ब्रह्माद्यर्षिगणाकृता श्रीगणेशस्तुतिः
भृगुरुवाच ।
नमो नमस्तेऽखिल लोकनाथ ! नमो नमस्तेऽखिललोकधामन् ।
नमो नमस्तेऽखिललोककारिन् ! नमो नमस्तेऽखिललोकहारिन् ॥ १०॥
नमो नमस्ते सुरशत्रुनाश ! नमो नमस्ते हृतभक्तपोष ! ।
नमो नमस्ते निजभक्तिपोष ! नमो नमस्ते लघुभक्तितोष ! ॥ ११॥
निराकृते ! नित्यनिरस्तमाय ! परात्परब्रह्ममयस्वरूप ! ।
क्षराक्षरातीत गुणैर्विहीन ! दीनानुकम्पिन् ! भगवन् ! नमस्ते ॥ १२॥
निरामयायाखिलकामपूर ! निरञ्जनायाखिलदैत्यदारिन् ! ।
नित्याय सत्याय परोपकारिन् ! समाय सर्वत्र नमो नमस्ते ॥ १३॥
इति ब्रह्माद्यर्षिगणाकृता श्रीगणेशस्तुतिः सम्पूर्णा ॥
- ॥ श्रीगणेशपुराणं क्रीडा (उत्तर)खण्डः । अध्यायः ६ । २.६ १०-१३॥
- .. shrIgaNeshapurANaM krIDA (uttara)khaNDaH . adhyAyaH 6 . 2.6 10-13..
Proofread by Preeti Bhandare