श्रीवासवीकन्यकाष्टकम्
नमो देव्यै सुभद्रायै कन्यकायै नमो नमः ।
शुभं कुरु महादेवि वासव्यैच नमो नमः ॥ १॥
जयायै चन्द्ररूपायै चण्डिकायै नमो नमः ।
शान्तिमावहनोदेवि वासव्यै ते नमो नमः ॥ २॥
नन्दायैते नमस्तेऽस्तु गौर्यै देव्यै नमो नमः ।
पाहिनः पुत्रदारांश्च वासव्यै ते नमो नमः ॥ ३॥
अपर्णायै नमस्तेऽस्तु कौसुंभ्यै ते नमो नमः ।
नमः कमलहस्तायै वासव्यै ते नमो नमः ॥ ४॥
चतुर्भुजायै शर्वाण्यै शुकपाण्यै नमो नमः ।
सुमुखायै नमस्तेऽस्तु वासव्यै ते नमो नमः ॥ ५॥
कमलायै नमस्तेऽस्तु विष्णुनेत्र कुलालये ।
मृडान्यैते नमस्तेऽस्तु वासव्यै ते नमो नमः ॥ ६॥
नमश्शीतलपादायै नमस्ते परमेश्वरी ।
श्रियं नोदेहि मातस्त्वं वासव्यै ते नमो नमः ॥ ७॥
त्वत्पादपद्मविन्यासं चन्द्रमण्डलशीतलम् ।
गृहेषु सर्वदाऽस्माकं देहि श्रीपरमेश्वरि ॥ ८॥
ॐ बालारूपिणि विद्महे परमेश्वरि धीमहि । तन्नः कन्या प्रचोदयात् ।
इति श्रीवासवीकन्यकाष्टकं सम्पूर्णम् ।