श्रीरामगीतम्
(तोडिरागः, रूपकतालः)
दाशरथे मां पालय दारितदशवदन ।
दीनजनावनदीक्ष दुरितापहवीक्ष ॥ ध्रुवपदम्॥
कौसल्याप्रियतनय कौशिकमुखविनुत ।
दण्डितदैत्यव्रात खण्डितहरचाप ॥ १॥
खरदूषणमुखरक्षोविदलननिपुणशर ।
खरकिरणान्वयसागरराकाशिशिरकर ॥ २॥
भवभयनाशनचतुर भजतामभयकर ।
भरताद्यनुजसमेत भारतीतीर्थनुत ॥ ३॥
इति श्रीरामगीतं सम्पूर्णम् ।
% Text title : Shrirama Gitam 2 % File name : rAmagItam.itx % itxtitle : shrIrAmagItam 2 (bhAratItIrthavirachitam dAsharathe mAM pAlaya) % engtitle : shrIrAmagItam 2 % Category : raama, sanskritgeet, kRitI % Location : doc_raama % Sublocation : raama % Author : bhAratItIrtha % Language : Sanskrit % Subject : philosophy/hinduism/religion % Indexextra : (Text Audio) % Latest update : May 11, 2025 % Send corrections to : sanskrit at cheerful dot c om % Site access : https://sanskritdocuments.org
This text is prepared by volunteers and is to be used for personal study and research. The file is not to be copied or reposted for promotion of any website or individuals or for commercial purpose without permission. Please help to maintain respect for volunteer spirit.