Shri Hanumana Stotram

 श्रीहनुमानस्तोत्रम् 

नीतिप्रवीण ! निगमागमशास्त्रबुद्धे !
राजाधिराज रघुनायक मन्त्रीवर्य ! ।
सिन्दूरचर्चितकलेवर नैष्टिकेन्द्र !
श्री रामदूत ! हनुमन् ! हर सङ्कटं मे ॥ १॥

सीतानिमित्तजरघूत्तमभूरिकष्ट
प्रोत्सारणैककसहाय ! हतास्रपौघ ! ।
निर्दग्धयातुपतिहाटकराजधाने !
श्री रामदूत ! हनुमन् ! हर सङ्कटं मे ॥ २॥

दुर्वार्यरावणविसर्जितशक्तिघात
कण्ठासुलक्ष्मणसुखाह्रतजीववल्ले ! ।
द्रोणाचलानयननन्दितरामपक्ष !
श्री रामदूत ! हनुमन् ! हर सङ्कटं मे ॥ ३॥

रामागमोक्तितरितारितबन्ध्वयोग
दुःखाब्धिमग्नभरतार्पितपारिबर्ह ! ।
रामाङ्घ्रीपद्ममधुपीभवदन्तरात्मन् !
श्री रामदूत ! हनुमन् ! हर सङ्कटं मे ॥ ४॥

वातात्मकेसरिमहाकपिराटतदीय
भार्याञ्जनीपुरूतपःफलपुत्रभाव ! ।
तार्क्ष्योपमोचितवपुर्बलतीव्रवेग !
श्री रामदूत ! हनुमन् ! हर सङ्कटं मे  ॥ ५॥

नानाभिचारिकविसृष्टसवीरकृत्या
विद्रावणारुणसमीक्षणदुःप्रद्यर्ष्य ! ।
रोगध्नसत्सुतदवित्तदमन्त्रजाप !
श्री रामदूत ! हनुमन् ! हर सङ्कटं मे  ॥ ६॥

यन्नामधेयपदकश्रुतिमात्रतोऽपि
येब्रह्मराक्षसपिशाचगणाश्च भूताः   ।
ते मारिकाश्च सभयं ह्यपयान्ति स त्वं !
श्री रामदूत ! हनुमन् ! हर सङ्कटं मे  ॥ ७॥

त्वं भक्तमानसस मीप्सितपूर्तिशक्तो
दीनस्य दुर्मदसपत्नभयार्तिभाजः ।
ईष्टं ममापि परिपूरय पूर्णकाम !
श्री रामदूत ! हनुमन् ! हर सङ्कटं मे  ॥ ८॥

इति श्रीहनुमानस्तोत्रं सम्पूर्णम् ।