Dharakritam Devi Stotram

धाराकृतं देवीस्तोत्रम्

नमस्ते परमे ब्राह्मि धारयोगे नमोनमः । अर्धमात्रे परे शून्ये तस्यार्धार्धे नमोस्तु ते ॥ १५॥ नमस्ते जगदाधारे नमस्ते भूतधारिणि । नमस्ते पद्मपत्राक्षि नमस्ते काञ्चनद्युते ॥ १६॥ नमस्ते सिंहयानाढ्ये नमस्तेऽस्तुमहाभुजे । नमस्ते देवताभीष्टे नमस्ते दैत्यसूदिनि ॥ १७॥ नमस्ते महिषाक्रान्तशरीरच्छिन्नमस्तके । नमस्ते विन्ध्यनिरते सुरामांसबलिप्रिये ॥ १८॥ त्वं लक्ष्मीस्त्वं शची गौरी त्वं सिद्धिस्त्वं विभावरी । त्वं स्वाहा त्वं स्वधा तुष्टिस्त्वं पुष्टिस्त्वं सुरेश्वरी ॥ १९॥ शक्तिरूपासि देवि त्वं सृष्टिसंहारका रिणी । त्वयि दृष्टमिदं सर्वं त्रैलोक्यं सचराचरम् ॥ २०॥ यथा तिलेस्थितं तैलं दधिसंस्थं यथा घृतम् । हविर्भुजश्च काष्ठस्थः सुगुप्तं लभ्यते न हि ॥ २१॥ तथा त्वमपि देवेशि सर्वगापि न लक्ष्यसे ॥ २२॥ इति श्रीस्कन्दपुराणे नागरखण्डे एकोनसप्ततिचमाधिकशततमाध्यायान्तर्गतं धाराकृतं देवीस्तोत्रं समाप्तम् । स्कन्दपुराण । नागरखण्ड । अध्याय १६९/१५-२२॥ skandapurANa . nAgarakhaNDa . adhyAya 169/15-22.. Proofread by PSA Easwaran