श्रीमद्राधादेव्या नाम्नामष्टादशशती
(श्रीकृष्णयामले महातन्त्रे)
चतुर्विंशोऽध्यायः
ब्राह्मण उवाच
ततः सा त्वरया वृन्दा दासी कृष्णस्य योगिनी ।
सम्मुखस्था महादेव्या गृहीत्वा करपङ्कजम् ।
अपृच्छन्मधुरालापा तन्नाम चरितानि च ॥ १॥
वृन्दा उवाच
किं ते नाम महादेवि तन्मे कथय सुव्रते ।
मया त्वं कृत्ययाविष्टा लक्ष्यसे मन्दगामिनि ॥ २॥
श्रुतमस्ति मया किञ्चित्तदाकर्णय सुव्रते ।
परब्रह्मस्वरूपस्य कृष्णस्याऽद्भुतरूपिणः ॥ ३॥
देहाद्विनिर्गता पूर्वं राधिका सकलाधिका ।
तां दृष्ट्वा रूपिणीं देवीं स्वयं कृष्णो मुमोह सः ॥ ४॥
ततस्तुष्टाव विकलो राधा राधेति जल्पकः ।
तामेव नीलराजीवलोचनीं शोकमोचनीम् ॥ ५॥
ततः सा च महादेवी भुवनेश्याऽवरोधिता ।
कृष्णदेहोद्भवाऽप्यद्य रतिभीताऽद्रवत् क्षणात् ॥ ६॥
हस्तप्राप्तां च तां देवीं न स जग्राह केशवः ।
प्रेमभङ्गभयात् साऽपि ततश्चान्तर्दधे क्षणात् ॥ ७॥
अन्तर्हितायां राधायां तत्कामासक्तचेतनः ।
चिन्तयामास विश्वात्मा कथं मद्वशगा भवेत् ॥ ८॥
अपूर्वरूपसम्पन्ना नवयौवनगर्विणी ।
तत्र चिन्तयतस्तस्य कृष्णस्य परमात्मनः ॥ ९॥
देहादाविर्बभूवाऽसौ परब्रह्मस्वरूपिणी ।
समस्तलोकजननी श्रीमत्त्रिपुरसुन्दरी ॥ १०॥
यथा कृष्णे न भेदोऽस्ति परमानन्दरूपिणी ।
बहुरूपा च सा देवी ततो जाताः सहस्रशः ॥ ११॥
अनङ्गकुसुमाद्याश्च नित्यलीला महाबलाः ।
नानारूपधराः सर्वा नानाशक्तिसमन्विताः ॥ १२॥
अन्वेषणाय राधायाः प्रेषिता विश्वरूपया ।
राधया चापि ताः सर्वा निर्जिता निजमायया ॥ १३॥
तच्छ्रुत्वा त्रिपुरादेवी योगिनी त्रिपुरातनी ।
चकार कर्म तद्दिव्यं मन्त्रमुद्रासमन्वितम् ॥ १४॥
संक्षोभणं द्रावणं च वश्याकर्षणमादनम् ।
त्रिखण्डाद्या मुद्रिकाश्च वश्यकर्मकुतूहलाः ॥ १५॥
याभिर्विरचिताभिश्च का स्त्री न स्याद्वशङ्गता ।
मायया मोहिता याश्च उन्माद्यन्त्यो मनस्विनि ॥ १६॥
न जाने कीदृशी तासां गतिर्भवति शोभने ।
त्रिपुरा त्रिजगद्धात्री साक्षाद्या भगवत्तनुः ॥ १७॥
तया विरचिता माया न कस्या वा हरेन्मनः ।
न जाने कासि देवी त्वं किं ते नाम प्रकाश्यताम् ॥ १८॥
नवलावण्यवश्याभिः समाप्लावितविग्रहाः ।
न क्वापि कापि मे दृष्टा सृष्टाविह विहारिणी ॥ १९॥
ब्राह्मण उवाच
इत्युक्ता सा महादेवी कृष्णदेवस्य वल्लभा ।
वाणीं सुमधुरां कान्तामकरोदतिथिं मुखे ॥ २०॥
श्रीराधिका उवाच
न जानामि कुतो जाता कस्मादत्र समागता ।
किं मे नाम न जानामि स्वभावचपलाऽस्म्यहम् ॥ २१॥
एकं स्मरामि पुरुषं श्यामलं पुरुषाकृतिम् ।
तत्कटाक्षबाणभिन्नहृदया हृदयाम्बुजे ॥ २२॥
रिरंसुरपि तं दूरे भयात् प्रथमसङ्गमे ।
दैवादहं गता दूरे नीपमूलादिति स्मरे ॥ २३॥
ब्राह्मण उवाच
ततो वृन्दा भगवती भूयः प्रोवाच कामिनी ।
तामेव राधिकां देवीं प्रणयाविष्टमानसा ॥ २४॥
वृन्दा उवाच
कथयस्व महेशानि नाम किं ते सुखावहे ।
रूपं दृष्ट्वा मोहितायै मह्यं शुश्रूषवे परम् ॥ २५॥
रूपमीदृङ्नाम कीदृक् सुधासहचरं भवेत् ।
इति व्याकुलिताया मे सत्यमान्दोलितं मनः ॥ २६॥
करुणाकरुणापूर्णमरुणायतलोचने ।
यद्यस्ति कुरु चेतस्त्वं मम शोकविमोचने ॥ २७॥
श्रीराधिका उवाच
शृणु ते कथयिष्यामि वृन्दे वृन्दारवन्दिते ।
अष्टादशशतीं नाम्नां वेदागमसुगोपिताम् ॥ २८॥
पवित्रां परमां पुण्यां पापसंहारकारिणीम् ।
श्रीकृष्णविरहाक्रान्तमनसो यदि नो सुखम् ॥ २९॥
तथापि तव सौभाग्यान्मुखे वाणीं युनज्म्यहम् ।
यत्ते प्रवर्त्तयिष्यामि प्रवर्त्त्यं न कदाचन ।
केभ्योऽपि प्राणतुल्येभ्यो भक्तेभ्योऽपि विशेषतः ॥ ३०॥
अस्याऽष्टादशशतीनामस्तोत्रस्य नारदऋषिरनुष्टुपछन्दः
श्रीकृष्णाऽभिन्ना राधारसमयीशक्तिर्देवता पुरुषस्य
पुरुषार्थचतुष्टय-
साधने श्रीराधानाम्नामष्टादशशतीपाठे विनियोगः ।
ॐ राधा परमा शक्तिः श्रीकृष्णप्राणवल्लभा ।
नित्या रसमयी शुद्धा प्रबुद्धा बुद्धरूपिणी ॥ ३१॥
कमला कमलास्या च कमलासनवन्दिता ।
कमलासना कामिनी च कान्ता कान्तमनोहरा ॥ ३२॥
कान्तिमत्यनुरागाढ्या कामकेलिविलासिनी ।
वृन्दारण्येश्वरी वृन्दा वृन्दारकमनोरमा ॥ ३३॥
विश्वेषां जननी विश्वा विश्वपालनकारिणी ।
विश्वाधारा विश्वरूपा विश्वसृष्टिविकासिनी ॥ ३४॥
विश्वेश्वरी विश्वमाया विश्वसंहारचारिणी ।
अमृता मोक्षदा मोक्षा मोक्षलक्ष्मीः सुलक्षणा ॥ ३५॥
नित्यं विलासरसिका नित्यं कौतुकलम्पटा ।
गोपी राज्ञी शशिमुखी खञ्जनाक्षी च खञ्जना ॥ ३६॥
क्रीडानिकुञ्जनिलया कदम्बतरुवासिनी ।
अभक्तोत्सारणकरी सदा प्रणतवत्सला ३७॥
जगन्मोहा मोहरूपा गजेन्द्रमृदुगामिनी ।
