विविध देवतास्तुतिः
ॐ परमात्मने नमः । श्रीगणेशाय नमः । श्रीसरस्वत्यै नमः ।
गुरवे नमः । गोविन्दाय नमः । व्यासाय नमः । नरनारायणाभ्यान्नमः ।
नमः शिवाय । विष्णवे नमः । नमो भगवते वासुदेवाय ।
दुर्गायै नमः । ब्रह्मणे नमः ॥
परमात्मनः स्तुतिः ।
यत्पादतोयं भवरोगवैद्यो
यत्पादपांशुर्विमलत्व सिद्ध्यै ।
यन्नाम दुष्कर्मनिवारणाय
त्वमप्रमेयं पुरुषं नमामि ॥ १॥
श्रीगणेशस्तुतिः ।
शैलेन्द्रजादेहभवं सुमङ्गलं
बुद्धिप्रदंशोक विनाशदक्षम् ।
सिद्धिप्रदं ज्ञानप्रदं गजाननं
नमामितविघ्नहरं गणाधिपम् ॥ २॥
सरस्वतीस्तुतिः ।
ज्ञानामृताब्धिरस सारमयीं सुनेत्रीं
शुक्लाम्बरां कनकभूषणभूषिताङ्गीम् ।
वीणाञ्च पुस्तकधरांस्फटिकारव्यमालां
वाणीं नमामि अभयां सुमुखीं पराभ्वाम् ॥ ३॥
गोविन्दस्तुतिः ।
गोपालबालकैर्नित्यं क्रीडन्तंयमुना तटे ।
गोविन्दं सच्चिदानन्दं नमामिसततंहरिम् ॥ ४॥
व्यासस्तुतिः ।
एकवेदस्यचत्त्वार शाखाकृत्त्वासविस्तरम् ।
इतिहासपुराणानां व्याख्यातारन्नमोऽस्तुते ॥ ५॥
शिवस्तुतिः ।
मृडंर्घूजटिं सर्वदुःखाप हारिं
शिवं शङ्करं शूलपाणिंवरेण्यम् ।
जगत्पूजनीयं प्रसन्नञ्च शान्तं
नमोऽस्तुमहेशं सुमुक्तिप्रदन्तम् ॥ ६॥
विष्णुस्तुतिः ।
यस्य स्मरणमात्रेण यज्ञदानादिका क्रिया ।
सद्यःसम्पूर्णतां यान्ति तंविष्णुं प्रणमाम्यहम् ॥ ७॥
वासुदेवस्तुतिः ।
श्रीवासुदेवं वसुदेवपुत्रं
श्रीदेवकीनन्दनकृष्णचन्द्रम् ।
श्रीरच्युतं वंशीधरं वरेण्यं
नमामितुभ्यंसुखदंसुशान्तम् ॥ ८॥
दुर्गास्तुतिः ।
सुशान्तिदात्रीं जननीष्टदात्रीं
सनातनी त्वां सुजनैर्सपूज्याम् ।
अनन्तदुःखौघविनाशदक्षां
नमामिदुर्गाञ्जनदुःख हन्त्रीम् ॥ ९॥
सूर्यस्तुतिः ।
आदित्यमण्डलस्थन्तं शङ्खचक्रवरं प्रभुम् ।
किरीटिनं कुण्डलिनं हिरण्यवपुसम्भजे ॥ १०॥
राधास्तुतिः ।
सदाषोडशवार्षिक्यां श्रीकृष्णप्राणवल्लभाम् ।
वृषभानुसुतां राधां नमामिसकलार्थदाम् ॥ ११॥
श्रीकृष्णस्तुतिः ।
अनन्तसौन्दर्यमनन्तधामं
अनन्त आनन्द अनन्त नामम् ।
अनन्त गोपीजन सेविताङ्गं
नमामिकृष्णं पुरुषोत्तमोत्तमम् ॥ १२॥
लक्ष्मीस्तुतिः ।
स्वराज्य साम्राज्य विभूतिदायिनीं
अनन्त आनन्द सुधा प्रदायिनीम् ।
सौभाग्य लक्ष्मीं भुवनैकपालिनीं
नमामि नित्यं सुखदां सुशान्तिदाम् ॥ १३॥
जगत्गुरुस्तुतिः ।
जगद्गुरुं जगद्वन्द्यं जगत् पूज्यं सनातनम् ।
गोविन्दपाद शिष्यं तं शङ्करं प्रणतोऽस्म्यहम् ॥ १४॥
गुरुवन्दना ।
ब्रह्माविष्णु महेशाख्यं शिष्याज्ञान विनाशकम् ।
मनोवाञ्छितदातारन्तं गुरुं प्रणतोस्म्यहम् ॥ १५॥
गङ्गास्तुतिः ।
विष्णुपादोद्भवां दिव्यां त्रिलोक पावनीं शिवाम् ।
नमामि जाह्नवीं गङ्गा भुक्तिमुक्ति प्रदायिनीम् ॥ १६॥
नारायणस्तुतिः ।
आपनार इति प्रोक्तः तत् तस्य अयनं शुभम् ।
नारायणाख्यं तं विष्णुं प्रणमामि निरन्तरम् ॥ १७॥
इति श्री स्वामी उमेश्वरानन्दतीर्थविरचिता विविध देवतास्तुतिः समाप्ता ।
Proofread by Paresh Panditrao