Chandalini Malavanikritam Dharmadevi Stotram

चण्डालिनी मालवानीकृतं धर्मदेवीस्तोत्रम्

आत्मनिवेदिनी जाता धर्मदेवी तिरोऽभवत् । एवंविधां धर्मदेवीं वीक्ष्य चण्डालनी द्रुतम् ॥ ७१॥ स्तुतिं चक्रे दर्शनार्थं पुनस्तत्राऽतिमोहिनी । ``नमो धर्मदेवतायै नारायण्यै नमो नमः ॥ ७२॥ नमश्चाण्डालिकाभक्त्या प्रसन्नायै च ते नमः । नमः शबलिकायोनिस्वरूपायै च ते नमः ॥ ७३॥ नमो मन्त्रस्वरूपायै महाधात्र्यै च ते नमः । नमोऽनादिकृष्णनारायणवाण्यै च ते नमः ॥ ७४॥ नमः शक्त्यै महाशक्त्यै पावयित्र्यै च ते नमः । नमः कल्याणकर्त्र्यै ते दिव्यमात्रे च ते नमः ॥ ७५॥ मालवान्या मेलदात्र्यै धर्मदायै च ते नमः । पुनर्मे दर्शनं देहि मातर्निःसंशयाय मे ॥ ७६॥ याऽहं पृष्ट्वा भवपारं यास्याम्येव न संशयः । इत्यर्थिता धर्मदेवी प्रादृश्यते तदा पुनः ॥ ७७॥ इति श्रीलक्ष्मीनारायणीयसंहितायाः तिष्यसन्तानात्मकस्य चतुर्थखण्डे ३५-अध्यायान्तर्गतं चण्डालिनी मालवानीकृतं धर्मदेवीस्तोत्रं सम्पूर्णम् । लक्ष्मीनारायणीयसंहिता । खण्ड ४। अध्याय ३५/७१-७७॥ lakShmInArAyaNIyasaMhitA . khaNDa 4. adhyAya 35/71-77.. Proofread by PSA Easwaran