नितम्बिनी कामदेवजयजङ्गमदेवता ॥ ३८॥
शिवदा विपदुद्धारकारिणी विजयप्रदा ।
विजया भामिनी देवी श्रीमती रतिलालसा ॥ ३९॥
मदोन्मत्ता मादिनी च दीप्ता त्रैलोक्यसुन्दरी ।
वृषभानुसुता दुर्गा दुर्गोत्तारणकारिणी ॥ ४०॥
श्रीवृन्दावनचन्द्राक्षिचकोरवरचन्द्रिका ।
लावण्यवश्या स्नाताङ्गी पूर्णामृतरसोदया ॥ ४१॥
अनन्तानन्तचरिताऽनन्तविक्रमचातुरी ।
अरूपा अधिकाकारा अमिता अहिता हिता ॥ ४२॥
अलीकहीना अध्यास्या अरिष्टगणभञ्जनी ।
अरिक्ता अघृताशक्ता अत्युज्ज्वलसमुज्ज्वला ॥ ४३॥
अत्यद्भुता अविकृतिरविचारविवर्जिता ।
अवचोगोचरा व्यक्तिरमनो वर्त्मगामिनी ॥ ४४॥
अनुच्छ्वसन्मानसा च अतिकान्तिकलापिनी ।
अजन्मा कर्मसुकृता अमला अतिसुन्दरी ॥ ४५॥
अभिरामाऽभिचलिताप्यभिसारविहारिणी ।
अतीवरतिसञ्चारिमानसा चातिकामुकी ॥ ४६॥
अनङ्गरङ्गचतुरा चाङ्गसङ्गतचन्दना ।
अपाङ्गभङ्गसञ्चारा अतिथिप्रियसेविनी ॥ ४७॥
अमराधिताङ्घ्र्यब्जा अलिका कलिकाकुला ।
अचिन्त्यरूपचरिता अधिकानन्दशालिनी ॥ ४८॥
अमन्दरससम्पन्ना अकला चाकुला तथा ।
अकाला चाकृतिरताऽप्यचला चलसन्निभा ॥ ४९॥
अमन्दा अरुणाक्षी च अरुणारुणिमाधरा ।
अपराधभञ्जिनी च अखला चाबला तथा ॥ ५०॥
अगलन्ती छलाढ्या च अम्बुदागमहर्षिता ।
अम्बरावीतसर्वाङ्गी अम्बुराशिनिवासिनी ॥ ५१॥
अतलाघातिनी चापि अनिलानलरूपिणी ।
अफलाढ्याप्यभीता च अमूलाप्ययमादरा ॥ ५२॥
अरविन्देक्षणाऽलास्याऽप्यबोधा चाहृदर्पिता ।
अक्षमालाधरा चाक्षकुन्तकाप्यक्षणेक्षणा ॥ ५३॥
अकामाऽकालमिलिता अकान्ताऽगामिनी तथा ।
अचारिका जालगता अतानाऽतान्तरूपिणी ॥ ५४॥
अदान्ताऽघारिणी चैव अलास्याऽपालिता तथा ।
अवारिताप्यभाव्या च अमाल्या मार्द्दवाऽपरा ॥ ५५॥
आकल्पाकलिता कल्या चाक्वणन्मणिनूपुरा ।
आकम्रा कमिता कम्प्रा चाकुञ्चितशिरोरुहा ॥ ५६॥
आखेलमाना खेला च आखेटकविहारिणी ।
आलस्येन विहीना च आलया लास्यकारिणी ॥ ५७॥
आगमोक्ताद्दऽप्यगणिता आगमे गोपिता गता ।
आघृणा चञ्चलाऽभ्यर्च्या आज्ज्वलज्वलनोज्ज्वला ॥५८॥
आतन्वती रतिकथामादरोदारभाविता ।
आनतानतिसुप्रीता चापन्नैरापदि स्मृता ॥ ५९॥
आफलितावृता वीता भासयन्त्यभया तथा ।
आमूलरससंस्निग्धहृदयाऽऽमयवर्जिता ॥ ६०॥
आयता रतिशीला च आलीढा हसितानना ।
आबुद्धाप्याश्रिताऽखिन्ना हाररूपा च जीविनाम् ॥ ६१॥
आक्षोदा क्षीणमध्या च आक्षालनकरी तथा ।
इन्दीवरवरामोदा इन्दुकोटिसुशीतला ॥ ६२॥
इच्छामयीष्टा शिष्टानामिन्दीवरवनप्रिया ।
इनसेवनसन्तुष्टा इकास्येभा मदागमा ॥ ६३॥
ईश्वरी ईशवशगा चेक्षणाह्लादकारिणी ।
ईहमाना ईतिहीना ईडिता सर्वदैवतैः ॥ ६४॥
उमा उचितकर्त्री च उक्तिप्रत्युक्तिकारिणी ।
उन्मदाऽप्युषितोल्लासा चोच्चैस्तेजोभिरुज्ज्वला ॥ ६५॥
उग्रा चोग्रप्रभा उल्काप्युक्षवाहनसेविता ।
उच्चस्वराऽप्युदीर्णा च उन्नीतोन्वयशालिनी ॥ ६६॥
उच्चार्यमाणचरिता चोद्धतोद्धारकारिणी ।
उपपन्नाऽप्युन्मनाश्च उपपातकपातिनी ॥ ६७॥
उदाराऽप्युन्नसोपायाऽप्यूरीकृतजगत्त्रया ।
उल्ललन्ती तथोल्लोलाऽप्युच्छ्रितोच्छ्रायकारिणी ॥६८॥
उछ्वासाऽप्युच्छ्वसद्वक्त्रा उच्छ्वासनविवर्जिता ।
उषा उषःकालगता उषसिप्रतिचिन्तिता ॥ ६९॥
उत्साहवर्धनकरी उत्सहन्ती परां व्यथाम् ।
उत्सेधोत्सेककलिता उत्सारितविदूषणा ॥ ७०॥
ऊर्ध्वोर्ध्वगमनी ऋक्षा ऋक्षवृन्दनिषेविता ।
ऋक्षव्यूहाभयङ्कारी ऋभुक्षा ऋक्षरूपिणी ॥ ७१॥
एकाकिनी त्वेधमाना एणाक्षी एकसेविता ।
ऐङ्काररूपिणी ऐक्यशालिनी ऐच्छिकी तथा ॥ ७२॥
ऐश्वर्येण विनार्च्या च ऐन्द्रिया चैन्द्रदायिनी ।
ओकःस्वरूपिणी ओघा ओघतारणकारिणी ॥ ७३॥
ओजस्विनी औचिती च औदरिक्यौर्द्धिकी तथा ।
कालिका कलिका कीला कीलालाकुलनिग्रहा ॥ ७४॥
कुलीना कुलधर्माढ्या कुचकुट्टलकुट्टिता ।
कृता कृतमयी कृत्या हीनाकृतिनिषेविता ॥ ७५॥
केलिलोला केलिरूपा कौलिकी कौलरूपिणी ।
कौलाचारपरा कौलैःसेविता कौलधर्मिभिः ॥ ७६॥
काञ्चनाङ्गी कण्टकिनी कण्टकेन विवर्जिता ।
कुत्साविहीना कन्दर्पदर्पसंहारकारिणी ॥ ७७॥
कलिन्दकन्या कूलस्था कालिन्दी कलनिःस्वना ।
काकी कङ्कतिका कङ्करूपिणी चैव किङ्करी ॥ ७८॥
काचा काचमयी चैव कच्छपी कज्जलोज्ज्वला ।
कटकर्त्री कटिपटी कटन्दीनिरता कटा ॥ ७९॥
कठोरा कठिनव्यक्ता कठिना कठिनस्तनी ।
कडारा काण्डसम्पूर्णा कण्डूः कण्डूतिकारिणी ॥ ८०॥
कुण्डा कुण्डलिनी कुण्डरूपिणी कुण्डसंस्थिता ।
कुण्डिना कुण्डिनस्था च कण्डोलस्थितिकारिणी ॥ ८१॥
कातरा क्वथिता क्वाथा कनकाचलवासिनी ।
काननी काननमयी काननेन स्तुता कदा ॥ ८२॥
काधारा कृपणा कूपा कूपशोषणकारिणी ।
कफप्रहारिणी चैव कैवल्यमोक्षदायिनी ॥ ८३ ।१
