Kanvamaharshina Kritam Ganga Stotram

कण्वमहर्षिणा कृतं गङ्गास्तोत्रम् ९

कण्व उवाच । नमोऽस्तु गङ्गे परमार्तिहारिणि नमः क्षुधे सर्वजनार्तिकारिणि । नमो महेशानजटोद्भवे शुभे नमो महामृत्युमुखाद्विनिःसृते ॥ ८॥ पुण्यात्मनां शान्तरूपे क्रोधरूपे दुरात्मनाम् । सरिद्रूपेण सर्वेषां तापपापापहारिणि ॥ ९॥ क्षुधारूपेण सर्वेषां तापपापप्रदे नमः । नमः श्रेयस्करि देवि नमः पापप्रतर्दिनि । नमः शान्तिकरि देवि नमो दारिद्र्यनाशिनि ॥ १०॥ ब्रहोवाच । इत्येवं स्तुवतस्तस्य पुरस्तादभवद्द्वयम् । एकं गाङ्गं मनोहारि ह्यपरं भीषणाकृति । नमः कृताञ्जलिर्भूत्वा नमस्कृत्वा द्विजोत्तमः ॥ ११॥ कण्व उवाच । सर्वमङ्गलमङ्गल्ये ब्राह्मि माहेश्वरि शुभे । वैष्णवि त्र्यम्बके देवि गोदावरि नमोऽस्तु ते ॥ १२॥ त्र्यम्बकस्य जटोद्भूते गौतमस्याघनाशिनि । सप्तधा सागरं यान्ति गोदावरि नमोऽस्तु ते ॥ १३॥ सर्वपापकृतां पापे धर्मकामार्थनाशिनि । दुःखलोभमयि देवि क्षुधे तुभ्यं नमो नमः ॥ १४॥ इति ब्रह्मपुराणे पञ्चाशीत्यध्यायान्तर्गतं कण्वमहर्षिकृतं गङ्गास्तोत्रं समाप्तम् । ब्रह्मपुराण । अध्याय ८५/८-१४॥ brahmapurANa . adhyAya 85/8-14.. Proofread by PSA Easwaran