श्रीराधासायुज्यदायिनीकवचम्
ॐ अस्य श्रीराधासायुज्यदायिनी-कवचस्य ईश्वर ऋषिरहम्,
गायत्री छन्दः, श्रीराधिका भुवनेश्वरी देवता, ब्रह्मप्राप्तौ विनियोगः ॥
ईश्वर उवाच ।
शृणु वत्स प्रवक्ष्यामि कवचं सर्व-सिद्धिदम् ।
गोपनीयं प्रयत्नेन न प्रकाश्यं दुरात्मना ॥ १॥
एकाक्षरी पातु शीर्षं ललाटं भुवनेश्वरी ।
शिरोदेशं महामाया भ्रूमध्ये च महेश्वरी ॥ २॥
नेत्रद्वयं राधिका मे श्रुती पातु वृषात्मजा ।
कपोलौ पातु रासेशी नासां पातु सुवर्णका ॥ ३॥
ओष्ठौ पातु कृष्णप्रिया दन्तान् पातु सुभाषिणी ।
जिह्वां पातु रसज्ञा च मुखं पातु मनोहरा ॥ ४॥
कण्ठं पातु विशालाक्षी कण्ठ-मूलं सुगन्धिनी ।
स्कन्धौ पातु महाशक्तिः बाहु-मूलं सुवर्णिनी ॥ ५॥
हस्तौ पातु सुन्दरी च अङ्गुलीषु च ईश्वरी ।
हृदयं पातु गोपीशा वक्षःस्थल-निवासिनी ॥ ६॥
पार्श्वौ पातु महाभागा जठरं च यशस्विनी ।
नाभिं पातु राधिका च कटि-देशं विलासिनी ॥ ७॥
उरू पातु रसज्ञा च जानु-द्वयं सुशोभनी ।
जङ्घे पातु च गोपीका गुल्फ-युग्मं सुमध्यमा ॥ ८॥
पादौ पातु च सर्वाङ्गी पादाङ्गुलीषु पावनी ।
नखानि पातु रासेशी रोम-कूपेषु योगिनी ॥ ९॥
अधस्तात् पातु मे राधा ऊर्ध्वं पातु परात्परा ।
दिक्षु पातु महाविद्या विदिङ्क्षु च महाप्रिया ॥ १०॥
पूर्वे पातु महालक्ष्मीः दक्षिणे च सुलोचना ।
पश्चिमे पातु रासेशी उत्तरे च वरप्रदा ॥ ११॥
अग्न्यायां पातु सानन्दा नैरृत्यां च सुमेधसा ।
वायव्यां पातु गोपीका ईशान्यां सर्वदा स्थिरा ॥ १२॥
रात्रौ पातु च सा देवी दिवसे पातु सा पुनः ।
स्वप्ने पातु च सा नित्यं जागरे पातु सत्वरा ॥ १३॥
गच्छन् पातु स्थितां पातु शयानां च विशेषतः ।
अरण्ये पातु मे राधा सङ्कटे पातु सुन्दरी ॥ १४॥
सागरे पातु मे राधा पर्वते पातु सर्वदा ।
शून्ये पातु महामाया सङ्ग्रामे पातु ईश्वरी ॥ १५॥
ब्रह्मप्राप्ति-विधौ पातु योगिनी-वृन्द-वन्दिता ।
सायुज्यं च प्रदास्यन्ति मदीया सा परात्परा ॥ १६॥
एतत्कवचमज्ञात्वा यो जपेत राधिकां प्रिये ।
तस्य सिद्धिर्न भवति कल्पकोटिशतैरपि ॥ १७॥
सहस्रकोटि-जप्तेन कवचेन च मन्त्रिणा ।
वाञ्छितं लभते सर्वं नात्र कार्या विचारणा ॥ १८॥
अष्टसिद्धिप्रदं दिव्यं महाकवचमद्भुतम् ।
अकाल-मृत्यु-नाशाय व्याधि-व्याल-विनाशनम् ॥ १९॥
ग्रह-पीडा-प्रशमनं दुःस्वप्न-भय-नाशनम् ।
अग्नि-चौर-भयं न स्यात् शस्त्रास्त्रेभ्यो न कस्यचित् ॥ २०॥
राजद्वारे सभे चैव युद्धे जयमवाप्नुयात् ।
स्त्रीणां सौभाग्यदं चैव पुंसां राज्य-विवर्धनम् ॥ २१॥
विद्यार्थी लभते विद्यां धनी लभते च धनम् ।
पुत्रार्थी लभते पुत्रं यशस्विनं कुलोद्भवम् ॥ २२॥
यः पठेत् प्रातरुत्थाय शुचिर्भूत्वा समाहितः ।
तस्य गृहे सदा लक्ष्मीः स्थिरा वसति निश्चितम् ॥ २३॥
यत्र यत्र भवेद्वासास्तत्र तत्र जयाऽऽदिशः ।
पिशाच-भूत-वेतालाः पलायन्ते भयान्विताः ॥ २४॥
मन्त्र-सिद्धिर्महा-सिद्धिः सायुज्यं परमो गतिः ।
तदन्ते कृष्ण-सारूप्यं लभते राधिका-कृपात् ॥ २५॥
न हि योगेन दानेन न तपस्या-शतैरपि ।
लभ्यते यत्फलं नित्यं कवचेन च तत्क्षणात् ॥ २६॥
इदं रहस्यं परमं त्रिषु लोकेषु दुर्लभम् ।
स्व-पुत्राय च शिष्याय परमानन्द-दायिने ॥ २७॥
दद्यात् सायुज्य-सिद्ध्यर्थं विना पात्रं न दापयेत् ।
गोपयेत् कवचं नित्यं यथा स्व-हृदय-प्रियम् ॥ २८॥
इति गुह्यतमं दिव्यं कवचं समुदाहृतम् ।
राधा-सायुज्य-दं पुंसां नात्र संशय-लेशकः ॥ २९॥
इति श्रीराधासायुज्यदायिनीकवचं सम्पूर्णम् ।
Encoded and proofread by Durga Sharma