कामाकुला कूलहीना कर्मकार्मणकारिणी ।
कामदीप्ता काररूपा कलाढ्या काशिकामयी ॥ ८४॥
काशीश्वरप्रकाशा च कौशिकी कोशरूपिणी ।
कशा कशाताडिनी च केशिनी केशिसूदनी ॥ ८५॥
काष्ठा काष्ठिनी कुष्ठनाशिनी कुशजनकरी ।
कुशेशया कृशाङ्गी च कीशकेश्वरसेविता ॥ ८६॥
कुशला कुशलाढ्या च कुशला कलिका तथा ।
काषायवसना काष्ठा काष्ठिनी कुष्ठनाशिनी ॥८७॥
कूर्मजलकरी कंसध्वसिनी कसृतिक्षमा ।
काहारकारिणी कक्षा कक्षाकोटिविहारिणी ॥ ८८॥
कक्षरूपा कक्षमयी कौक्षेयककरी तथा ।
कुक्षिसंस्थापिता चैव कुक्षतिः कुक्षमाकरी ॥ ८९॥
चक्रपाणिश्च चकिता चक्राढ्या चक्रवर्तिनी ।
चामीकराकारगौरी चमूरुरमणीक्षणा ॥ ९०॥
चञ्चला चिञ्चिनाथेष्टा चञ्चदङ्गी च चिञ्चिका ।
चटका चटकप्रीता चण्डिका चण्डविक्रमा ॥ ९१॥
चित्तेशा चातकी चन्द्रा चन्द्रिका चन्द्ररूपिणी ।
चीनाचारपरा चैव चीनदेशभवा तथा ॥ ९२॥
चपला चम्पकामोदा चम्पकाङ्गी तथैव च ।
चयरूपा चयाकारा चारुरूपा चराचरा ॥ ९३॥
चरित्रचारिणी चर्व्यमानासुरनराधिपा ।
चतुश्चरिधरा चीरा चिरचारणचारिता ॥ ९४॥
चलाचलप्रिया चैव चलद्विन्दिमनोहरा ।
चाषरूपा चूष्यरसा चषकास्यतपायिनी ॥ ९५॥
चक्षुर्लक्षणयुक्ता च चरमाऽचरमाऽचला ।
टीका टङ्कारिणी चैव टलण्टलकरी तथा ॥ ९६॥
तिक्ता चैव तथा तङ्का तङ्किनी तङ्कवर्जिता ।
तिग्मा तकारसन्तुष्टा तिग्मवह्निप्रिया तथा ।१ ९७॥
तङ्कनी तङ्कमहिमा तच्छ्रीस्ताच्छील्यशालिनी ।
तुच्छहीना तेजिता च तज्जिता तज्जयात्मिका ॥ ९८॥
तटिनी तटरूपा च तडित्ताडनकारिणी ।
तडागनिलया ताड्या तडित्वत्प्रीतिदायिनी ॥ ९९॥
ताण्डवा ताण्डवप्रीता तण्डा ताण्डवितानना ।
तूणीरा तूणकुशला तुण्डिनी तुण्डभूषणा ॥ १००॥
तताततिकरी तानप्रिया तित्तिरिनिःस्वना ।
तोत्रा तोत्रकरा चैव तत्सत्तत्सन्निवेशिता ॥ १०१॥
ततिनी तडिनी चैव तथास्त्वितिवरप्रदा ।
तथागतागताभिज्ञा तथ्यवाणी तथैव च ॥ १०२॥
तथ्यातथ्यवता चैव तिथिस्तिथिपतिप्रिया ।
तदाराध्यतनुस्तन्वी तनुरूपा तनीयसी ॥ १०३॥
तानिनी तानरसिका तपस्या तपसारता ।
तपस्विनी तापहीना तापिनी तापसप्रिया' ॥ १०४॥
तृप्ता तेमनसुप्रीता तेमना ताम्यतीतमा ।
तापिनी तारिणी तारा त्रिनेत्रा त्रिशरीरिणी ॥ १०५॥
त्रयी त्राणकरी त्रेता त्रेतायुगसमुत्थिता ।
तरिस्तरणिसन्तुष्टा तरुणी तरुरूपिणी ॥ १०६॥
तरुणानन्दिनी तीररसिका तीरसंस्थिता ।
तला तल्लयमापन्ना तानोत्सवपरायणा ॥ १०७॥
तालाङ्करसिका तालप्रिया तिलकिनी तिला ।
तिलोत्तमा तुलाहीना तुलिता तृणकारिणी ॥ १०८॥
तुषिनी तुषहीना च तुष्टिस्तुष्टमनास्तथा ।
तृष्णा तृष्णावर्जिता च तोषिणी तोषकारिणी ॥ १०९॥
तक्षिणी तक्षरूपा च तक्षकादिनिषेविता ।
तीक्ष्णा तीक्ष्णप्रभा पाका पाकसम्पादिनी तथा ॥ ११०॥
पिकस्वरा पक्षिरता पक्षिराजनिषेविता ।
पक्षव्रतपरा चैव पक्षिणी पक्षरूपिणी ॥ १११॥
पूग पूगरता पङ्का पङ्काकुलसुदुर्लभा ।
पचिनी पाचिनी पृच्छा पृच्छाकुशलकारिणी ॥ ११२॥
पूज्या पूजनशक्ता च पञ्चानननिषेविता ।
पञ्चवक्त्रा पञ्चबाणमोहिनी पञ्चसेविता ॥ ११३॥
पञ्चत्वहा पञ्चपापनाशिनी च तथैव च ।
पञ्चमस्वरसन्तुष्टा पञ्चास्यक्षीणमध्यमा ॥ ११४॥
पाञ्चालिका पाञ्चजन्यनिनदा पिञ्जशालिनी ।
पञ्जरा पञ्जरस्था च पुञ्जिनी पुञ्जरूपिणी ॥ ११५॥
पटीसिन्दूरतिलका पटशाटीसमावृता ।
पाटला पुटिनी चैव पेटीपोटा तथैव च ॥ ११६॥
पठनासक्तहृदया पाठिनी पीडितासुरा ।
पणकर्त्री पाणिपद्मशोभिता पण्डिता तथा ॥ ११७ १।
पाण्डित्यदायिनी चैव पिण्डदा पिण्डतोषिता ।
पतितोद्धारकर्त्री च पातिताऽमित्रसंहतिः ॥ ११८ १।
पितृभक्तिरता चैव पुत्रिणी पुत्रदायिनी ।
पूतना पूतनाशत्रुः पृतना पृतनावती ॥ ११९॥
पोताधानाधानकर्त्री पोतनिस्तारकारिणी ।
पथिपूज्या पथिप्रज्ञा पथिकोच्छ्वासकारिणी ॥ १२०॥
पाथोरुहनिवासा च पृथिवी पृथिवीश्वरी ।
पदा पादपतद्भक्ता पिदधाना पिधायिनी ॥ १२१॥
पानीयजसमुच्चेताः पीनस्तनकटिद्वया ।
पुनःपुनारसावेशा पौनःपुन्यविधायिनी ॥ १२२॥
पन्थाः पान्थस्वरूपा च पान्थदुःखविनाशिनी ।
पापनाशी पुष्परता पवनोत्सुकमानसा ॥ १२३॥
पावकोज्ज्वलतेजाश्च पिबपिबेतिवादिनी ।
पीवरा पामरा प्राप्या पम्पापदविलासिनी ॥ १२४॥
पयस्विनी पयोजाढ्या पायसप्रीतमानसा ।
प्रियालकुसुमासक्ता परोन्मूलनकारिणी ॥ १२५॥
पारप्रदा पुराणार्च्या पूर्वोत्था पूर्वसेविता ।
पौर्वापर्यकरी चैव पलायनविवर्जिता ॥ १२६॥
पालनी पुलकाङ्गी च पाशहस्ता तथैव च ।
पृश्निगर्भावतारा च पिण्डघोरसुदुर्धरा ॥ १२७॥
पुष्टदेहा पुष्टरूपा पोष्यपोषणकारिणी ।
पौषमासनिदाघा च पाक्षिकी पक्षिनिःस्वना ॥ १२८॥
