श्रीनिग्रहेश्वरीसहस्रनामस्तोत्रम्
॥ ध्यानम् ॥
श्रीमित्रेश्वरपूजिताब्जचरणां श्रीसिद्धनाथार्चितां
शाक्तान्तर्गतनिग्रहागमनुतां पाखण्डविध्वंसिनीम् ।
सप्तास्याङ्कितनिग्रहेश्वरहृदि प्राकाम्यसञ्चारिणीं
सिद्धाज्ञाकुलबोधिनीं भगवतीं श्रीनिग्रहेशीं भजे ॥ १॥
॥ अथ सहस्रनामानि ॥
ॐ ह्रीं अकाराकारसम्भूताकारवाच्याकनिष्ठिका ।
अकल्काकल्पिताकथ्याकालपूज्याकुतोभया ॥ २॥
अगम्याकालजलदोदयाकर्मान्विताकृता ।
अकारणगुणोत्पन्नगुणाकार्पण्यविग्रहा ॥ ३॥
अकिल्विषाकुप्यवस्त्राकूपाराकूर्चमानसा ।
अक्काक्लान्ताक्षमालाक्षसूत्ररूपाक्षपाटका ॥ ४॥
अक्षुण्णाक्ष्णनियन्त्री चागदङ्कारप्रपूजिता ।
अगप्रभानलद्योतात्रेयज्योत्स्नाग्निसम्भवा ॥ ५॥
अग्निमुख्यग्निजिह्वाग्निवल्लभा चाघमर्षणा ।
अनङ्गाङ्कोलिकानङ्गानङ्गकालाङ्कपालिका ॥ ६॥
अजपाजाग्रिमाघोराकौटिल्याजाङ्कुराङ्गतिः ।
अग्रियाच्छिन्नसत्ता चाजराच्छिद्रावधारणा ॥ ७॥
अजुगुप्सितवृत्तान्तातुल्या चातीवकोपना ।
अमरानीकसम्मान्यार्तवहीनाञ्जनावती ॥ ८॥
अथर्वणाप्रतिद्वन्द्वचरित्रापेतराक्षसी ।
अन्तर्भूतान्नपूर्णाद्रीन्द्रात्मजानूकरक्षिणी ॥ ९॥
अद्वितीयाद्वैतनिष्ठाद्रिकीलाद्रिपतिप्रिया ।
अत्रिदृग्जप्रियाधृष्याब्भ्रमातङ्गेशवल्लभा ॥ १०॥
अब्धिजाब्धिजनेत्राब्दसारसुन्दर्यबन्धना ।
अभ्यवस्कन्दनरताभिसम्पातविशारदा ॥ ११॥
अमित्रघ्न्यम्बुवाची चापर्णामृततरङ्गिणी ।
अमर्त्यभुवनाधीशामावस्याब्भक्षमालिनी ॥ १२॥
अव्याहृतावाप्यवृत्तिरव्याहतपराक्रमा ।
अव्यक्तावोदहृदयाविस्पष्टस्थितिसंस्थिता ॥ १३॥
अविमुक्तनिवासाजाश्वाविखड्गबलिप्रिया ।
असाधारणयाष्टीकाश्वमेधादिभिरर्चिता ॥ १४॥
अश्ववक्त्राष्टकर्णासूर्यम्पश्या चाष्टमातृका ।
असृक्पासृक्प्रियाहल्याकाशगङ्गागमस्तुता ॥ १५॥
आखण्डलप्रियाकाङ्क्षाग्नेयी चाङ्गारलोचना ।
आचार्याचारसंसिद्धाचाराचारविवर्जिता ॥ १६॥
आजकारस्थिताजानेयारूढातङ्कनाशिनी ।
आत्मगुप्तापन्नसत्त्वान्वीक्षिकी चामिषप्रिया ॥ १७॥
आयुष्यसूक्तसम्पूज्यायुष्करी चाम्बिकादितिः ।
आर्यिकालेख्यशेषारिस्वर्गदायुधधर्मिणी ॥ १८॥
आशीविषेन्द्रजननी चाशुशुक्षणिरूपिणी ।
आहवज्ञानकुशलास्तीकमातास्यलाङ्गला ॥ १९॥
इक्षुहस्तेन्दिरेक्ष्वाकुपूजितेन्दुधरप्रिया ।
