Shri Yoganandadashakam

 श्रीयोगानन्ददशकम् 
सावर्णवंशे जननं प्रसिद्धे ब्राह्मेऽन्वये शुद्धपवित्रगोत्रे ।
तवेश्वरे कोटिगतस्य देव श्रीरामकृष्णप्रिय पार्षदस्य ॥ १॥

लीलास्थली सा भगवत्प्रिया या नाम्ना स दक्षेश्वर एव धाम ।
तत्रावसस्त्वं सुकृतस्य भक्त्या किं नाम भाग्यं वचनैरवाच्यम् ॥ २॥

यदा कथञ्चिद्विषयस्तवासीच्छ्रीरामकृष्णविषये जनन्याः ।
श्रीशारदायाः किमितो गृहं सोऽगमच्च रात्रौ व्यभनक् तवासौ ॥ ३॥

दिनेऽपि पश्येरपि रात्रिकाले साधुं तदन्ते सुविनिश्चिनुष्व ।
परीक्षया वै ग्रहणार्थमुक्तस्त्वं रामकृष्णेन पुरो जगत्याः ॥ ४॥

अथैकदा भक्तगणेभ्य आत्तः श्यामा प्रसादो न च काल एतः ।
अन्वेषणार्थं प्रतिलोकप्रश्नैर्दृष्ट्वा प्रभूस्तद्गतवान् बहिश्च ॥ ५॥

शङ्का तवासीद् बत चित्त एषा यावान् भवेद् याजनिको द्विजातिः ।
प्रभूर्हितार्थीकिल रासमण्या आह प्रदिष्टो महते न चौरे ॥ ६॥

इत्थं परीक्ष्य ग्रहणं करोषि श्रीरामकृष्णं बहुधा स्म देवम् ।
न भावविभ्रान्तनृवत् कदाप्यग्रहीरतस्त्वं प्रभुपार्षदोऽसौ ॥ ७॥

लोकातिगस्त्वं जित काम इष्टः श्रीरामकृष्णेन सदा गृहीतः ।
त्वमीशकोटिस्थित एव तेन प्रोक्तः स्वभक्तेभ्य इतो न वार्ता ॥ ८॥

त्वं कामजिदेव पुमान् वरेण्यो नास्त्यत्र सन्देह इति स्म देवैः ।
उक्तं युगाचार्य वरैर्विवेकानन्दैर्महात्मप्रवृतैर्जगत्याम् ॥ ९॥

गृहाण पुष्पाञ्जलिरेष नस्त्वं प्रत्तः पदाब्जे तव भक्तिहेतोः ।
याचामहे त्वां वरमेतमेकं भक्तिं प्रयच्छ प्रभुपादयुग्मे ॥ १०॥

इति ब्रह्मचारिमेधाचैतन्यविरचितं
           ``श्रीमत्स्वामियोगानन्ददशकम्'' सम्पूर्णम् ।
प्रणाममन्त्रः-
मुक्तात्मानमतिस्थिरं धननिष्ठमहर्निशम् ।
नमामि श्रीयोगानन्दमानन्दकन्दमन्दरम् ॥


Proofread by Aruna Narayanan