्वकल्याणदक्षाय विवेकानन्दसूरये । कृत्वापि मुग्धभावेन स्तुतिरेषा समर्पिता ॥ इति स्वामिअमृतानन्दविरचितं ``विवेकपञ्चकम्'' सम्पूर्णम् । Proofread by Aruna Narayanan