Devaih Kritam 04 Devi Stotram

देवैः कृतं ४ देवीस्तोत्रम्

नमोऽस्तु सर्वगे देवि नमस्ते सर्वपूजिते । कामगेऽचिन्त्ये नमस्ते त्रिदशाश्रये ॥ १६॥ नमस्ते परमादेवि ब्रह्मयोने नमो नमः । अर्धमात्रेऽक्षरे चैव तस्यार्धार्धे नमो नमः ॥ १७॥ नमस्ते पद्मपत्राक्षि विश्वमातर्नमोनमः । नमस्ते वरदे देवि रजःसत्त्वतमोमयि ॥ १८॥ स्वस्वरूपस्थिते देवि त्वं च संसारलक्षणम् । त्वं बुद्धिस्त्वं धृतिः क्षान्तिस्त्वं स्वाहा त्वं स्वधा क्षमा ॥ १९॥ त्वं वृद्धिस्त्वं गतिः कर्त्री शची लक्ष्मीश्च पार्वती । सावित्री त्वं च गायत्री अजेया पापनाशिनी ॥ ३.२२.२०॥ यच्चान्यदत्र देवेशि त्रैलोक्येऽस्तीति संज्ञितम् । तद्रूपं तावकं देवि पर्वतेषु च संस्थितम् ॥ २१॥ वह्निना च यथा काष्ठं तन्तुना च यथा पटः । तथा त्वया जगद्व्याप्तं गुप्ता त्वं सर्वतः स्थिता ॥ २२॥ इति श्रीस्कन्दपुराणे प्रभासखण्डे अर्बुदखण्डे द्वाविंशाध्यायान्तर्गतं देवैः कृतं देवीस्तोत्रं समाप्तम् । स्कन्दपुराण । प्रभासखण्ड । अर्बुदखण्ड । अध्याय २२/१६-२२॥ skandapurANa . prabhAsakhaNDa . arbudakhaNDa . adhyAya 22/16-22.. Proofread by PSA Easwaran