इन्द्रराज्यप्रदेन्द्रादिस्तुतेन्द्रारिविनाशिनी ॥ २०॥
इन्द्रजालकरीन्द्राणीन्द्रनीलमणिसन्निभा ।
इन्द्रप्रस्थेशवरदा चेन्द्रप्रहरणायुधा ॥ २१॥
इन्द्रानुजप्रियेन्द्राज्यज्ञानदेन्द्राघनाशिनी ।
इष्टेष्टापूर्त्तफलदेष्टार्थोद्युक्तेष्मधर्मिणी ॥ २२॥
उग्रतारोग्रचण्डोग्रशेखरोग्रोग्रवाहना ।
उच्छिष्टभोजनोड्डामरेश्वरोक्तमनुस्तुता ॥ २३॥
उड्डीशमन्त्रविज्ञानोत्कटोत्तंसविभूषणा ।
उत्तराशेशवरदोत्तरकोशलरक्षिणी ॥ २४॥
उद्बुद्धनयनोद्दीप्तोद्दन्तुरोद्घाटितस्मृतिः ।
उद्गीथपूजितोदारोषोर्वशी चोरगस्थिता ॥ २५॥
ऋक्षराजसुतर्णापनोदनर्तुमती तथा ।
एकदन्तप्रिया चैकदन्तमातैकपर्णिका ॥ २६॥
एकपिङ्गपुराध्यक्षैकसूत्रध्वनिवादिनी ।
एकानंशैकलिङ्गस्थसाधकेष्टवरप्रदा ॥ २७॥
एकायनस्तुतैकैणतिलकाङ्कितशेखरा ।
ऐश्वर्यदैश्वर्यहरैश्वर्यगर्वापहारिणी ॥ २८॥
ओङ्काररूपिणी चोड्रपीठस्थांशुप्रभावती ।
कंसजिद्वल्लभा कंसघातिनी कंसतर्ज्जनी ॥ २९॥
कङ्कालमालिनी कङ्कशायमाता कृशोदरी ।
काकुत्स्थवन्दिता कञ्चुकालुमस्तकनर्तकी ॥ ३०॥
कनकप्रसवा कन्दसारवासा कपर्द्दिनी ।
कान्यकुब्जगता कामशत्रोर्वक्षःस्थलस्थिता ॥ ३१॥
कदम्बवनमध्यस्था कदम्बकुसुमप्रिया ।
कन्दराकरशीर्षस्था कपिशाञ्जनगेहिनी ॥ ३२॥
कपिवक्त्रस्तुता कम्बुग्रीवा कर्णपिशाचिनी ।
कर्णिकाचलशृङ्गस्था कादिविद्याप्रकाशिनी ॥ ३३॥
कलिन्दनन्दिनी काली कौलिनी कलिवर्द्धिनी ।
कर्मसंन्यासिकाराध्या कर्ब्बुरी कलिनाशिनी ॥ ३४॥
कर्व्वा कर्मविपाका च कञ्जोद्यानविहारिणी ।
कल्माषकण्ठभयदा कल्याणी कनकप्रभा ॥ ३५॥
कादम्बरी च कान्ताङ्घ्रिदोहदारण्यवासिनी ।
कान्तारभीतिसन्त्रस्तरक्षिणी कपिरूपिणी ॥ ३६॥
कापिशेयासनारूढा कापिशेयपतिप्रिया ।
कामकल्लोलसाम्राज्ञी कामेशी कापिशार्चिता ॥ ३७॥
कामजानरवा कामकेलिपाण्डित्यविग्रहा ।
कामरूपमहायोनिपीठस्था कामरूपिणी ॥ ३८॥
कामावसायिता कामलतालक्ष्या च कामिनी ।
कामरेखालयाधीशा कामाख्या कामरक्षिणी ॥ ३९॥
कार्त्तस्वराम्बरा कायस्था कायस्थप्रपूजिता ।
कार्त्तवीर्यान्तजननी कार्त्तवीर्यकुलाम्बिका ॥ ४०॥
कार्त्तान्तिका च कारुण्यसिन्धुसम्पूर्णमानसा ।
कार्त्तिकेयप्रसूः कालकण्ठगात्रनखक्षता ॥ ४१॥