पक्षद्वयविधात्री च पक्षान्तार्हणतोषिता ।
खकृता खगतिश्चैव खगतिर्लधुपायिनी ॥ १२९॥
खगे खगी खगरुती खगनागस्वरूपिणी ।
खञ्जा खञ्जप्रिया चैव खञ्जनाक्षी च खञ्जनी ॥ १३०॥
खट्वारता च खड्वाङ्गघारिणी खेटकप्रिया ।
खण्डा खाण्डवदाहा च खण्डिता सुरयूथपा ॥ १३१॥
खादन्ती खाद्यमाना च खण्डहीना च खेदनी ।
खनित्री खननासक्ता खनिरूपा खनीलिभा ॥ १३२॥
खिन्ना खरतरा चैव खरांशुमालिनी तथा ।
खलखली खारकरी खलीनकुरुकाश्रया ॥ १३३॥
खलीना खिलहीना च खिलाखिलनिषेविता ।
गौर्गोभिःकमिता चैव गोखुरार्चनसंरता ॥ १३४॥
गगना गगनाधारा गोगता गोगणार्चिता ।
गोग्रहा गोग्रहाह्लादकारिणी च तथैव च ॥ १३५॥
गोधनाह्लादसन्तुष्टा गोघटा घटिता तथा ।
गङ्गा च गाङ्गता चैव गञ्जनी गञ्जनोज्झिता ॥ १३६॥
गुञ्जन्मधुव्रतरुता गुञ्जामालाविभूषणा ।
गणेश्वरी गणरता गणेश्वरनिषेविता ॥ १३७॥
गुणिता गुणपूर्णा च गौणा गुणविवर्जिता ।
गण्डा गण्डवती चैव गण्डकुण्डलमण्डिता ॥ १३८॥
गण्डकी चैव गाण्डीवधारिणी गेन्दुकप्रिया ।
गता गतिमती चैव गीता गीताप्रचारिता ॥ १३९॥
गोतनुर्गोतता गाथा गाथागानपरायणा ।
गदिता गदसंहन्त्री गोदानव्रतचारिणी ॥ १४०॥
गोधा गोधाङ्गुलित्रा च गोधान्यधनवर्द्धिनी ।
गानासक्तमना गन्त्री गन्धा गन्धवहा तथा ॥ १४१॥
गोपी गोपालसक्ता च गोपालबालपालिता ।
गोपगोपार्चिता चैव गोपतिप्रणयान्विता ॥ १४२॥
गोफला गोफलकरी गोवर्धनघरी तथा ।
गोबला गोबलीवर्दनर्दनोत्सवमानसा ॥ १४३॥
गोबालकलिताभूषा गोविन्दप्रेमलालसा ।
गोवाहनमनोज्ञा च गोवृता गोवनस्थिता ॥ १४४॥
गोभारभरणासक्ता गोभूता गोऽमृतप्रिया ।
गमिता गमने मन्दा गामिनी गोमती तथा ॥ १४५॥
गम्भीरी चैव गम्भीरा गयासुरनिषूदनी ।
गया गयावासिनी च गायत्री चैव गायनी ॥ १४६॥
गेया गोयानरसिका गरला गरलाकुला ।
गानोन्मत्तमणिश्रीका गिरन्ती च गिरामयी ॥ १४७॥
गीर्यमाणा गोरसाढ्या गोरसक्रयकारिणी ।
गौरी गोश्वसितामोदा गृष्टिरूपा तथैव च ॥ १४८॥
गोसारणकरी चैव गोसुलक्षणलक्षिता ।
गोसर्जनकरी चैव गहना गहनप्रिया ॥ १४९॥
गाहा गुहनिषेव्या च गुह्या च गृहदेवता ।
गेहिनी गोक्षमाधीरा घूका घूकारुतोत्सवा ॥ १५०॥
घाटिता घटिता चैव घाटावत्यपि घाटिका ।
घोटकाकारकलिता घण्टा घण्टाविमोदिनी ॥ १५१॥
घण्टाकर्णनिषेव्या च घाणामौक्तिकराजिता ।
घृणावती घातकरी घृतामोदविधायिनी ॥ १५२॥
घनानन्दा घनमयी घनाघननिषेविता ।
घनागमरकृतरतिर्धर्मागमसुशीतला ॥ १५३॥
घर्षणा घृष्टरूपा च घृष्टिर्घासाभिलाषिणी ।
छेकाछेक रवेलमाना छगली छागवाहिनी ॥ १५४॥
छागवाहनसेव्या च छटात्रैलोक्यमोहिनी ।
छत्राछत्रमयी छत्रछादिता छात्ररूपिणी ॥ १५५॥
छदाकर्णा छादिनी च छेदिनी छेदवर्जिता ।
छदरूपा छन्नरूपा छन्ननाम्नी तथैव च ॥ १५६॥
छिन्नमस्ता छन्नमूर्तिश्छन्नप्रच्छन्नकारिणी ।
छन्दा छन्दमयी चैव छन्दोगा छन्दसाम्प्रभुः ॥ १५७॥
छायामयी छायिनी च छायाकर्त्री छलप्रिया ।
छलाछलकरी छल्या जगन्नाथप्रियापि च ॥ १५८॥
जगतामुपकर्त्री च तथा जागरणक्षमा ।
जङ्गमा जङ्गमेशानी तथा जङ्गमचारिणी ॥ १५९॥
जटाजूटधारिणी च जडाजडनिपातिनी ।
जितामित्रा च जेत्री च जैत्रकर्मविधायिनी ॥ १६०॥
जननी जननीतिज्ञा जिनाचारपरायणा ।
जपा जप्या जपकरी जापिनी जीवधारिणी ॥ १६१॥
जीवापि जीवजीवातुर्जैवात्रिकमनोरमा ।
जडिनी जडसुप्रीता जमलार्जुनभञ्जिनी ॥ १६२॥
जेमना जेमनकरी जैमिनिस्तवनप्रिया ।
जम्बूलमालिकारक्ता जम्बूप्रीता च जाम्बवी ॥ १६३॥
जाम्बवत्यपि जम्बाला जम्बालकलिताऽपि च ।
जम्बुवत्सेविता चैव जम्बूनदविभूषणा ॥ १६४॥
जम्बीरविपिनासक्ता जम्बुकाननवासिनी ।
जृम्भापि जृम्भमानास्या जम्भसूदनवन्दिता ॥ १६५॥
जम्भप्रवैरिणी चैव जया च जयिनी तथा ।
जाया जेयविजेत्री च जरामरणवर्जिता ॥ १६६॥
जला जलमयी चैव जलेश्वरनिषेविता ।
जलवासा जालहीना जालक्षेपणकारिणी ॥ १६७॥
जक्षिणी जक्षसेव्या च जक्षिणीगणसेविता ।
जक्षराडभिलाष्या च झङ्कारा झङ्कृतिप्रिया ॥ १६८॥
झञ्झारूपा झटा चैव झिण्टीकुसुमपूजिता ।
झररूपा झषाकारा झषराशिनिषेविता ॥ १६९॥
ठं ठं ठनितिशब्दाढ्या ठद्वया ठठरूपिणी ।
डमड्डमरुहस्ता च ढक्कावाद्यविनोदिनी ॥ १७०॥
दण्डा दण्डधरा चैव दण्डपाणिनिषेविता ।
दात्री दूती दूत्यसक्ता दूतिसञ्चारकारिणी ॥ १७१॥
दानसञ्चारसन्तुष्टा दानद्विरदगामिनी ।
दण्डिनी दण्डधवला दान्ता द्वन्द्वविनाशिनी ॥ १७२॥
दन्दशूकसमाकारा दवाग्निवीर्यसम्भृता ।
दावम्थिता दविष्ठा च देवतागणसेविता ॥ १७३॥
देवी देववसुस्निग्धा देवकी देवकप्रिया ।
तथा दैवविधानज्ञा दैवविद्भिर्निषेविता १। १७४॥
