Dharmakritam Devi Stotram

धर्मकृतं देवीस्तोत्रम्

धर्म उवाच । मातर्जानीहि मां धर्मं ज्ञानिनाञ्च गुरोर्गुरुम् । परस्त्रीमातृबुद्धिश्च कुर्वन्तं सततं सति ॥ २५॥ अहं तवान्तरं ज्ञातुमागतस्तव सन्निधिम् । तवाहञ्च मनो जाने तथापि विधिनोदितः ॥ २६॥ कृतं मे दमनं साध्वि न विरुद्धं यथोचितम् । शास्तिः समुत्पथस्थानामीश्वरेण विनिर्मिता ॥ २७॥ स्वयं प्रदाता सर्वेभ्यः सुखदुःखवरान्क्षमः । सम्पदं विपदं यो हि नमस्तस्मै शिवाय हि ॥ २८॥ शत्रुं मित्रं संविधातुं प्रीतिञ्च कलहं क्षमः । स्रष्टुं नष्टुं च यस्सृष्टिं नमस्तस्मै शिवाय हि ॥ २९॥ येन शुक्लीकृतं क्षीरं जले शैत्यं कृतम्पुरा । दाहीकृतो हुताशश्च नमस्तस्मै शिवाय हि ॥ ३०॥ प्रकृतिर्निर्मिता येन तप्त्वाति महदादितः । ब्रह्मविष्णुमहेशाद्या नमस्तस्मै शिवाय हि ॥ ३१॥ इति श्रीशिवपुराणे रुद्रसंहितायां पार्तीखण्डे पञ्चत्रिंशाध्यायान्तर्गतं धर्मकृतं शिवस्तोत्रं समाप्तम् । शिवपुराण । रुद्रसंहिता ३ । पार्वतीखण्ड । अध्याय ३५/२८-३१॥ shivapurANa . rudrasaMhitA 3 . pArvatIkhaNDa . adhyAya 35/28-31.. Proofread by PSA Easwaran