कीनाशनाशकर्त्री च कीलालपविमर्दिनी ।
कुटुम्बपोषणासक्ता कुठाटङ्कधरप्रसूः ॥ ४२॥
कुणिन्दव्यापिनी कुण्ठा कुन्दिनी कुण्टकोदरा ।
कुण्डपाय्यफलाध्यक्षा कुन्तलीशीरपोषिणी ॥ ४३॥
कुमारी कुमुदावासा कुब्जिका च कुमोदिनी ।
कुरुकुल्ला कुम्भयोनिस्तुता कुलकुलायिका ॥ ४४॥
कुलस्त्री कुलनक्षत्रा कुलवारप्रपूजिता ।
कुलटा कुलधर्मिष्ठा कुलपर्वतवासिनी ॥ ४५॥
कुलेशशासना कौलेश्वरी च कुलिशासना ।
कृकवाकुध्वजक्षेत्रा कुलीना कुलशासना ॥ ४६॥
कुलका कुञ्जरारातिवाहना कलहप्रिया ।
कुबेराचलसाम्राज्ञी कुसृतिः कपटेश्वरी ॥ ४७॥
कुहूकण्ठरवप्रीता कूटस्था कुलिशाङ्कुशा ।
कूटार्थभाषिता कृत्तिवासोवक्षोविहारिणी ॥ ४८॥
कृशाङ्गी कूर्मचक्रस्था कृष्करार्द्धाङ्गहारिणी ।
कृपीटयोनिमध्यस्था कृतान्तजननी कृपा ॥ ४९॥
कृष्णपूज्या कृष्णजाया कृष्णाख्या कृष्णवल्लभा ।
कृष्णद्वैपायनज्ञानदायिनी कृष्णपिङ्गला ॥ ५०॥
कृष्णसारथिसम्पूज्या कृष्णसारङ्गरूपिणी ।
कृष्णाश्रिता कृष्णस्वसा केलिकोपवनाश्रया ॥ ५१॥
केश्यरिप्रेयसी कृष्णसखी केशिनिसूदना ।
कैटर्य्यवृक्षहिन्दोला कैटभी कैटभेश्वरी ॥ ५२॥
कैवर्त्ती कैरवी कोकबन्धुमाता किरातिनी ।
कोटरा कौशिकारातिवाहनप्रसवा तथा ॥ ५३॥
कौशीतकी कौशिकी च कौशिकर्षिवरप्रदा ।
क्रतुद्विड्दैत्यसंहन्त्री कौस्तुभस्वामिगेहिनी ॥ ५४॥
क्रौञ्चारातिप्रिया क्रौञ्चभगिनी क्रौञ्चदारणा ।
क्रोडास्या क्षितिजा क्षिप्ता क्षितिसन्तानचण्डिका ॥ ५५॥
क्षीरशुक्ला क्षीरसिन्धुसुता क्षेत्राधिदेवता ।
क्षेमङ्करी च क्षेत्रज्ञा क्षेत्रक्षेत्रज्ञबोधिनी ॥ ५६॥
खगेन्द्रकेतुरमणी खरारूढा खगासना ।
खराब्दाङ्कुरकाभा च खरा खट्वाङ्गधारिणी ॥ ५७॥
खड्गहस्ता खगास्या च खवास्पालयनन्दिनी ।
खसात्मजान्तका खष्पा खस्तनी खाण्डवान्तका ॥ ५८॥
खोङ्काहा खादुका खस्फाटिकास्या खोल्मुकप्रसूः ।
खेचरी खेचरीमुद्रा ख्यातिः खिङ्खिरविग्रहा ॥ ५९॥
गगनध्वजनेत्रा च गङ्गा गाङ्गेयपूजिता ।
गङ्गाधरसुता गङ्गाधरगार्हस्थ्यधर्मिणी ॥ ६०॥
गजसाह्वयसाम्राज्येश्वरनिर्वाणदायिनी ।
गजार्यासनसंरूढा गजास्या गजगामिनी ॥ ६१॥
गणदेवसमाराध्या गणनाथवरप्रदा ।
गणप्रसूर्गणाद्रीशा गणिका गणनायिका ॥ ६२॥
गणेशजननी गौरी गदाहस्ता गदान्तका ।