दमरूपा दामिनी च दम्भा दम्भोलिविक्रमा ।
दम्भा दम्भवती चैव दया चापि दयामयी ॥ १७५॥
दायाढ्या दायरूपा च दूयमाना सुराधिपा ।
देयप्राप्या दराढ्या च दरहीना दरावहा ॥ १७६॥
दारिणी दूरलभ्या च दलपूर्णा दलप्रिया ।
दोलायमानसर्वाङ्गी दिव्यतेजःप्रकाशिनी ॥ १७७ १।
दिव्या दिविविहारा च दिवारात्रिकरी तथा ।
दशदिग्ज्योतिनी चैव दशाफलविधायिनी ॥ १७८॥
दशादशकलादेशकालोचितपराक्रमा ।
दिशन्ती दाशरूपा च दोषलेशविवर्जिता ॥ १७९॥
दोषक्षयकरी दुष्टदूषणोद्धारकारिणी ।
दासीप्रिया दास्यकरी दासीगणविराजिता ॥ १८००
दहना दहनेशा च दाहनिर्मूलकारिणी ।
दहनी दीहमाना च दिहन्नितम्बशालिनी ॥ १८१॥
देहधात्री दौहिकी च दोहिनी दोहरूपिणी ।
दक्षा दक्षिणदिग्जाता दक्षिणा दक्षिणप्रिया ॥ १८२॥
दाक्षिण्यनिरता दीक्षा दीक्षाकृतिपरायणा ।
दीक्षितप्रणयाविष्टा दीक्षितातिवशस्थिता ॥ १८३॥
धिक्कारिणी च धटिनी धेटीकटिसुशोभिता ।
धेटिनी धेटरूपा च धृतश्रीर्धौतविग्रहा ॥ १८४॥
धन्या धनदसन्तुष्टा धन्वानोदनकारिणी ।
धूपिनी धूपसम्मोदा धवलाङ्गी च धाविनी ॥ १८५ १।
धमिनी धामिनी धूम्रा धूमकेतुविनाशिनी ।
धूमयोनिकतप्रीतिर्धूम्रलोचनमर्दिनी ॥ १८६॥
धूमा धौम्या धौम्यरता ध्मायमानाऽम्बुजापि च ।
धिया प्राप्या धूयमाना ध्येया ध्यानविगोचरा ॥ १८७॥
धरणी धरणीशानी धरणीधरधारिणी ।
धाराधारमयी धाराधारिणी धीरपूजिता ॥ १८८॥
धुरन्धरा धोरणी च धौरीणव्रतचारिणी ।
धूलिधूसरगात्रा च धूसरा धूसरेक्षणा ॥ १८९॥
धिषणावत्सेविता च धिषणा धिषणावती ।
धूक्षन्ती नाकनिलया नाकनायकनायिका ॥ १९०॥
निकटस्था च नौका च नौकासन्तारकारिणी ।
नृकपालमालकण्ठा निकारान्तविधायिनी ॥ १९१॥
नखरा नखचन्द्रा च नसरेखाविभूषणा ।
नगगानगजा चैव नगराजनिवासिनी ॥ १९२॥
नागवाहनसन्तुष्टा नागिनी नागसेविता ।
नवला नाचला चैव नृचातुर्यकरी तथा ॥ १९३॥
निचोलाञ्चलसंवीता नैचिकीगणपूजिता ।
नौचला नोच्छलकरी नृच्छादनकरी तथा ॥ १९४॥
निजलोकशोकहरा नेजनी नौजनस्तुता ।
नृजनार्चनसन्तुष्टा नृसंहारकरी तथा ॥ १९५॥
नटिनी नटरूपा च नटनाटनकारिणी ।
नाट्यलीलाविनोदा च नाटिताखिलसंमृतिः ॥ १९६॥
नीजजारुतकर्त्री च नीजजाधिपवाहना ।
नतचेतोऽम्बुजस्था च निन्दानन्दमयी तथा ॥ १९७॥
नूतनातिनूतना च नेत्रत्रयविभूषिता ।
नेत्री नेत्रशोभिताङ्गी नास्वरूपा नदन्मुग्वी ॥ १९८॥
नादरूपा निदधती नौधराधरनिश्चला ।
नदस्वरा चैव तथा नानागुणसमन्विता ॥ १९९॥
नृणामप्रीतिहृदया नौनाशितभयावहा ।
नन्दिनी नन्दिता चैव नन्दनन्दनजीवनी ॥ २००॥
निन्दाहीना तथा नन्दा नीपमूलविनाशिनी ।
नृपतित्वप्रदा चैव नौपतिप्रतिसेविता ॥ २०१॥
नृफलैकप्रदात्री च नवनीतसुकोमला ।
नावनीतरसस्निग्धा निविडाश्लेषकारिणी ॥ २०२॥
नीविबन्धानुबन्धा च नभोगमनलालसा ।
नाभिह्रदगभीरा च निभासद्भास्करोज्ज्वला ॥ २०३॥
अपि नौभवनस्था च नमस्या नाममोहिनी ।
निम्ननाभिसुशोभा च नृमण्डलविभूषणा ॥ २०४॥
नेमिर्नेमिवती चैव नैमिषारण्यवासिनी ।
नित्यरूपा नित्यरसा नयनानन्दवर्धिनी ॥ २०५॥
नयधीरा नायिका च नियता नियतिप्रदा ।
नियमाचारसञ्चारा नरेन्द्रपरिसेविता ॥ २०६॥
नरान्तर्यामिनी चैव निरयान्तककारिणी ।
नारायणी नीरवासा नैरन्तर्या च नौरता ॥ २०७॥
नलसेव्या च नानाढ्या तथा नीलसरस्वती ।
नृलम्बनकरी चैव नौलम्बनकरी तथा ॥ २०८॥
नाशनी नाशरहिता नृशीलपरिशीलना ।
नौशान्धकारदलनी नोषरस्था च नोषिता ॥ २०९॥
नासावेषितमुक्ता च नृसज्जनसुतोषिता ।
नीहारालयपुत्री च निहतिर्निहतिक्रिया ॥ २१०॥
नीहारांशुसमाकारा तथा नौहरणोद्यता ।
नृक्षयकरी तथा चैव नौक्षालनकरी तथा ॥ २११॥
फटावती फणिपतिप्रथिता फणदीपिता ।
फेनशुभ्रा च फूत्कारा फेत्कारिण्यपि फेरुता ॥ २१२॥
फलदात्री फुल्लरूपा फुल्लस्तबकशोभिता ।
फल्गुरूपा फल्गुवाक्या फल्गूत्सवपरायणा ॥ २१३॥
बकलीला बाकला च वृकव्यूहविनाशिनी ।
वृकोदराऽग्निरूपा च बाता वाग्वागुपासिता ॥ २१४॥
विगता वेगिनी चैव विधातृभयनाशिनी ।
वचनारचनादक्षा वाचिकप्राणमोहिनी ॥ २१५॥
विचारचतुरा वीचिर्वीचिहन्त्री तयैव च ।
वज्रभूषा वज्रपाणिर्वज्रवैरोचनी तथा ॥ २१६॥
वाजिपृष्ठसमारूढा विजरा बीजरूपिणी ।
वञ्चकारुतसन्धात्री वञ्चकव्यूहवेष्टिता ॥ २१७॥
वटमूलनिवासा च वटाधिष्ठानकारिणी ।
विटजल्पितसुप्रीता विट्ठलेश्वरपूजिता ॥ २१८॥
विट्पूजिता च वडवा वाडवाग्निसमप्रभा ।
वीणावादनसुप्रीता वीणा वीणावती तथा ॥ २१९॥
वन्दनासक्तहृदया वसन्तोत्सवकातरा ।
वातपुत्री च वितनुध्वजिनी वीतविद्रवा ॥ २२०॥
वृतकन्दर्पमित्रा च वेत्रपाणिस्तथैव च ।
वदावदप्रिया चैव वादिनी विदरा तथा ॥ २२१॥
