श्रीमहाप्रज्ञापारमिताकवचम्
ॐ नमो भगवत्यै आर्यप्रज्ञापारमितायै ॥
आर्यावलोकितेश्वरो बोधिसत्त्वो गम्भीरां प्रज्ञापारमितां स्मरन् प्राह-
इह शारिपुत्र प्रज्ञापारमिता शिरो रक्षतु,
शून्यता ललाटं पातु, महाकरुणा नेत्रे अवतु ॥
रूपशून्यता कर्णौ रक्षतु, वेदनाशून्यता नासिकां पातु,
संज्ञाशून्यता मुखं परिपालयतु ॥
संस्कारशून्यता जिह्वां रक्षतु, विज्ञानशून्यता कण्ठं पातु,
सर्वधर्मनिराभासता स्कन्धौ अवतु ॥
अनुत्पादता बाहू रक्षतु, अनिरोधता हस्तौ पातु,
अमलता हृदयं परिपालयतु ॥
अविमलता नाभिं रक्षतु, अनूनता कटिं पातु, अपरिपूर्णता गुह्यं गोपायेत् ॥
न चक्षुर्धातुः ऊरू रक्षतु, न श्रोत्रधातुः जानुनी पातु,
न घ्राणधातुः जङ्घे अवतु ॥
न जिह्वाधातुः गुल्फौ रक्षतु, न कायधातुः पादौ पातु,
न मनोधातुः सर्वाङ्गं परिपालयतु ॥
नाविद्या पृष्ठं रक्षतु, नाविद्याक्षयः पार्श्वौ पातु,
न जरामरणं सर्वतोऽवतु ॥
न दुःखं मार्गे रक्षतु, न समुदयः सङ्कटे पातु,
न निरोधः भयेषु अवतु ॥
न ज्ञानं न प्राप्तिर्नाप्राप्तिः सर्वकालेषु मां पातु ॥
अप्राप्तित्वाद्बोधिसत्त्वस्य यथा चित्तावरणनास्तित्वं
तथा मे सर्वावरणक्षयः स्यात् ॥
त्र्यध्वव्यवस्थिताः सर्वबुद्धाः येन मार्गेण अनुत्तरां
सम्यक्सम्बोधिमभिसम्बुद्धाः, तेनैव मार्गेण मां रक्षन्तु ॥
महाप्रज्ञापारमिता पुरतः पातु ।
महाकरुणा दक्षिणतः पातु ।
आर्यावलोकितेश्वरः पश्चिमतः पातु ।
मञ्जुश्रीर्बोधिसत्त्व उत्तरे पातु ॥
ऊर्ध्वं सर्वबुद्धाः पान्तु ।
अधस्तात् सर्वबोधिसत्त्वाः पान्तु ।
अन्तर्बोधिः पातु ।
बहिः शून्यता पातु ।
सर्वतः प्रज्ञापारमिता मां परिपालयतु ॥
तद्यथा-
गते गते पारगते पारसङ्गते बोधि स्वाहा ॥
एषः प्रज्ञापारमिताकवचो महाविद्याकवचः ।
सर्वदुःखप्रशमनः, सर्वचित्तावरणनाशकः
सर्वभयविनाशकः, बोधिमार्गप्रकाशकः ॥
॥ इति श्रीमहाप्रज्ञापारमिताकवचं समाप्तम् ॥
From Tibetan Tantras.
Encoded and proofread by Durga Sharma