गतार्त्तवा गणद्रव्या गत्वरा गन्धकालिका ॥ ६३॥
गरुडाग्रजपद्मस्था गरुडध्वजमोहिनी ।
गर्भसंरक्षणकरी गर्भिणी गर्भघातिनी ॥ ६४॥
गायत्री गौतमी गीता गीर्देवी गुणसागरा ।
गुह्यकाली गुह्यविद्या गुह्ययोनिर्गुहप्रसूः ॥ ६५॥
गोकुलेशी च गौर्गोपी गोष्ठस्था गोपवल्लभा ।
गोलोकवासिनी गोला गोलाङ्गूलवरप्रदा ॥ ६६॥
गोविन्दप्रेयसी ग्राम्या ग्रहकल्लोलभीतिहा ।
घटोद्भवा घनश्यामा घुष्टा घण्टेश्वरप्रसूः ॥ ६७॥
घनवल्ली घनज्वाला घनपाखण्डखण्डिनी ।
चक्रपुष्करिणीक्षेत्रप्रेतमोक्षप्रदायिनी ॥ ६८॥
चक्राङ्की चक्रहस्ता च चक्रायुधनमस्कृता ।
चक्रेश्वरी च चक्रस्था चक्रराजनिवासिनी ॥ ६९॥
चक्षुष्मती चण्डिका च चञ्चला चण्डनायिका ।
चामुण्डा रक्तचामुण्डा चण्डमुण्डविनाशिनी ॥ ७०॥
चक्राधिवासिनी चण्डी चक्रिणी चक्रनायिका ।
चतुर्दन्तगजारूढा चतुर्वर्गफलप्रदा ॥ ७१॥
चतुर्विद्या चतुर्वेदा चतुरा च चतुर्गतिः ।
चन्दनाचलविश्रामा चन्द्रद्वीपाधिदेवता ॥ ७२॥
चन्द्रकूटाद्रिसंस्थाना चन्द्रिका चन्द्रशेखरा ।
चन्द्रहासा चन्द्रकला चन्द्रशेखरवल्लभा ॥ ७३॥
चरणव्यूहविज्ञानबोधिता चरमाचला ।
चर्च्चिका चर्ममुण्डा च चातुर्मास्यमहोत्सवा ॥ ७४॥
चातुराश्रम्यमर्यादा चामीकरसमुज्ज्वला ।
चार्वाकार्हन्तविध्वंसा चित्रा चित्तसमुन्नतिः ॥ ७५॥
चिन्तामणिश्चित्रलेखा चित्रमेखलवाहना ।
चित्रकूटनिवासा च चित्रगुप्तवरप्रदा ॥ ७६॥
छायामृगधरज्योत्स्ना छाया छागबलिप्रिया ।
जगद्गौरी जगद्धात्री जटाला जगदम्बिका ॥ ७७॥
जगद्वहा जगद्योनिर्जठरस्था जनाश्रया ।
जनमेजयसम्पूज्या जननी जनकात्मजा ॥ ७८॥
जम्भला जह्नुतनया जपयज्ञपरायणा ।
जमदग्निप्रिया जम्भद्विडाराध्या जयप्रदा ॥ ७९॥
जरत्कारुर्जरत्कारुप्रिया जातिर्ज्वरापहा ।
झषोदरी झषाङ्कारिप्रिया टङ्कारनादिनी ॥ ८०॥
डाकिनी डाकिनीपूज्या तत्त्वज्ञानविधायिनी ।
तन्तुनागसमारूढा तत्त्वन्यासफलप्रदा ॥ ८१॥
तन्त्रोपदेशिका तन्त्रमार्गपूज्या तपस्विनी ।
तन्द्रा तपस्या तन्मात्रा तान्त्रिकी तपनात्मजा ॥ ८२॥
ताण्डवप्रेयसी तर्कविद्या तापतमस्विनी ।
तामसी तारिणी तारा त्रिपुरा त्रिपुरान्तका ॥ ८३॥
तिलपुष्पसमघ्राणा तृप्तिस्त्रिपुरभैरवी ।
तिलोत्तमा तीक्ष्णदंष्ट्रा तीव्रा तालाङ्कवल्लभा ॥ ८४॥