वेदरूपा वेदवती वैदर्भीवधकारिणी ।
बाधा बाधानाशिनी च विधन्वा विधुरूपिणी ॥ २२२॥
विधिशीला बुधा बोध्या वेधःपूज्या च वैधसी ।
बोधिता बोधशीला च बौद्धा बौद्धक्रियाप्रिया ॥ २२३॥
वनस्थिता वानप्रस्था विनेत्रा वृन्तरूपिणी ।
वन्दनप्रीतचित्ता च वन्दिता वन्दितप्रिया ॥ २२४॥
वृन्दारवृन्दवीता च वृन्दावनविलासिनी ।
बन्धनापन्नाशिनी च बन्धुजीवारुणाधरा ॥ २२५॥
वन्ध्यापत्यप्रदा चैव बान्धवाप्रीतमानसा ।
वपनोत्सवसंसर्पा वनिता विपणिस्थिता ॥ २२६॥
वरवरस्रवद्रक्ता विवरान्तरचारिणी ।
विभीर्वैभवसम्पूर्णा वमितासुरपुङ्गवा ॥ २२७॥
वामा च वामदेवार्च्या विभनोहृदयस्थिता ।
बिम्बाधरा व्ययाढ्या च वैयासकिनिषेविता ॥ २२८॥
वरारोहा वारिणी च विरहानलकीलिता ।
वीरा वीर्ययुता चैव वीरणप्रीतिमानसा ॥ २२९॥
वैरिनिष्कम्पिनी चेव बलसूदनदुर्लभा ।
बलरामाभिरामा च बलविक्रमकारिणी ॥ २३०॥
बाला बिलप्रविष्टा च विलम्बकरणक्षमा ।
वशंवदा विशाखेशा वेशचारुविलासिनी ॥ २३१॥
वैशम्पायनपूज्या च वषड् विषविनाशिनी ।
वृषासुरनिहन्त्री च वृषरक्षणकारिणी ॥ २३२॥
वौषट्वसनशून्या च वास्तुयागसुतोषिता ।
विसिनीदलवासा च वाहिनी वाहिनीस्थिरा ॥ २३३॥
विहारकारिणी चैव बृहती वैहायसी तथा ।
वक्षोरुहयुगोत्तुङ्गा विक्षालनकरी तथा ॥ २३४ ०।
वृक्षश्रेष्ठाग्रनिलया भेकप्लुतिविनाशिनी ।
भगभालालङ्कृता च भगवत्यपि भागिनी ॥ २३५॥
भाग्यवत्ती तथा चैव भृगुसेवनतोषिता ।
भोगिनी भोगदा भोग्या भङ्गभीतिविनाशिनी ॥ २३६॥
भृङ्गरङ्गसङ्गमा च भजनस्निग्धमानसा ।
भाजनश्रीवृद्धिकरी भुजान्दोलविलासिनी ॥ २३७॥
भोज्यभोजनसन्तुष्टा भञ्जनी भटदुर्घटा ।
भुवनासक्तवदना भण्डमण्डनकारिणी ॥ २३८॥
भाण्डवत्यपि भाण्डाङ्गी भीता भूतरानिषेविता ।
भृता भृत्यप्रिया चैव भौतचेष्टाविधायिनी ॥ २३९॥
भिदाकर्त्री भेदहीना भूपगोष्ठीसमर्चिता ।
भापपदप्रदात्री च भवेन परिभाविता ॥ २४०॥
भाविनी भुवनप्रीता तथा भामा च पम्भामिनी ।
भीमवीर्यपोषणी च भूआंमभूंमगुणाबूता ॥ २४१॥
भौमस्थानप्रदात्री च भौमग्रहसुपूजिता ।
भयहीना भवोद्भ्रान्ता भारोत्तोलनकारिणी ॥ २४२॥
भीरुर्भूरिगुणोपेतसेविता भेरिनिःस्वना ।
भेरुण्डा भैरवी चापि भूलम्बनकरी तथा ॥ २४३॥
भृशदुरितनिहन्त्री च भाषिणी भिषगर्चिता ।
भीषणा च भुशुण्ड्यस्त्रा भूषणेन विभूषिता ॥ २४४॥
भेषजाशननीरोगा भैषज्यपददायिनी ।
भक्षिणी चैव भिक्षुश्च भिक्षाकर्मकलापिनी ॥ २४५॥
भूक्षयकलालोला च तथा भैक्ष्यविधायिनी ।
भैक्षाचारसुसन्तुष्टा मकराकृतिकुण्डला ॥ २४६॥
मुक्ता मुक्तनिषेव्या च मुक्ताहारविहारिणी ।
मृकण्डुतनयार्च्या च मृकण्डपरिखण्डिनी ॥ २४७॥
मौक्तिकाभासुररदा मखकर्मसमर्हिता ।
मेखला कटिबन्धा च मौखर्यपरिवर्जिता ॥ २४८॥
मृगशिरसि जाता च मृगचर्मोपवेशिता ।
मृगपत्नीलोचनी च मुग्धा मुग्धनिषेविता ॥ २४९॥
मघवद्विक्रमकरी मोघीकृतरिपुव्रजा ।
मेघकेशी मङ्गली च तथा मङ्गलदायिनी ॥ २५०॥
मज्जावती मृजाशीला मञ्चस्था मञ्जुवागपि ।
मोटिनी मठमध्यस्था मृडानी मेढूचक्रगा ॥ २५१॥
मणिमण्डपमध्यस्था मणिराजिविराजिता ।
मणिपत्रस्थिता चैव तथा माणवकाकृतिः ॥ २५२॥
मृणालाभभुजायुग्मा मृणालशयनोत्सुका ।
मण्डलान्तरसंस्था च मुण्डमालासमाकुला ॥ २५३॥
मताभिज्ञा मातलीष्टा मित्रसंसर्गतोषिता ।
मृतसत्कारकर्त्री च मैत्रवर्त्मप्रकाशिनी ॥ २५४॥
मथनी मदपूर्णा च मादिनी मुदिता तथा ।
मृदिता मेदुरा चैव मोदिनी मौदिरप्रदा' ॥ २५५॥
मधुमाध्वीकमत्ता च माधवीपुष्पसौरभा ।
मृधनिर्जयिनी चैव मनोविषयजृम्भिता ॥ २५६॥
मानिनी मीननेत्रा च मुनिराजनिषेविता ।
मौनिनी च तथा चैव मन्थानदण्डधारिणी ॥ २५७॥
मन्दारकुसुमार्च्या च मान्द्यवर्जनकारिणी ।
मयदानवसंसेव्या मायाहीना च मायिनी ॥ २५८॥
मयूरनिनदाप्रीता मयूररुतकारिणी ।
मरणत्रासहन्त्री च मारोद्दीपनकारिणी ॥ २५९॥
मुरागन्धप्रिया चैव मललेशविनाशिनी ।
मालाशोभितसर्वाङ्गा मिलन्ती मीलयन्त्यपि ॥ २६०॥
मूलरूपा मौलिका च मेधामैश्वर्यदायिका ।
मिषन्ती मूषिकाकारा मूषिकांशुवरप्रदा ॥ २६१॥
मेषादिनी मोषहीना मासव्रतपरायणा ।
मोहिनी मक्षिकारूपा मेक्षणी मोक्षदायिनी ॥ २६२॥
यागप्रिया युगकरी योगिनीकोटिवल्लभा ।
यौगिकी याचमाना च यच्छन्ती यजनक्रिया ॥ २६३॥
याजयन्ती तथा चैव योजनायामविस्तृता ।
योटनी यतमाना च यातनाक्षयकारिणी ॥ २६४॥
यदुवंशक्षयकरी यानमङ्गलचारिणी ।
योनिरूपा यौवनाढ्या युवलोकविलोकिता ॥ २६५॥
यमभीतिक्षयकरी यामिनी यमुना तथा ।
यावद्गुणसुसम्पन्ना यशस्या च यशस्विनी ॥ २६६॥
यशोदामोहिनी चैव योषाकुलशिरोमणिः ।
