Lakshmisaubhagyavratavidhinirupanam 2

लक्ष्मीसौभाग्यव्रतविधिनिरूपणम् २

श्रीहरिं च वसिष्ठं चाऽगस्तिं च पूजयेत्तु यः । आसप्तरात्रं वापि च सप्तदशसमाश्च वा ॥ ५१॥ पूजयेदर्घमप्यत्र दद्यात्तस्य क्रमात् खलु । भूर्लोके च भुवर्लोके स्वर्गे महसि वै जने ॥ ५२॥ तपोलोके सत्यलोके वासो भवेच्चिरं खलु । कल्पं कल्पं प्रभुक्त्वा स भोगान् यायात्ततोऽक्षरम् ॥ ५३॥ सप्ताऽर्घ्यकर्ता प्राप्नुयात् सप्तलोकान् समृद्धिकान् । ``नमो लक्ष्म्यै महालक्ष्म्यै विष्णुपत्न्यै नमो नमः ॥ ५४॥ अर्घ्यं गृहाण सर्वेशि देहि सौख्यानि सर्वशः'' । ``नमो नारायणाय श्रीपतये हरये नमः ॥ ५५॥ अर्घ्यं गृहाण भगवन् देहि सौख्यानि सर्वशः'' । ``काशपुष्पप्रतीकाशावग्निमारुतसम्भवौ ॥ ५६॥ मित्रावरुणयोः पुत्रौ कुम्भयोनी नमोऽस्तु वाम्'' । एवमर्घ्यं च पूजां च पुष्पाञ्जलिं समर्पयेत् ॥ ५७॥ तस्य लोकाः शाश्वतास्ते लक्ष्मि भवन्तु सर्वदा । यावदायुश्च यः कुर्यात्तस्य वासोऽक्षरे भवेत् ॥ ५८॥ इत्यर्थिता वशिष्ठेन कुम्भलक्ष्मीः प्रसूस्तदा । तथास्त्विति प्राह ताभ्यां शीघ्रं लीनाऽभवत् प्रसूः ॥ ५९॥ इति श्रीलक्ष्मीनारायणीयसंहितायाः द्वापरयुगसन्तानात्मकस्य तृतीयखण्डे १३६-अध्यायान्तर्गतं लक्ष्मीसौभाग्यव्रतविधिनिरूपणं सम्पूर्णम् । लक्ष्मीनारायणीयसंहिता । खण्ड ३। अध्याय १३६/५१-५९॥ lakShmInArAyaNIyasaMhitA . khaNDa 3. adhyAya 136/51-59.. Proofread by PSA Easwaran