Hayagrivaproktam Shri Lalitadevi Stotram

हयग्रीवप्रोक्तं श्रीललितादेवीस्तोत्रम्

हयग्रीव उवाच । सिंहासना श्रीललिता महाराज्ञी पराङ्कुशा । चापिनी त्रिपुरा चैव महात्रिपुरसुन्दरी ॥ १४॥ सुन्दरी चक्रनाथा च साम्राजी चक्रिणी तथा । चक्रेश्वरी महादेवी कामेशी परमेश्वरी ॥ १५॥ कामराजप्रिया कामकोटिगा चक्रवर्तिनी । महाविद्या शिवानङ्गवल्लभा सर्वपाटला ॥ १६॥ कुलनाथाम्नायनाथा सर्वाम्नायनिवासिनी । श‍ृङ्गारनायिका चेति पञ्चविंशतिनामभिः ॥ १७॥ स्तुवन्ति ये महाभागां ललितां परमेश्वरीम् । ते प्राप्नुवन्ति सौभाग्यमष्टौ सिद्धीर्महद्यशः ॥ १८॥ इत्थं प्रचण्डसंरम्भं चालयन्ती महद्बलम् । भण्डासुरं प्रति क्रुद्धा चचाल ललिताम्बिका ॥ १९॥ इति ब्रह्माण्डपुराणे उत्तरभागे अष्टादशाध्यायान्तर्गतं हयग्रीवप्रोक्तं श्रीललितादेवीस्तोत्रं समाप्तम् । ब्रह्माण्डपुराण । उत्तरभाग । ललिता । अध्याय १८/१४-१८॥ brahmANDapurANa . uttarabhAga . lalitA . adhyAya 18/14-18.. Proofread by PSA Easwaran