Dasharathena Kritam Shri Ramagunachintanam

दशरथेन कृतं श्रीरामगुणचिन्तनम्

लोहिताक्षं महाबाहुं मत्तमातङ्गगामिनम् । दीर्घबाहुं महोरस्कं नीलकुञ्चितमूर्धजम् ॥ ९॥ दीप्यमानं श्रिया वीरं शक्रादनवमं बले । पारगं सर्वधर्माणां बृहस्पतिसमं मतौ ॥ १०॥ सर्वानुरक्तप्रकृतिं सर्वविद्याविशारदम् । जितेन्द्रियममित्राणामपि दृष्टिमनोहरम् ॥ ११॥ नियन्तारमसाधूनां गोप्तारं धर्मचारिणाम् । धृतिमन्तमनाधृष्यं जेतारमपराजितम् ॥ १२॥ पुत्रं राजा दशरथः कौसल्यानन्दवर्धनम् । सन्दृश्य परमां प्रीतिमगच्छत्कुरुनन्दन ॥ १३॥ इति महाभारते आरण्यकपर्वणि २६१ अध्यायान्तर्गतं दशरथेन कृतं श्रीरामस्य गुणचिन्तनं सम्पूर्णम् । महाभारत । आरण्यकपर्व । अध्याय २६१/९-१३॥ mahAbhArata . AraNyakaparva . adhyAya 261/9-13.. Proofread by PSA Easwaran