Kashyapamunikritam Jagadamba Stotram

काश्यपमुनिकृतं जगदम्बास्तोत्रम्

काश्यप उवाच । मातः शङ्करदयिते मयि ते करुणा कुतो नास्ति । भोऽसि त्वं जगदम्बा जगतः किं मां बहिर्नयसि ॥ ८॥ देवि त्वं सुरहेतोर्धर्मद्रोहिणमाशु हंसि मातः । उत्तमसंस्कृतभाषां त्वं कुरु म्लेच्छांश्च मोहयेः शीघ्रम् ॥ ९॥ अम्ब त्वं बहुरूपा हुङ्कारा द्धूम्रलोचनं हंसि । भीमं दुर्गादैत्यं हत्वा जगतां सुखं नयसि ॥ १०॥ दम्भं मोहं घोरं गर्वं हत्वा सदा सुखं शेषे । बोधय मातर्जगतो दुष्टान्नष्टान्कुरु त्वं वै । तदा प्रसन्ना सा देवी भो मुनेस्तस्य मानसे ॥ ११॥ वासं कृत्वा ददौ ज्ञानं मिश्रदेशे मुनिर्गतः । इति भविष्यपुराणे प्रतिसर्गपर्वणि प्रथमखण्डे षष्ठाध्यायान्तर्गतं काश्यपमुनिकृतं जगदम्बास्तोत्रं समप्तम् । भविष्यपुराण । प्रतिसर्गपर्व । प्रथमखण्ड । अध्याय ६/८-११॥ bhaviShyapurANa . pratisargaparva . prathamakhaNDa . adhyAya 6/8-11.. Proofread by PSA Easwaran