तेजस्विनी त्रपारण्डा त्रिकालज्ञा त्रिलोचना ।
त्रैलोक्यैश्वर्यवरदा त्रिगुणा त्रिदशोद्भवा ॥ ८५॥
त्रिसन्ध्यव्यापिनी तिस्रपीठाचार्यप्रकाशिनी ।
त्रिहायणी च त्रैलोक्यविजया त्र्यम्बकानुगा ॥ ८६॥
त्विषाम्पतिप्रसूर्दक्षकन्या दक्षविनाशिनी ।
दाक्षायणी दक्षिणाशेश्वरी दक्षिणकालिका ॥ ८७॥
दक्षिणाचारसन्तुष्टा दक्षिणा दग्धविग्रहा ।
दण्डनाथा दण्डनीतिर्दण्डनारायणप्रिया ॥ ८८॥
दधीच्यस्थिस्थिता दध्यानी दैत्यद्विड्वरप्रदा ।
दमयन्ती च दम्भोलिहस्ता दम्भनिवारणा ॥ ८९॥
दरिद्रा दर्द्दुरा दर्द्दरीकघोषा दशारुहा ।
देवेशदशनोच्छिष्टा दशग्रीवनिपातिनी ॥ ९०॥
दशावतारजननी दिग्वस्त्रा चैव दस्रसूः ।
दाशार्हरमणी दाशनन्दिनी दहनप्रिया ॥ ९१॥
देवमाता दितिर्देवी देवलोकनिवासिनी ।
दिवस्पतिप्रिया दिव्या दिव्यवस्त्रा दिगम्बरा ॥ ९२॥
दुग्धाब्धिजा दिव्यगन्धा च दिष्टान्तविधायिका ।
दीप्तपिङ्गलसंस्थाना दीप्ता दिव्योपपादुका ॥ ९३॥
दुरिष्टदमनी दुर्गा दुर्गार्तित्राणकारणा ।
दुर्जया दुर्जनद्वेषा दुर्वासोवरदायिनी ॥ ९४॥
दूषणारिप्रिया दृष्टिविक्षेपास्त्रप्रकाशिनी ।
दुर्लभा दुर्विनीता च दुर्योधनक्षयङ्करी ॥ ९५॥
देवपत्नी देवसेना देवता देवकात्मजा ।
दैववाणी च दैवज्ञा देशिका दैवकोविदा ॥ ९६॥
दोषज्ञा दुष्टसंहारिणी दोर्दण्डपराक्रमा ।
द्वात्रिंशन्नामसम्पूज्या द्रौपदी द्रविडेश्वरी ॥ ९७॥
द्वारिकाधीशतनया द्वारिकाधीशगेहिनी ।
द्वारिकाकुलविध्वंसकारिणी द्वारवासिनी ॥ ९८॥
दिव्यकार्त्तस्वरागेन्द्रधनुष्कोटिप्रकाशिनी ।
द्विजराजप्रिया क्षेत्रपालद्वाःस्थितदर्शका ॥ ९९॥
द्विजेन्द्रवरदा द्वैमातुरक्षेत्रा धरासुता ।
धरित्री धेनुकाधर्मचारिणी धर्मचारिणी ॥ १००॥
धर्मचिन्ता धनुर्विद्या धर्मराजजयप्रदा ।
धूमावती च धिषणा धूम्रलोचनघातिनी ॥ १०१॥
ध्वान्तसम्मर्दिनी धौतकौशेयी ध्वाङ्क्षवाहना ।
नक्तञ्चरचमूभक्षा नकुलीशप्रपूजिता ॥ १०२॥
नक्षत्रमालिनी नक्रघातिनी नखरायुधा ।
नागाम्बा नागभगिनी नगजा नगनन्दिनी ॥ १०३॥
नटेश्वरप्रिया नाट्यविद्या नन्दा नटेश्वरी ।
नन्दिकेश्वरपृष्ठस्था नन्दजा नन्दनन्दिनी ॥ १०४॥
नभोमण्डलदीपास्या नभोद्वीपसमस्वरा ।
नरकेष्टा नरकान्तकरी नरकदेवता ॥ १०५॥
नरनारायणाराध्या नरविष्वणनाशिनी ।
