कावेरी स्तोत्रम्
ParAsara Bhattar's few shlokas on Caveri from Shri Rangaraja Stotram
श्रीपराशरभट्टाचार्यकृते श्रीरङ्गराजस्तोत्रे
कावेरीमाहात्म्यसम्बन्धे स्पष्टीकृतानि कानिचित् श्लोकानि ॥
दुग्धाब्धिर्जनको जनन्यहमियं श्रीरेव पुत्री वरः
श्रीरङ्गेश्वर एतदर्हमिह किं कुर्यामितीवाकुला ।
चञ्चच्चामरचन्द्रचन्दनमहामाणिक्यमुक्तोत्करान्
कावेरीलहरीकरैर्विदधती पर्येति सा सेव्यताम् ॥ १॥
अगणितगुणावद्यं सर्वं स्थिररत्नसमप्रतिक्रिया-
मपि पयःपुरैराप्याययन्त्यनु जाग्रति ।
प्रवहति जगद्धात्री भूत्वैव रङ्ग्पतेर्दया
शिशिर मधुरागाधा सा नः पुनातु मरुद्वृधा ॥ २॥
तरलतनुतरङ्गैर्मन्दमान्दोलिमान-
स्वतटविटपिराजी मञ्जरी सुप्तभृङ्गा ।
क्षिपतु कनकनाम्नी निम्नगा नारिकेल-
क्रमुकजमकरन्दैर्मांसलापा मदंहः ॥ ३॥
कदलवकुलजम्बूपूगमाकन्दकण्ठ-
द्वयससरसनीरामन्तरा सह्यकन्याम् ।
प्रबलजलपिपासालम्बमानाम्बुदौघ-
भ्रमकरतरुवृन्दं वन्द्यतामान्तरीपम् ॥ ४॥
हंसयुक्तविमानस्थे ब्रह्माणीरूपधारिणि ।
कौशाम्भःक्षरिके देवि नारायणि नमोऽस्तुते ॥
Encoded by Suresh Pitre suresh.pitre at gmail.com
Proofread by Suresh Pitre, PR Kannan, PSA Easwaran