Brahmakritam Mahamaya Stotram

 ब्रह्मकृतं महामायास्तोत्रम् 

सेयं मोहकरी माया मोहनी नामतोऽभवत् ।
तस्यै प्रसन्नो भगवान् ब्रह्मा तुष्टाव साञ्जलिः ॥ ५३॥

नमो मात्रे नमः स्वस्रे दुहित्रेऽस्तु नमो नमः ।
नमोऽस्तु भ्रातृजायायै शिवायै ते नमो नमः ॥ ५४॥

नमः पत्न्यै नमः कार्यसाधिकाशक्तये नमः ।
नमोऽस्तु वैष्णवीदेव्यै वामाङ्गायै नमो नमः ॥ ५५॥

लक्ष्मीस्त्वं सा च सावित्री त्वं देवी जननी परा ।
त्वयैव धार्यते सर्वं त्वयैतत्सृज्यते जगत् ॥ ५६॥

त्वयैतत्पाल्यते देवि! त्वमत्स्यन्ते च सर्वदा ।
महाविद्या महामाया महामेधा महास्मृतिः ॥ ५७॥

महामोहा च भवती महादेवी महासुरी ।
त्वं श्रीस्त्वमीश्वरी त्वं ब्रह्माणी देवसहायिनी ॥ ५८॥

खड्गशूलगदाचक्रशङ्खचापकृताऽऽयुधा ।
भुशुण्डीपरिघप्राशबाणसत्तोमरायुधा ॥ ५९॥

यच्च किञ्चित् क्वचिद्वस्तु सदसद्वाऽखिलात्मकम् ।
तस्य सर्वस्य या शक्तिस्त्वमेतत्कार्यसाधिका ॥ ६०॥

शम्भोरर्धाङ्गना तन्वी विष्णोरर्धाङ्गना रमा ।
वेधसोऽर्धाङ्गना ब्राह्मी सृज्यदेवेषु संवस ॥ ६१॥

इति श्रीलक्ष्मीनारायणीयसंहितायां प्रथमे कृतयुगसन्ताने १६२-अध्यायान्तर्गतं
ब्रह्मकृतं महामायास्तोत्रं सम्पूर्णम् ।

लक्ष्मीनारायणीयसंहिता । खण्ड १। अध्याय १६२/५३-६१॥


lakShmInArAyaNIyasaMhitA . khaNDa 1. adhyAya 162/53-61..

Proofread by PSA Easwaran