रुक्मिणी रागरसिका रुगपेता च रोगहृत् ॥ २६७॥
राघवी राघवप्रीता रंङ्कानुग्रहकारिणी ।
रङ्गदा रिङ्गणकरी रोचिःसञ्चारकारिणी ॥ २६८॥
रुचिरा रौचिकी चैव राजलक्षणलक्षिता ।
रुजासञ्चारकर्त्री च रञ्जना रटनोत्सवा ॥ २६९॥
रणदुर्मदमत्ता च रतकालविलासिनी ।
रीतिज्ञा रुतघोरा च रथलक्षपुरोगता ॥ २७० १।
रदद्वयस्मेरयुता राधिता रोधकारिणी ।
रोधोविनाशिनी चैव रन्धनाकुलविग्रहा ॥ २७१॥
रूप्यभाण्डा रूपवती रोपणी रवकौतुका ।
राविणी रेवती रेवा तथा रैवतकस्थिता ॥ २७२॥
रमा च रमणी चेव रामणीयकमयुता ।
रोमराजीराजिता च रम्भा रम्भावनस्थिता ॥ २७३॥
रयकर्त्री रोषकरी रुष्टा रसितकौतुका ।
रासावेशविलासा च रोहिणी रक्षिणी तथा ॥ २७४॥
राक्षसेश्वरसेव्या च रूक्षा लकुचवेष्टिता ।
लगिता लग्नसञ्चारा चापि लग्नमयी तथा ॥ २७५॥
लधुबुद्धिप्रदा चैव लङ्कापुरनिवासिनी ।
लैङ्गवर्त्मप्रकाशा च लिङ्गरूपा च लिङ्गिनी ॥ २७६॥
लङ्घनी च तथा लज्जा लज्जाभरधरा तथा ।
लाजविक्षेपणी चैव लाङ्गुली लाङ्गुलान्विता ॥ २७७॥
लाता लोडनकर्त्री च लूतातन्तुप्रसारिणी ।
लूनामित्रा च लपनी लापसंलापकारिणी ॥ २७८॥
लोपामुद्रा लाभकत्री लोभहीना च लोभनी ।
लोमशाराघ्यचरणा लम्बनी लम्भनी तथा ॥ २७९॥
लयहीना लयगता लयनान्तरशायिनी ।
लालामयी ललज्जिह्वा लास्यकर्त्री च लासिका ॥ २८०॥
लक्षसेव्या च लाक्षाभा लाक्षारागानुरागिणी ।
वुद्धिप्रदा बुद्धिरता बुद्धिरूपा तथैव च ।१ ९८१॥
शक्तिः शाकम्भरी चैव शिक्यनिर्माणकारिणी ।
शुकपोषणकर्त्री च शुकदेववरप्रदा ॥ २८२॥
शूकराकृतिकर्त्री च शूकधान्यसुतोषिता ।
शोकापनोदिनी चैव शाखिनी शिखिसत्प्रभा ॥ २८३॥
शाङ्करी शङ्करा चैव शङ्खिनी शृङ्गधारिणी ।
शाटीपटसमुद्दीप्ता शठलोकबिभर्त्सनी ॥ २८४॥
शाढ्यहीना तथा चैव शणसूत्रशिरोरुहा ।
शूलपाणिः शोणनेत्रा शातकुम्भस्तनद्वयी ॥ २८५॥
शितबाणा शीतमूर्तिः शोथघ्नी शुद्धरूपिणी ।
शान्ता शान्तिमती चैव शिञ्जिता सज्जनप्रिया ॥ २८६॥
शपथा शान्तहृदया शापमोचनकारिणी ।
शफरीनयनी चैव शिफारूढा शवासना ॥ २८७॥
शावपोष्ट्री शिवोपास्या शिवा च शेवधिस्तथा ।
शिविका शिविकारूढा शैववर्त्मप्रदायिनी ॥ २८८॥
शोभाकरी शमवती शामिन्यपि च शेमुषी ।
शम्पामध्या शम्बरारिवारिणी शाम्बरी तथा ॥ २८९॥
शम्भुरूपा शाम्भवी च शम्भुमूर्ध्निस्थितापि च ।
शयनोच्छ्वसिता चैव शायिता शरवारिणी ॥ २९०॥
श्रीः श्रीमन्निषेव्या च श्रीफलाधःस्थिता तथा ।
शारिणी शिवमूर्द्धा च शिवहस्ता तयैव च ॥ २९१ ।१
शूरसेव्या शैवहस्तप्रददा शौरकर्मिणी ।
शलभोद्धारिणी चैव शालानिर्माणकारिणी ॥ २९२॥
शिलावृष्टिकरी शीलशालिनी शूलिनी तथा ।
शैलतुल्या श्वरीना च श्वापदव्यूहवेष्टिता ॥ २९३॥
श्वेतासना श्वैत्यवती श्वाती श्वसनकारिणी ।
श्वासानिलसुगन्धा च शशचर्मनिवासिनी ॥ २९४॥
शैशवाढ्या शेषहीना शोषणी शासिनी तथा ।
शिक्षाकरी सुकण्ठी च सेककर्त्री सुकोमला ॥ २९५॥
सुखप्रदा सौख्यरूपा सगरान्वयतारिणी ।
सागरास्था च सुगदध्वंसिनी सङ्करप्रिया ॥ २९६॥
साङ्गोपाङ्गक्रियाध्यक्षा सङ्घसञ्चारकारिणी ।
सज्जनाह्लादजननी सुजनी सञ्जयार्चिता ॥ २९७॥
सितपद्मदलप्रीता सुतनुः सूत्ररूपिणी ।
सृता च सदरा चैव सादरा सीददुद्व्यथा ॥ २९८॥
सुदया सुदरा चैव सोदरप्रीतिकारिणी ।
सधवा च तथा साध्वी सिद्धा सीधुनिपायिनी ॥ २९९॥
सुधन्वा च तथा सेनाकोलाहलविधायिनी ।
सैन्यमूर्द्धासन्दलनी सन्देशहारिणी तथा ॥ ३००॥
सान्द्रानन्दा च सिन्दूरमण्डितालिकमण्डला ।
सुन्दोपसुन्दहन्त्री च सौन्दर्यसर्वमोहिनी ॥ ३०१॥
सन्धिविग्रहकार्या च सन्धात्री सन्ध्ययार्चिता ।
सन्ध्या सिन्धुस्वरूपा च सिन्धुमज्जनकारिणी ॥ ३०२॥
सैन्धवी सैन्धवश्रीका सुपदा सूपकारिणी ।
सौपद्यदायिनी चैव सवृत्तिः सावरा तथा ॥ ३०३॥
सुवर्णालङ्कारधात्री सौवर्णप्रभवोज्ज्वला ।
सभासभ्यघिकर्त्री च साभा च सुभगा तथा ॥ ३०४॥
समा साम्यविहीना च सीमन्तोत्सवकारिणी ।
सृमरा सोमभावा च सोमवर्त्मप्रसारिणी ॥ ३०५॥
सम्पन्ना च तथा सम्पत् सम्पद्दात्री तथैव च ।
संवृता च तथा सम्भाषणकौशलकारिणी ॥ ३०६॥
शुम्भनिशुम्भहन्त्री च सम्पन्ना सायतिस्तथा ।
सरःस्था सारसी चैव सुरसा सुरसाधिता ॥ ३०७॥
सौरस्यदायिनी चैव सनया सानया तथा ।
सुनीला स्वच्छबुद्धिश्च तथा स्वाच्छन्द्यकारिणी ॥ ३०८॥
रचनामृतवर्षिणी च स्विन्ना स्वप्नावती तथा ।
स्वयम्भूपूजिता चैव स्वयम्भूः स्वात्मदीपनी ॥ ३०९॥
स्वरसप्तकसङ्गीतरङ्गिणी स्वात्मभाविनी ।
स्वाहा स्वधा स्वाक्षरा च तथापि स्वामिवल्लभा ॥ ३१०॥
सक्षता साक्षिणी चैव सुक्षोदा सूक्षिता तथा ।
