Shri Tulasi Kavacha Ashtakam

 श्रीतुलसीकवचाष्टकम् 

ॐ तुलस्यै नमः ॥

ॐ मूर्धानं मे सदा पातु वृन्दावनविहारिणी ।
ललाटं पातु मे देवी पुण्डरीकाक्षसेविता ॥ १॥

नेत्रे पातु जगन्माता कर्णौ पातु हरिप्रिया ।
नासिकां पातु सौगन्ध्या मुखं पातु मनोहरा ॥ २॥

जिह्वां पातु जगद्धात्री कण्ठं पातु हरिप्रिया ।
स्कन्धौ पातु च वृन्दाख्या बाहू पातु शुभप्रदा ॥ ३॥

हृदयं पातु वैष्णवी वक्षः पातु महेश्वरी ।
नाभिं पातु तपःसिद्धा कटिं पातु पवित्रदा ॥ ४॥

ऊरू पातु जगन्माता जानुनी कृष्णवल्लभा ।
जङ्घे पातु च सावित्री पादौ पातु हरिप्रिया ॥ ५॥

पूर्वे पातु च वृन्दा मां आग्नेय्यां पातु माधवी ।
दक्षिणे विष्णुकान्ता मां नैरृत्यां पातु वैष्णवी ॥ ६॥

प्रतीच्यां पातु लक्ष्मीर्मां वायव्यां पातु देवता ।
उदीच्यां पातु गौरी मां ऐशान्यां पातु नारदप्रिया ॥ ७॥

ऊर्ध्वं पातु महादेवी अधस्तात् पातु पावनी ।
अन्तर्बहिश्च मां पातु तुलसी विष्णुवल्लभा ॥ ८॥

तुलसीकवचं पुण्यं यः पठेत् श्रद्धयान्वितः ।
हरिभक्तिं परां लब्ध्वा विष्णुलोकं स गच्छति ॥

तुलसीदलमात्रेण यः कुर्यात् केशवार्चनम् ।
तस्य पुण्यफलं वक्तुं न शक्नोति चतुर्मुखः ॥

इति श्रीतुलसीकवचाष्टकं सम्पूर्णम् ॥


Encoded and proofread by Rukmini Goswami