नरमेधप्रिया नाकनायिका नहुषप्रिया ॥ १०६॥
नवोद्धृतसुगन्धा च नवरात्रसमर्चिता ।
नानानुष्ठानसद्रूपा नागारातीशवल्लभा ॥ १०७॥
नारायणी निराकारा निकषात्मजवैरिणी ।
निकुम्भिला निग्रहेशी निग्रहेश्वरकामिनी ॥ १०८॥
निग्रहागमसन्तुष्टा निग्रहागमपूजिता ।
निःशेषनिग्रहाध्यक्षा निग्रहाज्ञाप्रवर्त्तिनी ॥ १०९॥
निग्रहाचार्यवरदा निग्रहाचार्यरक्षिणी ।
निग्रहानुग्रहकरी निग्रही निग्रहेश्वरी ॥ ११०॥
निग्रहाचारनिपुणा दुष्टनिग्रहकारिका ।
निरालम्बा निरम्बा च निर्गुणा निरवग्रहा ॥ १११॥
निर्विकल्पसमाधिस्था निर्विण्णा निवराकृतिः ।
निवातकवचत्रासकारिणी च निषद्वरी ॥ ११२॥
निलिम्पनिर्झरी नीतिर्नीतिशास्त्रविशारदा ।
निशुम्भशुम्भहननी नीलगीर्नीलकुन्तला ॥ ११३॥
नीलाचलनिवासा च नीलमाधवगेहिनी ।
नीलाब्जवदना नीललोहितेश्वरवल्लभा ॥ ११४॥
नृसिंहरूपिणी न्यक्षघातिनी निगमस्तुता ।
पञ्चप्रेतासनारूढा पञ्चकृत्यविधायिनी ॥ ११५॥
पञ्चाननसमारूढा पञ्चाननरतिप्रिया ।
पञ्चाम्नायमहाविद्या पञ्चमाननकृन्तनी ॥ ११६॥
प्रजापतिप्रिया पञ्चाङ्गुलिः पञ्चार्थदायिनी ।
पञ्चाथर्वशिरोमन्त्रसिद्धिदा प्रियवादिनी ॥ ११७॥
पञ्चकोषस्थिता पञ्चायतनस्था च पञ्चधा ।
पञ्चरात्रस्तुता पञ्चक्लेशहन्त्री च पण्डिता ॥ ११८॥
प्रकृतिश्च प्लवङ्गेन्द्रमहासैन्यप्रपूजिता ।
फेत्कारिणी फलाध्यक्षा फलदा फाल्गुनप्रिया ॥ ११९॥
बकजिद्रक्षिणी बल्या बकघ्नी बडवामुखी ।
बलभद्रप्रिया बाला बगला बलवर्द्धिनी ॥ १२०॥
बलिन्दमशिरच्छेत्री बलारातिजयप्रदा ।
बाणगङ्गा बाणमाता बाणासुरनिपातिनी ॥ १२१॥
बाभ्रवी बालसन्ध्या च बलिदानप्रिया बला ।
बालार्कमण्डलाभासा बिल्ववृक्षनिवासिनी ॥ १२२॥
ब्रह्मकर्मसमाधिस्था बौद्धपाखण्डखण्डिनी ।
ब्रह्मज्ञा ब्रह्मरमणी ब्रह्माणी ब्रह्मचारिणी ॥ १२३॥
ब्रह्मज्ञानप्रदात्री च ब्रह्मदण्डप्रहारिणी ।
ब्रह्मनिर्वाणरूपा च ब्रह्मराक्षसभीतिहा ॥ १२४॥
ब्रह्मर्षिपूजिता ब्रह्मविद्या ब्रह्मस्वरूपिणी ।
ब्रह्मवेदस्तुता ब्रह्मसूत्रा ब्रह्मवरप्रदा ॥ १२५॥
ब्रह्मास्त्रविद्या ब्रह्मास्त्रस्तम्भिनी ब्रह्मघातिनी ।
भक्तिर्भगवती भक्तवाञ्छासङ्कल्पपादपा ॥ १२६॥
भगीरथसुता भक्तपालिनी भगमालिनी ।
भण्डासुरनिहन्त्री च भद्रकाली भयप्रदा ॥ १२७॥
