Savitri Ashtottarashatanama Stotram

 सावित्र्यष्टोत्तरशतनामस्तोत्रम् 

(नारदाय सनत्कुमारप्रोक्तम्)
सनत्कुमार उवाच ।
भूतिदा भुवना वाणी महावसुमती मही ॥ ८३-१५५॥

हिरण्यजननी नन्दा सविसर्गा तपस्विनी ।
यशस्विनी सती सत्या वेदविच्चिन्मयी शुभा ॥ ८३-१५६॥

विश्वा तुर्या वरेण्या च निसृणी यमुना भुवा ।
मोदा देवी वरिष्ठा च धीश्च शान्तिर्मती मही ॥ ८३-१५७॥

धिषणा योगिनी युक्ता नदी प्रज्ञाप्रचोदनी ।
दया च यामिनी पद्मा रोहिणी रमणी जया ॥ ८३-१५८॥

सेनामुखी साममयी बगला दोषवार्जिता ।
माया प्रज्ञा परा दोग्ध्री मानिनी पोषिणी क्रिया ॥ ८३-१५९॥

ज्योत्स्ना तीर्थमयी रम्या सौम्यामृतमया तथा ।
ब्राह्मी हैमी भुजङ्गी च वशिनी सुन्दरी वनी ॥ ८३-१६०॥

ॐ कारहंसिनी सर्वा सुधा सा षड्गुणावती ।
माया स्वधा रमा तन्वी रिपुघ्नी रक्षणी सती ॥ ८३-१६१॥

हैमी तारा विधुगतिर्विषघ्नी च वरानना ।
अमरा तीर्थदा दीक्षा दुर्धर्षा रोगहारिणी ॥ ८३-१६२॥

नानापापनृशंसघ्नी षट्पदी वज्रिणी रणी ।
योगिनी विमला सत्या अबला बलदा जया ॥ ८३-१६३॥

गोमती जाह्नवी रज्वी तपनी जातवेदसा ।
अचिरा वृष्टिदा ज्ञेया ऋततन्त्रा ऋतात्मिका ॥ ८३-१६४॥

सर्वकामदुघा सौम्या भवाहङ्कारवर्जिता ।
द्विपदा या चतुष्पदा त्रिपदा या च षट्पदा ॥ ८३-१६५॥

अष्टापदी नवपदी सहस्राक्षाक्षरात्मिका ।
अष्टोत्तरशतं नाम्नां सावित्र्या यः पठेन्नरः ॥ ८३-१६६॥

स चिरायुः सुखी पुत्री विजयी विनयी भवेत् ।
एतत्ते कथितं विप्र पञ्चप्रकृतिलक्षणम् ॥ ८३-१६७॥

मन्त्राराधनपूर्वं च विश्वकामप्रपूरणम् ॥ ८३-१६८॥

इति नारदपुराणे पूर्वभागे त्र्यशीतितमाध्यायान्तर्गतं
         नारदाय सनत्कुमारप्रोक्तं सावित्र्यष्टोत्तरशतनामस्तोत्रं समाप्तम् ।

बृहन्नारदीयपुराण । पूर्वभाग । अध्याय ८३/१५५-१६८॥


bRRihannAradIyapurANa . pUrvabhAga . adhyAya 83/155-168..

Proofread by PSA Easwaran