हुङ्कारिणी तथा हूट्टवासिनी हठकारिणी ॥ ३११॥
हतिहन्त्री हुतप्रीता हुतासुरमहाहना ।
हूतपापा हेतिहस्ता होतृरूपा तथैव च ॥ ३१२॥
हौतासनप्रभाकर्त्री हृदम्बुजनिवासिनी ।
हननारिप्टहृदया हीनदोषा तथैव च ॥ ३१३॥
हम्भारवाकालनोत्था हृदयानन्दशालिनी ।
हयवाहनसुप्रीता हायनज्ञानदायिनी ॥ ३१४॥
हूयमाना हरिप्रीता हारिणी हीरकोज्ज्वला ।
हलिदर्शनक्रीम्भारा हलाहलनिपायिनी ॥ ३१५॥
हिलिहिलीतिकर्त्री च तथा हुलहुलिप्रिया ।
हेलाकरी ह्ववालन्ती च ह्वालयन्ती तथैव च ॥ ३१६॥
हेषारवसमोदा सा हसन्ती हासविह्वला ।
हाहा हाहाकरी चैव हूहू गन्धर्ववेष्टिता ॥ ३१७॥
हैहयार्चिततजाश्च क्षतिकर्त्री क्षितिस्थिता ।
क्षुतकर्त्री क्षेत्ररूपा क्षेत्रपालनिषविता ॥ ३१८॥
क्षौतदोषप्रशमनी क्षुद्रा च क्षोदिना तथा ।
क्षौद्रकप्रीतहृदया क्षिपन्ती क्षोभवर्जिता ॥ ३१९॥
क्षमावती तथा क्षामाक्षरोल्लापविलासिनी ।
क्षेमङ्करी क्षौमवस्त्रा तथा क्षयविवर्जिता ॥ ३के ०॥
क्षरहीना भक्तजना क्षारहीना तथैव च ।
क्षारप्रीताक्षरप्राप्या क्षालनी क्षालनप्रिया ॥ ३२१॥
अघमर्दन्यङ्कजा च अङ्गप्रत्यङ्गकोमला ।
अच्छीकरणदक्षा च अजमाया तथैव च ॥ ३२२॥
अञ्चलीचञ्चला चैव अञ्जनारञ्जनी तथा ।
अटवीरटनप्रीता अतलाधःस्थिता तथा ॥ ३२३॥
अवनी अमरारातिकोटिकोटिनिपातिनी ।
अयस्थिता अरालभ्रुरशक्ताऽशकला तथा ॥ ३२४॥
अशया अशरा चैव अशलाकाशकोज्ज्वला ।
अस्वप्ना असहा चैव अहन्त्री अक्षवृत्तिगा ॥ ३२५॥
आकाशवासिनी चैव आगतापि तथैव च ।
आधारसुस्थिता चैव अचलादलकाह्वला ॥ ३२६॥
आचाररचिताचार्या आजिमध्यप्रवेशिनी ।
आयसा आरकूटस्था आलस्यक्षयकारिणी ॥ ३२७॥
आशंसाकर्मशुभदा आषाढधारिणी तथा ।
आशावर्धनकर्त्री च आशाज्योतिर्विधायिनी ॥ ३२८॥
आषाढमासि पूज्या च आशंसास्वान्तमास्थिता ।
आसारसुखिता चैव आहोस्विदिति तर्किता ॥ ३२९॥
इडा इडतापत्रया ईषद्धास्यमिलन्मुखी ।
उड्डियानपीठगता उष्ट्रपुङ्गववाहिनी ॥ ३३०॥
उक्ता उतथ्याध्वजधृक् उद्धवप्रीतिकारिणी ।
उम्भिता उदिता चैव उन्नता उपरिस्थिता ॥ ३३१॥
इक्षुहस्ता तथाऽप्यूढा ऋतुकालसुखप्रदा ।
ऋतप्रिया तथा चैव ऋक्षमोक्षणकारिणी ॥ ३३२॥
ऋषिभिः सेविता चैव ऋष्यशृङ्गसमर्चिता ।
ओड्रपुष्पपूजिता च आधारचक्रवासिनी ॥ ३३३॥
मणिपुरवासिनी च स्वाधिष्ठाननिवासिनी ।
अनाहतानाहता च विशुद्धचक्रवासिनी ।
आज्ञाचक्रवासिनी च सहस्रदलवासिनी ॥ ३३४॥
इतीमां नाम्नामष्टादशशतीं यः पठति शृणोति पाठयति श्रावयति
वा स सर्वपापविमुक्तः, स धनी धनद इव, स कविः कविरिव,
स पण्डितो गुरुरिव, स रूपवान् जगन्मोहनो मन्मथ इव,
स राज्याधिकारी सुरराज इव, स तेजस्वी वह्निरिव,
स शासकः पितृपतिरिव, स सर्वतोगतिः पवमान इव,
स शौर्ययुक्तः सूर्य इव, स शीतलः शीतमरीचिरिव भवेत् ॥ ३३५॥
यः पठेत् प्रयतो विद्वान् पद्यार्धं पद्यमेव वा ।
ब्रह्महत्यादिपापेभ्यो मुक्त एव न सशयः ॥ ३३६॥
इमं स्तवं पठन् व्यासः कवीन्द्रत्वमुपागतः ।
वाल्मीकिरपि विप्रत्वं विश्वामित्रो जगाम सः ॥ ३३७॥
यद्यपि कुष्ठी कुनखी बधिरोऽन्धः पुनरति दुर्गतो
नानादुरवस्थाजडीकृतकलेवरो जपति जापयति वा सोऽपि पापं सर्वं
सन्दह्य प्रेमलक्षणां भक्तिमधिष्ठाय सर्वोपरि भ्राजते ॥ ३३८॥
सर्वाबाधाप्रशमनं धनधान्यविवर्धनम् ।
एतस्याध्ययनेनैव सत्यं सत्यं वदाम्यहम् ॥ ३३९॥
धर्मलिप्सुर्लभेद्धर्ममर्थेप्स्वर्थमवाप्नुयात् ।
कामं कामी लभेदाशु मुमुक्षुर्मोक्षमाप्नुयात् ॥ ३४०॥
सङ्कटे समनुप्राप्ते इदं स्वस्त्ययनं परम् ।
रणे वा राजसदने द्यूते च विजयप्रदम् ॥ ३४१॥
यस्तु नित्यं समाहितः सम्यगालपति पुनरालापयति
शृणुते श्रावयति वा
तद्दर्शनमात्रेण वादिनो निष्प्रभा भवन्ति
दूरादेव तेजःपुञ्जप्रतिहतचक्षुषो
योगिनी-डाकिनी-यक्ष-रक्ष-कूष्माण्ड-
भूत-प्रेत-पिशाच-हिंस्रजन्तवः पलायन्ते ॥ ३४२॥
तस्य वने वा गहने पोते वाताद्घूर्णिते वा न किञ्चिद्भयम् ।
न विद्युतो भयं न च दस्युतो भयं
न राजतो भयं नाऽनलतो भयं न केभ्योऽपि भयम् ॥ ३४३॥
स सर्वधर्मसम्पूर्णो नित्यानन्दमयस्तथा ।
इह लोके सुखं भुक्त्वा परत्र मयि लीयते ॥ ३४४॥
नापमृत्युर्न च ज्वरो नाऽशुभा बुद्धिरुन्मदा ।
न मात्सर्यं न लोभश्च तस्य पुंसोऽपि दुर्मतेः ॥ ३४५॥
इमा स्तुतिं पठति यः परां पुमान्
भवेत् स हिऽप्रथितकीर्तिरुत्तमः ।
विधूयऽतत्सकलकल्मषं व्रजेद्-
व्रजेश्वरी चरणपद्मभृङ्गताम् ॥ ३४६॥
॥ इति श्रीकृष्णयामले महातन्त्रे
श्रीमद्राधादेव्या नाम्नामष्टादशशती समाप्ता ॥
चतुर्विशोऽध्यायः ॥ २४॥
Proofread by PSA Easwaran psaeaswaran at gmail