भद्रा भद्रहरा भद्रप्रदा भद्रेश्वरप्रिया ।
भद्रात्मजधरा भद्राश्रयसञ्चर्चितस्तनी ॥ १२८॥
भरद्वाजस्तुता भव्या भारती भरतप्रसूः ।
भर्गोयुक्ता भगाकारा भरतप्राणरक्षिणी ॥ १२९॥
भवप्रिया भवानी च भवदा भवनाशिनी ।
भस्मासुरविनाशा च भस्माचलनिवासिनी ॥ १३०॥
भार्गवी भार्गवाराध्या भाष्यकारवरप्रदा ।
भास्करेष्टा भागवतश्लोकचारित्रवर्द्धिनी ॥ १३१॥
भूतात्मिका भूतहन्त्री भीमा भीमपराक्रमा ।
भूतभूमिविहारा च भूतनी भूतनायिका ॥ १३२॥
भृङ्गीशार्द्धशरीरस्था भूपुत्री भिल्लसुन्दरी ।
भेरुण्डा भैरवी भोगावली भैरववल्लभा ॥ १३३॥
मकरस्था मगाराध्या मकरध्वजवर्द्धिनी ।
मङ्गलाङ्गी महामाया माधवी मगधेश्वरी ॥ १३४॥
मत्स्योदरी मत्स्यगन्धा मणिद्वीपाधिदेवता ।
मत्तेभगमना मत्ता मातङ्गी मणिकर्णिका ॥ १३५॥
मदना मदनावस्था मदनायुधरूपिणी ।
मदिराक्षी च मनसा मीनाक्षी मदनोत्सवा ॥ १३६॥
मायाविनी मनोगुप्ता मन्त्रजिह्वा मनस्विनी ।
मन्दाकिनी महाकाली मर्यादा च महोदरी ॥ १३७॥
महालक्ष्मीर्महाकालप्रिया मार्त्तण्डभैरवी ।
महिषघ्नी महापापहरा महिषमर्दिनी ॥ १३८॥
मायासीता महाकौलज्ञानदात्री महाशया ।
माहेश्वरी च माकातारूपिणी मानसालया ॥ १३९॥
मूर्द्धाभिषिक्तहर्म्यस्था मुरलीधरमोहिनी ।
मूलाधारस्थिता मूलप्रकृतिर्मेनकात्मजा ॥ १४०॥
महारुद्रप्रिया मेना मैनाकाद्रिसहोदरा ।
माङ्गल्यदा महारात्रिर्मोहरात्रिश्च मोहिनी ॥ १४१॥
यक्षिणी यक्षरात्रिश्च यज्ञनारायणप्रसूः ।
यज्ञनारायणाराध्या यज्ञनारायणप्रिया ॥ १४२॥
यज्ञोपवीतिनी यज्ञपशुस्वर्गसुखप्रदा ।
यथाशास्त्रसदाचारा यथार्थफलदायिनी ॥ १४३॥
यादवेन्द्रकुलाराध्या यादवेन्द्रवरप्रदा ।
यमी यामवती यामी यमपत्नी यशस्विनी ॥ १४४॥
युवती युद्धदक्षा च युधिष्ठिरप्रपूजिता ।
योनिमुद्रा योगमाया योगनिद्रा च योगिनी ॥ १४५॥
योगीश्वरी च योगस्था योगेश्वरनमस्कृता ।
योगेश्वरी च रक्ताक्षी रक्तबीजाशनी रमा ॥ १४६॥
रक्तवस्त्रा रक्तजिह्वा रक्ताङ्गी रक्तदन्तिका ।
रक्षोघ्नी रक्षिका रक्षोजननी रङ्गनायिका ॥ १४७॥
रजताद्रिनिवासा च रजनीचरवल्लभा ।
रजनीकरदारा च रजनीचरनाशिनी ॥ १४८॥
रणालङ्करणप्रेमा रणस्थानविहारिणी ।
रतार्थिनी रती रण्डा रतिमन्दिरसुन्दरी ॥ १४९॥
