श्रीमातङ्गीस्तोत्रम् ५
ॐकारपञ्जरशुकीमुपनिषदुद्यान केलिकल कण्ठीम् ।
आगमविपिनमयूरीमार्यामन्तर्विभावये गौरीम् ॥ १॥
दयमान दीर्घनयनां देशिकरूपेण दर्शिताभ्युदयाम् ।
वामकुचनिहितवीणां वरदां सङ्गीतमातृकां वन्दे ॥ २॥
श्यामालिमसौकुमार्यामानन्दानन्द सम्पदुन्मेषाम् ।
तरुणिम करुणापूरां मदजलकल्लोल लोचनां वन्दे ॥ ३॥
सरिगमपधनि सतां तां वीणा सङ्क्रान्त कान्तहस्तान्ताम् ।
क्षां तां मृदुलस्वान्तां कुचभरितान्तां नमामिशिवकान्ताम् ॥ ४॥
अवरतरघटित चूलीपाली ताली पलास ताटङ्काम् ।
वीणावादनवेला, कम्पतिशिरसं नमामि मातङ्गीम् ॥ ५॥
मातङ्गीं नौमि सिद्धमातङ्गीं यौवनवन-
सारङ्गीं सङ्गीताम्भोरुहानुभवभृङ्गीम् ॥ ६॥
मेचकमासे चनकं मिष्टमादृष्टान्त मध्यभागान्ताम् ।
यः पठति लिखति वैनां सभवेद्भवेश्वरः साक्षात् ॥ ७॥
॥ इति श्रीमच्छङ्कराचार्यप्रणीतं मातङ्गीस्तोत्रं सम्पूर्णम् ॥
Most of these verses are in नवरत्नमाला
अथवा श्यामलानवरत्नमालिकास्तोत्रम्.
Some attribute to Kalidasa and some to
Shankaracharya. Reader is advised
to pay attention to the text and the
devotion invoked.
Encoded and proofread by Manoj Sethuraman