॥ श्रीकालिकाकवचम् २ ॥

श्रीसदाशिव उवाच - कथितं परमं ब्रह्म प्रकृतेः स्तवनं महत् । आद्यायाः श्रीकालिकायाः कवचं शृणु साम्प्रतम् ॥ १॥ त्रैलोक्यविजयस्यास्य कवचस्य ऋषिः शिवः । छन्दोऽनुष्टुब्देवता च आद्या काली प्रकीर्तिता ॥ २॥ मायाबीजं बीजमिति रमा शक्त्तिरुदाहृता । क्रीं कीलकं काम्यसिद्धौ विनियोगः प्रकीर्तितः ॥ ३॥ ह्रीमाद्या मे शिरः पातु श्रीं काली वदनं मम । हृदयं क्रीं परा शक्त्तिः पायात्कण्ठं परात्परा ॥ ४॥ नेत्रे पातु जगद्धात्री कर्णौ रक्षतु शङ्करी । घ्राणं पातु महामाया रसनां सर्वमङ्गला ॥ ५॥ दन्तान् रक्षतु कौमारी कपोलौ कमलालया । ओष्ठाधरौ क्षमा रक्षेच्चिबुकं चारुहासिनी ॥ ६॥ ग्रीवां पायात्कुलेशानी ककुत्पातु कृपामयी । द्वौ बाहू बाहुदा रक्षेत्करौ कैवल्यदायिनी ॥ ७॥ स्कन्धौ कपर्दिनी पातु पृष्ठं त्रैलोक्यतारिणी । पार्श्वे पायादपर्णा मे कटिं मे कमठासना ॥ ८॥ नाभौ पातु विशालाक्षी प्रजस्थानं प्रभावती । ऊरू रक्षतु कल्याणी पादौ मे पातु पार्वती ॥ ९॥ जयदुर्गावतु प्राणान्सर्वाङ्गं सर्वसिध्दिदा । रक्षाहीनं तु यत्स्थानं वर्जितं कवचेन च ॥ १०॥ तत्सर्वं मे सदा रक्षेदाद्या काली सनातनी । इति ते कथितं दिव्यं त्रैलोक्यविजयाभिधम् ॥ ११॥ कवचं कालिकादेव्या आद्यायाः परमाद्भुतम् । पूजाकाले पठेत्यस्तु आद्याधिकृतमानसः ॥ १२॥ इति महानिर्वाणतन्त्रे सप्तम उल्लासे ५५-६६ श्लोकपर्यन्तं श्रीकालिकाकवचम् सम्पूर्णम् । Encoded by Anu Sriram anu underscore sriramb at yahoo.com Proofread by Anu Sriram, PSA Easwaran psaeaswaran at gmail.com
% Text title            : kAlikAkavacham 2
% File name             : kAlikAkavacham2.itx
% itxtitle              : kAlikAkavacham 2 (mahAnirvANatantrAntargatam)
% engtitle              : kAlikAkavacham 2
% Category              : kavacha, devii, dashamahAvidyA
% Location              : doc_devii
% Sublocation           : devii
% SubDeity              : dashamahAvidyA
% Author                : Traditional
% Language              : Sanskrit
% Subject               : philosophy/hinduism/religion
% Transliterated by     : Anu Sriram anu_sriramb at yahoo.com
% Proofread by          : Anu Sriram, PSA Easwaran psaeaswaran at gmail.com
% Description-comments  : mahAnirvANatantre saptama ullAse 55\-66 shloka
% Latest update         : May 5, 2017
% Send corrections to   : Sanskrit@cheerful.com
% Site access           : https://sanskritdocuments.org

This text is prepared by volunteers and is to be used for personal study and research. The file is not to be copied or reposted for promotion of any website or individuals or for commercial purpose without permission. Please help to maintain respect for volunteer spirit.

BACK TO TOP