रत्नपारायणध्वंसकरी रत्नाकरप्रिया ।
रत्नपारायणावासा रत्नाभरणभूषिता ॥ १५०॥
रथक्रान्तागमाराध्या रथाङ्गायुधयोधिनी ।
रथाङ्गपाणिरमणी रमणी रमणप्रिया ॥ १५१॥
रसातलनिवासा च रसज्ञा रविलोचना ।
रसवारिधिमध्यस्था रासेशी रसिकेश्वरी ॥ १५२॥
रसेश्वरी रसास्वादा राक्षसेन्द्रवरप्रदा ।
राधिका राजलक्ष्मीश्च राक्षसेन्द्रविनाशिनी ॥ १५३॥
रामस्तुता राममाता रामचन्द्रजयप्रदा ।
रामाङ्घ्रिपाविता रामभगिनी रामवल्लभा ॥ १५४॥
रामारातिविनाशा च रामदूतवरप्रदा ।
रामायणकथावक्त्री राघवानन्यरूपिणी ॥ १५५॥
रासभस्था रिपुद्रोहा रासमण्डलनायिका ।
रुक्मिणी रुक्मवर्णा च रुक्मिणीसुतवल्लभा ॥ १५६॥
रुद्राक्षमालिनी रुद्रगेहिनी रोगहारिणी ।
रुद्राणी रुद्रचण्डी च रेणुका रिपुभक्षिणी ॥ १५७॥
लक्ष्मीर्लज्जा लोकमाता लोपामुद्रा च लङ्किनी ।
लाक्षारुणा लोककान्ता ललिता ललितप्रिया ॥ १५८॥
लक्ष्मणप्रेयसी लक्ष्यभेदिनी लवणान्तका ।
लतासाधनसम्पूज्या लोहितस्रवमण्डिता ॥ १५९॥
लोकघ्नी लोकजननी वामाचारपरायणा ।
वाराही वङ्गदेशस्था वज्रिणी वज्रकालिका ॥ १६०॥
वज्रज्वाला तथा वज्रवाराही वज्रशृङ्खला ।
वटपत्राश्रितप्राणविष्णुश्लोकार्द्धदायिनी ॥ १६१॥
वनदुर्गा वराङ्गी च वरदा वनमालिनी ।
वर्णाश्रमविधानज्ञा वर्षिष्ठा वर्णमातृका ॥ १६२॥
वह्निप्रिया च वाग्देवी व्यासचिन्तापहारिणी ।
शङ्खिनी शक्रमाता च शम्बरासुरसूदनी ॥ १६३॥
शम्भुप्रिया च शम्बूकघातिनी शशिशेखरा ।
शिवदूती शिवा शङ्का शाकिनी शिखिवाहना ॥ १६४॥
शास्त्रसंरक्षिणी सप्तशतीपूज्या सभोचिता ।
सती सत्यवती सत्या सम्प्रदायप्रदायिनी ॥ १६५॥
कालरात्रिर्महामारी महाविद्या हरप्रिया ।
मित्रनाथसुहृत्प्रेमा सिद्धनाथवरप्रदा ॥ १६६॥
चतुष्पीठाधिगा शक्तिः सिद्धाज्ञापारमेश्वरी ।
सर्वसिद्धान्तनिष्पन्नमनन्तगुणभूषितम् ॥ १६७॥
निग्रहागमसंसिद्धं निग्रहाधीश्वरीप्रियम् ।
निग्रहाचार्यसम्प्रोक्तं नामसाहस्रकं महत् ॥ १६८॥
कामरूपे शतावर्तं कृत्वा सिद्धो भवेन्नरः ।
यः पठेत्प्रयतो भक्त्या स देव्याः पदवीमियात् ॥ १६९॥
॥ इति श्रीनिग्रहागमसम्मतं श्रीनिग्रहाचार्यपदस्थेन
श्रीभागवतानन्दगुरुणा प्रोक्तं श्रीनिग्रहेश्वरीसहस्रनामस्तोत्रम् ॥
Composed by Shri Bhagavatananda Guru