Shri Radhaya Dhyatam Ganesha Stotram

श्रीराधया ध्यातं गणेशस्तोत्रम्

श्रीकृष्णप्रीतिकामाऽथ सुसङ्कल्पं विधाय च । गङ्गोदकेन हेरम्बं स्नापयामास भक्तितः ॥ २२॥ ध्यार्न च सामवेदोक्तं चकार शुक्लपुष्पतः । माता चतुर्णां वेदानां वसोश्च जगतामपि ॥ २३॥ बुद्धिरूपा भगवती ज्ञानिनां जननी परा । ध्यानात्मकं स्वपुस्रं तं परं ध्यानं चकार सा ॥ २४॥ शर्वं लम्बोदरं स्थूलं ज्वलन्तं ब्रह्मतेजसा । गजवक्त्रं वह्निवर्णमेकदन्तमनन्तकम् ॥ २५॥ सिद्धानां योगिनामेव ज्ञानिनां च गुरोर्गुरुम् । ध्यातं मुनीन्द्रैर्देवेन्द्रैर्ब्रह्मेशशेषसंज्ञकैः ॥ २६॥ सिद्धेन्द्रैर्मुनिभिः सद्भिर्भगवन्तं सनातनम् । ब्रह्मस्वरूपं परमं मङ्गलं मङ्गलालयम् ॥ २७॥ सर्वविघ्नहरं शान्तं दातारं सर्वसम्पदाम् । भवाब्धिमायापोतेन कर्णधारं च कर्मिणाम् ॥ २८॥ शरणागतदीनार्तपरित्राणपरायणम् । ध्यायेद्ध्यानात्मकं साध्यं भक्तेशं भक्तवत्सलम् ॥ २९॥ इति ब्रह्मवैवर्तपुराणे श्रीकृष्णजन्मखण्डे उत्तरार्धे त्र्ययोविंशत्यधिकशततमाध्यायान्तर्गतं राधया ध्यातं गणेशस्तोत्रम् सम्पूर्णम् । ब्रह्मवैवर्तपुराण । उत्तरभाग । अध्याय १२३/२५-२८॥ brahmavaivartapurANa . uttarabhAga . adhyAya 123/25-28.. Proofread by PSA Easwaran