श्रीअष्टसखीयोगिनीकवचम्
ॐ अस्य श्रीअष्टसखीयोगिनीकवचस्य गौतम ऋषिः ।
अनुष्टुप् छन्दः । श्रीराधामाधवौ देवते ।
श्रीराधाप्रेमभक्तिः शक्तिः । क्लीं बीजम् । ह्रीं कीलकम् ।
अष्टसखीयोगिनीप्रसादसिद्ध्यर्थे
श्रीराधाकृष्णचरणारविन्दप्राप्त्यर्थे कवचपाठे विनियोगः ॥
ॐ ललिता प्रथमा पातु विषमं हृदयस्थलम् ।
विशाखा मे द्वितीया तु पातु वाचं मनोहराम् ॥ १॥
चित्रा चित्रितनेत्रा मे पातु दक्षिणलोचनम् ।
चम्पकलतिका पातु वामनेत्रं सुगन्धिनी ॥ २॥
तुङ्गविद्या महामन्त्रैः पातु मे श्रुतिमण्डलम् ।
रङ्गदेवी रसोल्लासा पातु कण्ठं सुधास्रवा ॥ ३॥
सुदेवी सुमनोहारा पातु मे करपल्लवौ ।
इन्दुलेखा कलानाथा पातु पादद्वयं मम ॥ ४॥
ललिता योगिनी पातु लं रं ल्रीं ह्रीं तथा ।
ललिते रसराजस्य सखित्वं मे प्रयच्छ स्वाहा ॥ ५॥
विशाखा मे शिरः पातु क्लीं ह्रीं सखीप्रबोधिनी ।
राधामाधवसंयोगं कुरु शीघ्रं नमोऽस्तु ते ॥ ६॥
चित्रा चक्षुषी पातु चं च्रीं च्रूं च चित्रिणी ।
श्यामस्य रूपमाधुर्यं दर्शय त्वं ममाक्षिणोः ॥ ७॥
चम्पकलतिका पातु गं ग्रीं ग्लौं गन्धवाहिनी ।
माधवीमाधुरीं घ्राणे निवेशय स्वधा नमः ॥ ८॥
तुङ्गविद्या श्रुती पातु तुं त्रीं तूं तुरङ्गिणी ।
गीतं राधामुकुन्दस्य श्रावय त्वममोघतः ॥ ९॥
रङ्गदेवी मुखं पातु रं रीं रूं रसात्मिका ।
रासमण्डलमध्यस्थे मां कुरुष्व नमो नमः ॥ १०॥
सुदेवी करयोः पातु सुं सैं सौः सुदुर्लभा ।
सेवां मे राधिकायाश्च दास्यरूपां प्रयच्छ मे ॥ ११॥
इन्दुलेखा पदौ पातु इं ईं इन्दुप्रभानना ।
राधापादाम्बुजे नित्यं नय मां प्रेमनिर्झरे ॥ १२॥
ह्रीं क्लीं राधे गोविन्दे इति हृन्मन्त्ररूपिणी ।
अन्तःकरणमावृत्य प्रेमदीपं प्रज्वलत्वियम् ॥ १३॥
ॐ क्लीं राधायै नमः पातु प्राणान् प्रेमविवर्धनान् ।
ॐ कृष्णाय नमः पातु चित्तं नीलाम्बुदप्रभम् ॥ १४॥
क्लीं गोपीजनवल्लभाय स्वाहा पातु मनो मम ।
कृष्णस्य चरणद्वन्द्वे भक्तिं मे दृढय प्रभो ॥ १५॥
राधाकृष्णाभ्यां नम इति पातु वक्षःस्थलं मम ।
युगलस्य पदद्वन्द्वं हृदये मे प्रतिष्ठितम् ॥ १६॥
गोपीजनवल्लभचरणौ शरणं प्रपद्ये ।
इति मन्त्रः सदा पातु सर्वाङ्गं प्रेमपूरितम् ॥ १७॥
ललितायोगिनी पातु पूर्वभागं रसप्रदा ।
विशाखा दक्षिणं पातु चित्रा पातु प्रतीचिकाम् ॥ १८॥
चम्पकलतिका पातूदिचीं तु सुगन्धिनी ।
तुङ्गविद्या तथाग्नेय्यां रङ्गदेवी च नैरृतिम् ॥ १९॥
सुदेवी वायुदेशं मे पात्वैशान्यां च लेखिका ।
ऊर्ध्वे राधा सदा पात्वधस्तात् कृष्ण एव च ॥ २०॥
क्लीं ह्रीं श्रीं राधिकायै स्वाहा मे मूर्ध्नि रक्षतु ।
ह्रीं क्लीं कृष्णवल्लभायै पातु मे शिखरं शुभम् ॥ २१॥
ऐं ह्रीं क्लीं सखीभ्यो नम इत्यङ्गं ममावृतम् ।
राधाप्रियासु सर्वासु प्रेम मे वर्धतां ध्रुवम् ॥ २२॥
रं लं वं यं हं सः पातु सूक्ष्मदेहं रसात्मकम् ।
क्लीं क्लीं क्लीं सदा पातु रासमध्यगतं वपुः ॥ २३॥
ॐ ह्रीं राधे वृन्दावने प्रेमसंज्ञे ममावह ।
इति मन्त्रः सदा पातु वृन्दावनरसाश्रयम् ॥ २४॥
क्लीं ग्लौं क्लीं श्यामलाङ्गाय नमः सर्वतोऽवतु ।
राधासखीनां चरणौ शिरसा मे सदावताम् ॥ २५॥
अष्टसख्यः सदा पान्तु देहं प्राणं मनो गिरम् ।
राधामाधवयोः प्रेम्णि नित्यं मां स्थापयन्तु ताः ॥ २६॥
इति श्रीअष्टसखीयोगिनीकवचं सम्पूर्णम् ॥
Encoded and proofread by Rukmini Goswami